[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Conduct and daily rites](https://indike.org/pramana/in.niti.dharma.acara) › [Acarabhushana](https://indike.org/pramana/in.niti.dharma.acara.acarabhusana) › 20.1.22 # Acarabhushana 20.1.22 Ācārabhūṣaṇa 20.1.22 - **Language:** Sanskrit ### [20.1.22](https://indike.org/pramana/in.niti.dharma.acara.acarabhusana.20.1.22) sarveṣāmeva yāgānāmātmayāgaḥ paraḥ smṛtaḥ yo'nena vidhinā kuryātsa yāti brahmaṇaḥ padam || iti dharmapraśne'pi-āhitāgniranaṅvāṃśca brahmacārī ca te trayaḥ aśnanta eva sidhyanti naiṣāṃ siddhiranaśnatām || iti ācamya pātramutsṛjya kiṃcidrārdreṇa pāṇinā mukhyānprāṇānsamālabhya nābhiṃ pāṇitalena ca || iti bhojanānantaraṃ viṣṇorarpitaṃ tulasīdalam bhakṣaṇātsarvapāpaghnaṃ cāndrāyaṇaśatādhikam || iti athānnaparipākārthamīśvarasmaraṇādyuktaṃ mādhavīye viṣṇupurāṇesvasthaḥ praśāntacittastu kṛtāsanaparigrahaḥ abhīṣṭadevatānāṃ tu kurvīta smaraṇaṃ naraḥ agnirāpyāyayeddhātuṃ pārthivaṃ pavaneritaḥ dattāvakāśo nabhasā jarayedastu me sukham annaṃ balāya me bhūmerapāmagneranilasya ca bhavatvetatpariṇatau mamāstvavyāhataṃ sukham prāṇāpānasamānānāmudānavyānayostathā annaṃ puṣṭikaṃra cāstu mamāstvavyāhataṃ sukham agastiragnirvaḍavānalaśca bhuktaṃ mayā'nnaṃ jarayatvaśeṣam sukhaṃ ca me tatpariṇāmasaṃbhavaṃ yacchatvarogaṃ mama cāstu deham viṣṇuḥ samastendriyadehadehī pradhānabhūto bhagavānyathaikaḥ satyena tenānnamaśeṣamatra ārogyadaṃ me pariṇāmametu viṣṇuratā(?) tathaivānnaṃ pariṇāmaśca vai tathā satyena tena vai bhuktaṃ jīryatvannamidaṃ tathā ityuccārya svahastena parimṛjya tathodaram anāyāsapradāyīni kuryātkarmāpyatandritaḥ || iti bhūyo'pyācamya kurvīta tatastāmbūlabhakṣaṇam || iti supūgaṃ ca supatnaṃ ca sucūrṇena samanvitam adattvā dvijadevebhyastāmbūlaṃ varjayedbudhaḥ ekapūgaṃ sukhārogyaṃ dvipūgaṃ niṣphalaṃ bhavet atiśreṣṭhaṃ tripūgaṃ ca hyadhikaṃ naiva duṣyati - [Previous: 20.1.21](https://indike.org/pramana/in.niti.dharma.acara.acarabhusana.20.1.21) - [Next: 20.1.23](https://indike.org/pramana/in.niti.dharma.acara.acarabhusana.20.1.23) - [Up: 20.1](https://indike.org/pramana/in.niti.dharma.acara.acarabhusana.20.1) ## Linked texts (6) - [Viṣṇupurāṇa (critical edition)](https://indike.org/pramana/in.purana.visnu*crit.3.11.97) — Sanskrit - [Kūrmapurāṇa](https://indike.org/pramana/in.purana.kurma.2.19.13) — Vyāsa, Sanskrit - [Haribhaktivilāsa](https://indike.org/pramana/in.sampradaya.vaisnava.gaudiya.acara.haribhaktivilasa.9.369) — Gopāla Bhaṭṭa Gosvāmin & Sanātana Gosvāmin 1535, Sanskrit - [Jyotirnibandha (ed. Raṅganātha Śāstrī Vaidya)](https://indike.org/pramana/in.niti.dharma.kala.jyotisa.jyotirnibandha*vaidya1919.249.8) — Sanskrit - [Ācāraratna (Maṇirāma)](https://indike.org/pramana/in.niti.dharma.acara.bhatta.acararatna.20.224) — Maṇirāma 1630, Sanskrit - [Anūpavilāsa](https://indike.org/pramana/in.niti.dharma.nibandha.mahanibandha.anupavilasa.20.224) — Maṇirāma 1665, Sanskrit --- Source: [https://indike.org/pramana/in.niti.dharma.acara.acarabhusana.20.1.22](https://indike.org/pramana/in.niti.dharma.acara.acarabhusana.20.1.22) · Pramāṇa