[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Plant Science and Agriculture](https://indike.org/pramana/in.med.vrksa) › [Upavanavinoda](https://indike.org/pramana/in.med.vrksa.upavanavinoda) › 5.3 # Upavanavinoda 5.3 Upavanavinoda 5.3 - **Language:** Sanskrit ### [5.3](https://indike.org/pramana/in.med.vrksa.upavanavinoda.5.3) ete nānāvṛkṣāyurvedaśāstrebhyaḥ samāptaḥ Oṃ svasti kiṣkindhāsthita prakaṭaparākramāntarhitārkamaṇḍalopajīvitasya ca Śrīhanumānājñapayati mūṣakapataṅgapipīlikāśalabhakarabhānvakakīṭagandhikānivahairṇasthātavyam. Ājñāmatikramamāṇasya śarīranigraha samāvartayati. Tasya vānārasiṃhasya kramamāṇasya sāgaram. Kakṣāntaragatō vāyurjīmūta iva nardati. Huṃ phaṭ namaḥ. bhadrapradavṛkṣāḥ śrībhagavānuvāca āśrame nārikelaśca gṛhiṇāñca dhanapradaḥ śivirasya yadīśa़āne pūrve putrapradastaruḥ sarvatra maṅgalārhaśca tarurājo manoharaḥ rasālavṛttaḥ pūrvasmin nṛṇāṃ sampatpradastathā śubhapradaśca sarvatra surakāro niśāmaya bilvaśca panasaścaiva jambīrī badarī tathā prajāpradaśca pūrvasmin dakṣiṇe dhanadastathā sampatpradaśca sarvatra yato hi varddhate gṛhī jambūvṛttaśca dār̤imbaḥ kadalyāmrātakastathā bandhupradaśca pūrvasmin dakṣiṇe mitradastathā sarvatra śubhadaścaiva dhanaputraśubhapradaḥ harṣaprado guvākaśca dakṣiṇe paścime tathā īśāne sukhadaścaiva sarvatraivaṃ niśāmaya sarvatra campakaḥ śuddho bhuvi bhadrapradastathā alāvūścāpi kuṣmāṇḍo māyāmbuśca sukāsukaḥ kharjūrrī karkaṭī cāpi śibire maṅgalapradā vāstūkaḥ kāravilvaśca vārttākuśca śubhapradā latāphalañca śubhadaṃ sarvaṃ sarvatra niścitam niṣiddhavṛttā yathā,-praśastaṃ kathitaṃ kāro ! niṣiddhañca niśāmaya vanyavṛtto niṣiddhaśca śibire nagare'pi ca baṭo niṣiddhaḥ śibire nityaṃ caurabhayaṃ tataḥ nagareṣu prasiddhaśca darśanāt puṇyadastathā he kāro ! tintir̤īvṛtto yatnāttaṃ parivarjayet śaraṇe dhanahāniḥ syāt prajāhānirbhaveddhruvam śivire'tiniṣiddhaśca prājñastaṃ parivarjayet kharjūraśca ḍahuścaiva niṣiddha śibire tathā na niṣiddhaḥ prasiddhaśca grāmeṣu nagareṣu ca vṛkṣāṃśca campakādīnāṃ dhānyañca maṅgalapradam grāmeṣu nagare vāpi śivire ca tathaiva ca ikṣuvṛkṣaśca śubhadaḥ santataṃ śubhadastathā aśokaśca śirīṣaśca kadambaśca śubhapradaḥ kaccī haridrā śubhadā śubhadaścādrakastathā haritakī ca śubhadā grāmeṣu nagareṣu ca na vātyāṃ bhadratā nityaṃ tathā cāmalakī dhruvam ||¹ aputrasya ca putratvaṃ pādapā iha kurvate yatnenāpi ca rājendra ! aśvattharopaṇam kuru sa te putrasahasrāṇāṃ kāryamekaḥ kariṣyati dhanī cāśvatthavṛkṣeṇa aśokaḥ śokanāśanaḥ plakṣo yajñapradaḥ prokto nimbaścāyupradaḥ smṛtaḥ jambukī nākadā proktā bhāryādā dār̤imī tathā ḍumbaro roganāśāya palāśo brahmadastathā arkapuṣpāropakāṇāṃ nityaṃ tuṣyeddivākaraḥ śrīvṛkṣaḥ śaṅkaro devaḥ pāṭalāyāntu pārvatī śiṃśapāyāmapsarasaḥ kunde gandharvasattamāḥ vibhītake dāsavṛddhirvakulo dāsyadastathā apatyanāśakastālo vakulaḥ kulavarddhanaḥ bahubhāryā nārikelī drākṣaḥ sarvāṅgasundaraḥ ratipradā tathā kelī ketakī sarvanāśinī pratiṣṭhāṃ te gamiṣyanti ye narāḥ plakṣaropakāḥ ||² vṛkṣasya ropaṇaphalam yama uvāca yaḥ pumān ropayedvṛkṣān chāyāpuṣpaphalopagān sarvvasattvopabhogāya sa yāti paramāṃ gatim chāyāpuṣpopagāṃstriṃśat phalapuṣpadrumāṃstathā ropayitvā daśāṃśāṃstu naro na narakaṃ vrajet devadānavagandharvvāḥ kinnaroragaguhyakāḥ paśupakṣimamuṣyāśca saṃśrayanti mudā drumān puṣpaiḥ suragaṇāḥ sarvve phalaiśca pitaraḥ sadā chāyayā me manuṣyāstu paśupakṣimṛgāstathā puṣpopagandhāṃśca phalopagandhān yaḥ pādapānropayate manuṣyaḥ samṛddhadeśe varaveśmavedyāṃ labhedadhiṣṭhānavaraṃ sa vipraḥ tasmāt subahavo vṛkṣā ropyaḥ śreyo'bhivāñchatā putravat paripālyāśca te putrā dharmataḥ smṛtāḥ kiṃ dharmavimukhairmartyaiḥ kevalaṃ svārthahetubhiḥ taruputrā varaṃ ye tu parārthaikānuvṛttayaḥ patrapuṣpaphalacchāyāmūlavalkala dārubhiḥ pareṣāmupakurvvanti tārayanti pitāmahān chettāramapi saṃprāptaṃ chāyāpuṣpaphalādibhiḥ pūjayantyeva tarabo munivaddveṣavarjitāḥ pitaraṃ nopahiṃsanti drumā draviṇalobhataḥ tārayanti ca me samyak sarvvasyātitthadāyakāḥ tasmātte putravat sthāpyā vidhivaddvijapuṅgavaḥ dvijaiḥ pitṛmanuṣyāṇāmabhojyāḥ syuryadā sadā jalakṛt vṛkṣaropī yaḥ pratigrāharucirdvijaḥ ete svargātna hīyante ye cānye satyavādinaḥ ||¹ ekena varṇena rasena cāmbhaścyutaṃ nabhasto vasudhāviśeṣāt nānārasatvaṃ bahuvarṇatāñca gataṃ parīkṣyaṃ kṣititulya meva || 2¹ puruhūtānalayamaniṛ tivaruṇapavanenduśaṅkarā devāḥ vijñātavyāḥ kramaśaḥ prācyādīnāṃ diśāṃ patayaḥ - [Previous: 5.237](https://indike.org/pramana/in.med.vrksa.upavanavinoda.5.237) - [Next: 5.4](https://indike.org/pramana/in.med.vrksa.upavanavinoda.5.4) - [Up: 5](https://indike.org/pramana/in.med.vrksa.upavanavinoda.5) ## Linked texts (2) - [Bṛhatsaṃhitā (another edition)](https://indike.org/pramana/in.astro.samhita.rsi.brhatsamhita*alt.2.2.3) — Sanskrit - [Varāhamihirasaṃhitā](https://indike.org/pramana/in.astro.samhita.rsi.varahamihirasamhita.51.3) — Varāhamihira, Sanskrit --- Source: [https://indike.org/pramana/in.med.vrksa.upavanavinoda.5.3](https://indike.org/pramana/in.med.vrksa.upavanavinoda.5.3) · Pramāṇa