[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Conduct and daily rites](https://indike.org/pramana/in.niti.dharma.acara) › [Acarabhushana](https://indike.org/pramana/in.niti.dharma.acara.acarabhusana) › 16.p1.24 # Acarabhushana 16.p1.24 Ācārabhūṣaṇa 16.p1.24 - **Language:** Sanskrit ### [16.p1.24](https://indike.org/pramana/in.niti.dharma.acara.acarabhusana.16.p1.24) manuṣyānṛṣīn | atra kāṇḍarṣīṇāṃ pratyahaṃ tarpaṇaṃ kartavyamityuktaṃ kāṇḍānukramaṇikāyām— atha kāṇḍaṛṣīnetānudakāñjalibhiḥ śuciḥ avyagrastarpayennityaṃ mantrairevāṣṭanāmabhiḥ || iti etacca sūtrānuktatvātkṛtākṛtam | bodhāyanaḥ— atha dakṣiṇāmukhaḥ prācīnāvītī pitṝnsvadhā namastarpayāmi ityādi ācārārke tarpaṇaprakāramāha vasiṣṭhaḥ— saṃbandhamanukīrtyaiva nāmagotramanantaram vasvādirūpaṃ saṃkīrtya svadhākāreṇa tarpayet || iti atra nāmagotramiti prathamaṃ nāmoccāraṇamanantaraṃ gotroccāraṇamiti pakṣasyaivoktatvāttatpakṣasvīkartṝṇāmevāsmaditi saṃbandhakīrtanaṃ na hi mātetyukte putramātā gṛhyata iti | ācāraratne vṛddhaparāśaraḥ— dakṣiṇājānubhūlagno devebhyaḥ secayejjalam bhūlagnasavyajānuśca dakṣiṇāgrakuśena ca pitṝṃstarpayediti śeṣaḥ | tatraiva pulastyaḥ— manuṣyatarpaṇaṃ kurvanna kaṃcijjānumānamet | iti sthale tarpaṇe viśeṣamāha hārītaḥ— pātrādvā jalamādāya śubhe pātrāntare kṣipet jalapūrṇe'pi vā garte na sthale tu vibarhiṣi || iti pātre viśeṣamāha pitāmahaḥ— hemarūpyamayaṃ pātraṃ tāmrakāṃsyasamudbhavam pitṝṇāṃ tarpaṇe pātraṃ mṛnmayaṃ tu parityajet || iti satyavrataḥ—khaḍgamauktikasauvarṇamaṇikāñcanadarbhakāḥ haste dhāryāstarpaṇe tu hīrakādi na dhārayet \[ atra—khaḍgamauktikahastena kartavyaṃ pitṛtarpaṇam maṇikāñcanadarbhairvā na śuddhena kadācana iti mādhavīye smṛtyantarasthitamaṇipadārthasya hīrakādi na dhārayediti\] niṣedhātsuvarṇaracitaśrīrāmanāmādimudrāṅkitamaṇitvāvivakṣayaiva sauvarṇeti maṇiviśeṣaṇaṃ dattamiti bodhyam | dhārayanti ca tādṛśīṃ mudrikāṃ śiṣṭāḥ - [Previous: 16.p1.23](https://indike.org/pramana/in.niti.dharma.acara.acarabhusana.16.p1.23) - [Next: 16.p1.25](https://indike.org/pramana/in.niti.dharma.acara.acarabhusana.16.p1.25) - [Up: 16.p1](https://indike.org/pramana/in.niti.dharma.acara.acarabhusana.16.p1) ## Linked texts (4) - [Satyavratasmṛti (fragments)](https://indike.org/pramana/in.niti.dharma.uddhrta.satyavratasmrti*fragments.1.4) — Sanskrit - [Bārhaspatyasaṃhitā (Aṅgiras)](https://indike.org/pramana/in.astro.samhita.rsi.barhaspatyasamhita.30.57) — Aṅgiras, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.50.p48) — Devaṇṇabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.15.p30) — Nīlakaṇṭha Dīkṣita 1625, Sanskrit --- Source: [https://indike.org/pramana/in.niti.dharma.acara.acarabhusana.16.p1.24](https://indike.org/pramana/in.niti.dharma.acara.acarabhusana.16.p1.24) · Pramāṇa