Pramāṇa · Search · About · API

Siddhayoga (Vrindasuni) 2

Siddhayoga (Vṛndasuni) 2

Language
Sanskrit

2.1

atha dvitīyo jvarātisārādhikāraḥ
pṛthaguktanidānena jvarātīsāranirṇayaḥ
kartavyo bhiṣajā cātra tatkrameṇa vidhiryataḥ

2.2

jvarātisārayoruktaṃ bheṣajaṃ yatpṛthakpṛthak
na tanmilitayoḥ kāryamanyonyaṃ vardhayedyataḥ

2.3

atastau pratikurvīta viśeṣoditabheṣajaiḥ
laṅghanamubhayoruktaṃ milite kāryaṃ viśeṣatastadanu
utpalaṣaṭkasiddhaṃ lājāmaṇḍādikaṃ sakalam

2.14

pṛśniparṇīvalāvilvanāgarotpaladhānyakaiḥ
jvarātisārī peyāṃ vā pivetsāmlāṃ śṛtāṃ naraḥ

2.5

nāgarātivipāmustābhūnimbāmṛtavatsakaiḥ
sarvajvaraharaḥ kvāthaḥ sarvātīsāranāśanaḥ

2.6

pāṭhendrayavabhūnimbamustāparpaṭaqāmṛtāḥ
jayantyāmamatīsāraṃ jvaraṃ ca samahauṣadhāḥ

2.7

hrīverātivipāmustābilvanāgaradhānyakam

2.8

pibetpicchāvibandhaghnaṃ śūladoṣāmapācanam
saraktaṃ hantyatīsāraṃ sajvaraṃ vā'tha vijvaram

2.9

guḍūcyativiṣādhānyaśuṇṭhībilvābdavālakaiḥ
pāṭhābhūnimbakuṭajaiścandanośīrapadmakaiḥ

2.10

kaṣāyaḥ śītalaḥ peyo jvarātīsāraśāntaye
hṛllāsārocakaccharddiḥpipāsādāhanāśanaḥ

2.11

kaliṅgātiviṣāśuṇṭhīkirātāmbuyavāsakam
jvarātīsārasaṃtāpaṃ nāśayedvikalpataḥ

2.12

vatsakasya phalaṃ dāru rohiṇī gajapippalī
śvadaṃṣṭrā pippalī dhānyaṃ bilvaṃ pāṭhā yavānikā

2.13

dvāvapyetau siddhayogau ślokārthenābhibhāṣitau
jvarātīsāraśamanau viśeṣāddāhanāśanau

2.14-2

pañcamūlībalāvilvaguḍūcīmustanāgaraiḥ
pāṭhābhūnimbahīverakuṭajatvakpalaiḥ śṛtam

2.15

hanti sarvānatīsārānjvaradoṣaṃ vamiṃ tathā
saśūlopadravaṃ śvāsaṃ kāsaṃ hanyātsudustaram

2.16

pañcamūlīti sāmānyādyojyā pitte kanīyasī
mahatī pañcamūlī tu vātaśleṣmādhike hitā

2.17

utpalaṃ dāḍimatvak padmakesarameva ca
pibettaṇḍulatoyena jvarātīsāranāśanam

2.18

uśīraṃ vālakaṃ mustaṃ dhānyakaṃ bilvameva ca
samaṅgā dhātakī rodhraṃ viśvaṃ pācanadīpanam

2.19

hantyarocakapicchābhaṃ vibandhaṃ sātivedanam
saśoṇitamatīsāraṃ sañcaraṃ vā'tha vijvaram

2.20

daśamūlīkaṣāyeṇa viśvamakṣasamaṃ pibet
jvare caivātisāre ca saśophe grahaṇīgade

2.21

viḍaṅgā'tiviṣā mustaṃ dāru pāṭhā kaliṅgakam
maricena samāyuktaṃ śophātīsāranāśanam

2.22

guḍūcīcitrabilvābdaraktacandanavālakaiḥ
kaliṅgaiksamāyuktairjvarātīsāraśophanut

2.23

kirātābdāmṛtānambvacandanodīcyavatsakaiḥ
śophātīsāraśamanaṃ viśeṣājjvaranāśanam

2.24

sitāñjanakaṇālājāmadhukaṃ nīlamutpalam
pittajvarātīsāraghnaṃ malīḍhaṃ madhunā saha

Linked texts (10)