[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Later Compendia, Diagnosis and Therapeutics](https://indike.org/pramana/in.med.sangraha) › [Siddhasara](https://indike.org/pramana/in.med.sangraha.siddhasara) › p421 # Siddhasara p421 Siddhasāra p421 - **Language:** Sanskrit ### [p421](https://indike.org/pramana/in.med.sangraha.siddhasara.p421) kṣīreṇa sādhitaṁ kṣuṇṇaṁ pibec charkarayā yutaṁ rakta-pittāturaḥ kṣīṇo jīrṇe kṣīra-rasāśanaḥ vāta-roga-garonmāda-śvāsāpasmāra-kāsinām bhagna-śūla-krimi-klība-vandhyānāṁ tat praśasyate arśaḥ-pravāhikārtena na sevyaṁ gaṇḍa-mālinā ati-durbala-dehena garbhiṇyā bāla-vatsayā kiñcid vīryeṇa hīnaś ca palāṇḍuḥ syād rasona-taḥ anenaiva vidhānena tasya kāryaṁ niṣevaṇam madyāmla-pañca-mūlāmbu-jāṅgalaiś ca rasaiḥ pṛthak yathā-balaṁ pibet tailam airaṇḍaṁ mārutāmayī triphalā-kvātha-saṁyuktaṁ śleṣma-pitta-vināśanam vāta-śleṣma-vikāra-ghnaṁ daśa-mūlāmbu-saṅgatam ajā-kṣīreṇa saṁyuktaṁ pītaṁ drākṣā-rasena vā aśmarī-mūtra-kṛcchra-ghnaṁ kṣīreṇānila-gulma-jit kāmalā-pāṇḍv-atīsāra-cchardi-kuṣṭha-jvarāturaiḥ na sevyaṁ kevalaṁ śleṣma-pitta-rakta-gadāturaiḥ pañca bhallātakāñ chittvā sādhayed vidhi-vaj jale kaṣāyaṁ taṁ pibec chītaṁ ghṛtenāktauṣṭha-tālukaḥ pañcabhir vardhayed yāvat saptatiṁ hrāsayet tathā jīrṇe 'dyād odanaṁ śītaṁ ghṛta-kṣīropasaṁhitam etad rasāyanaṁ medhyaṁ valī-palita-nāśanam kuṣṭhārśaḥ-krimi-doṣa-ghnaṁ duṣṭa-śukra-viśodhanam tailaṁ bhallātakānāṁ vā piben māsaṁ yathā-balam sarvopatāpa-nirmukto jīved varṣa-śataṁ dṛḍhaḥ varjayet parihāraś ca dvi-guṇaḥ syāt kriyā-pathāt pittādhikasya jāyante pāka-śopha-jvarādayaḥ tasya śītā kriyā kāryā pānālepana-secanaiḥ kṣīreṇa pippalīḥ pañca pibet kṣīrānna-bhug yataḥ daśāhaṁ pañca-vṛddhiḥ syād apakarṣas tathaiva ca vātāsṛk-pāṇḍu-gulmārśaḥ-śvāsa-śophodarāpaham - [Previous: p420](https://indike.org/pramana/in.med.sangraha.siddhasara.p420) - [Next: p422](https://indike.org/pramana/in.med.sangraha.siddhasara.p422) --- Source: [https://indike.org/pramana/in.med.sangraha.siddhasara.p421](https://indike.org/pramana/in.med.sangraha.siddhasara.p421) · Pramāṇa