[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Formularies](https://indike.org/pramana/in.med.yoga) › [Brihadyogatarangini](https://indike.org/pramana/in.med.yoga.brhadyogatarangini) › 63.85 # Brihadyogatarangini 63.85 Bṛhadyogataraṅgiṇī 63.85 - **Language:** Sanskrit ### [63.85](https://indike.org/pramana/in.med.yoga.brhadyogatarangini.63.85) athānyaprakāro rasendracintāmaṇauniravadhinipīḍitamṛdambarādipariliptāmatikaṭhinakācaghaṭīmagre vakṣyamāṇaprakārā rasagandhakagarbhiṇīmadhastarjanīpramāṇitacchidrāyāmanurūpasthālyāmāropya paritastāṃ dvitrāṅgulidvayasena lavaṇena nirantarālīkaraṇapuraḥsaraṃ sikatābhirāpūrya vardhamānakamāropayediti kramataśca triścaturāṇi pañcaṣāṇi vā vāsarāṇi jvalanajvālayā pācanīyamityekaṃ vālukāyantram bhūdharayantramāhahastamātramitabhūdharāntarnikhātaṃ prāgvatkācaghaṭīṃ nāticipiṭamukhīṃ nātyuccamukhīṃ maṣībhājanaprāyāṃ kharparacakrikayā kācacakrikayā vā niruddhavadanāṃ mṛnmayīṃ vā vidhāya karīṣāgnibhiruparipuṭo deya iti bhūdharayantram atra kajjalīmantareṇa kevalaṃ gandhakaṃ jārayanti kūpīkoṭaramāgataṃ rasaguṇairgandhaṃ tulāyāṃ vibhuṃ vijñāya jvalanaṃ krameṇa sikatāyantre śanaiḥ pācayet vāraṃvāramanena vahnividhinā gandhakṣayaṃ sādhayetsindūrādyucito'nubhūya bhaṇitaḥ karmakṣamo'yaṃ mayā - [Previous: 63.84](https://indike.org/pramana/in.med.yoga.brhadyogatarangini.63.84) - [Next: 63.86](https://indike.org/pramana/in.med.yoga.brhadyogatarangini.63.86) - [Up: 63](https://indike.org/pramana/in.med.yoga.brhadyogatarangini.63) ## Linked texts (1) - [Yogataraṅgiṇī (Trimalla)](https://indike.org/pramana/in.med.yoga.yogatarangini-trimalla-bhatta.62.85) — Trimalla, Sanskrit --- Source: [https://indike.org/pramana/in.med.yoga.brhadyogatarangini.63.85](https://indike.org/pramana/in.med.yoga.brhadyogatarangini.63.85) · Pramāṇa