[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Siddhasara](https://indike.org/pramana/in.med.sangraha.siddhasara) › p418 # Siddhasara p418 Siddhasāra p418 - **Language:** Sanskrit ### [p418](https://indike.org/pramana/in.med.sangraha.siddhasara.p418) hīne tad-viparīta-tvaṁ dāhaś cāty-anuvāsite sneha-vasti-nirūhau ca yojyau vāta-vikāriṣu neṣyate kṣīṇa-kuṣṭhārśaḥ-chardi-mehodarādiṣu anuvāsitam abhyaktaṁ svinna-dehaṁ nirūhayet a-bhuktaṁ pīḍayan vastiṁ a-tūrṇaṁ a-vilambitam triṁśan-mātrā-sthito vastiḥ srāvyas tūtkuṭuka-sthite dvitīyaṁ vā tṛtīyaṁ vā dadyād evaṁ vicakṣaṇaḥ vātopadrava-rakṣāyai yathāvad anuvāsayet sthite vastau hi viṣṭambha-śūlādhmānādayo gadāḥ tīkṣṇa-vasti-virekādir vidhir atra praśasyate kaṣāya-sneha-kalkāḥ syuś caturekāṣṭamāṁśikāḥ yuktyā ca lavaṇa-kṣaudre vastiṣv eṣā prakalpanā māruta-ghnauṣadha-kvāthas trivṛt-saindhava-saṁyutaḥ sāmlo vastiḥ sukhoṣṇaḥ syāt saṁkruddhe mātariśvani kolāni daśa-mūlaṁ ca kulatthaḥ śuṣka-mūlakam dvi- palāni jala-droṇe kvātho 'ṣṭāṁśāvaśeṣitaḥ vacopakuñcikā-kṛṣṇā-śatāhvā-saindhavāmbudāḥ peṣyāḥ kṣīrāmla-mūtrāṇi vastiḥ syād vāta-roga-jit nyagrodhādi-gaṇa-kvāthaḥ kākoly-ādi-prakalpitaḥ ghṛta-kṣaudra-sitā-yukto nirūhaḥ pitta-nāśanaḥ āragvadhādi-niryūhaḥ pippaly-ādi-samanvitaḥ mūtra-mākṣika-saṁyukto vastiḥ kapha-vināśanaḥ tiktābdośīra-mañjiṣṭhā-balā-rāsnā-punarnavāḥ bṛhatyāv amṛtā parṇyau rājavṛkṣaka-gokṣurāḥ palāṁśān madanaṁ caiva jala-droṇe vipācayet tenāṣṭa-bhāga-śiṣṭena kṣīrasyārdhāḍhakaḥ śṛtaḥ kārṣikāḥ phalinī-yaṣṭī-śatāhvā-vatsa-tārkṣajāḥ - [Previous: p417](https://indike.org/pramana/in.med.sangraha.siddhasara.p417) - [Next: p419](https://indike.org/pramana/in.med.sangraha.siddhasara.p419) ## Linked texts (4) - [Suśrutasaṃhitā](https://indike.org/pramana/in.med.samhita.susruta.4.37.28) — Suśruta & Nāgārjuna (siddha/alchemist), Sanskrit - [Cakradatta (Cikitsāsaṅgraha)](https://indike.org/pramana/in.med.sangraha.cakradatta.72.9) — Cakrapāṇidatta, Sanskrit - [Siddhayoga (Vṛndamādhava)](https://indike.org/pramana/in.med.sangraha.siddhayoga.75.41) — Vṛnda, Sanskrit - [Cikitsāsārasaṅgraha (Vaṅgasena)](https://indike.org/pramana/in.med.sangraha.vangasena.93.144) — Vaṅgasena, Sanskrit --- Source: [https://indike.org/pramana/in.med.sangraha.siddhasara.p418](https://indike.org/pramana/in.med.sangraha.siddhasara.p418) · Pramāṇa