[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Conduct and daily rites](https://indike.org/pramana/in.niti.dharma.acara) › [Acarendu](https://indike.org/pramana/in.niti.dharma.acara.acarendu) › 5.p14 # Acarendu 5.p14 Ācārendu 5.p14 - **Language:** Sanskrit ### [5.p14](https://indike.org/pramana/in.niti.dharma.acara.acarendu.5.p14) smaryateniṭile bāhuvaccaiva daṇḍavatkarṇapallave | hṛdaye kamalākāramudare dīpavallikhet || veṇupatrasamākāraṃ bāhrormadhye likhetsudhīḥ | adhaḥ pṛṣṭhe kaṇṭhadeśe likhejjambūphalākṛti || niṭile bhāle | daśāṅgulapramāṇaṃ tu hyuttamottamamucyate | navāṅgulaṃ madhyamaṃ syādāṣṭāṅgulamataḥ param || saptaṣaṭpañcabhiḥ puṇḍramadhamaṃ trividhaṃ smṛtam | catustridyaṅgulaiḥ puṇḍraṃ kaniṣṭhaṃ trividhaṃ bhavet || ūrdhvapuṇḍramṛjuṃ saumyaṃ kaniṣṭhāṅgulivatsmṛtam | nāsādikeśaparyantaṃ prayatnāddhārayed dvijaḥ|| pārijāte saṅgraheūrdhvapuṇḍraṃ tripuṇḍraṃ vā madhye śūnyaṃ pradhārayet | śṛṇu ṣaṇmukha tanmadhye umayā'haṃ śriyā hariḥ || smṛtisārasamuccayegopīcandanaliptāṅgo yaṃ yaṃ paśyati cakṣuṣā | taṃ taṃ śuddhaṃ vijānīyānnātra kāryā vicāraṇā || aśucirvā'pyanācāro manasā pāpamācaran | śucireva bhavennityamūrdhvapuṇḍrāṅkito naraḥ || vyāsaḥvāmahaste jalaṃ kṛtvā sāvitryā cābhimantritam | tadviṣṇoriti mantreṇa mardayenmṛttikāṃ tataḥ || ato deveti sūktena tilakaṃ kārayetsadā || ityāha | atha prayogaḥ | vāmahaste jalaṃ gṛhītvā, oṃ tatsavi0 ṛ0 1 ityabhimantrya oṃ idaṃ viṣṇurvi0 ṛ0 1 iti mṛdaṃ mardayitvā kaniṣṭhikārahitacaturaṅgulīnāmanyatamena, oṃ keśavāya nama iti lalāṭe veṇupatrākāraṃ daśāṅgulaṃ navāṅgulaṃ vā | oṃ nārāyaṇāya0 ityudare dīpavat | oṃ mādhavāya0 iti hṛdaye kamalākāram | oṃ govindāya0 iti kaṇṭhe jambūpatrākāram| oṃ viṣṇave0 iti udaradakṣiṇapārśve dīpākāram | oṃ madhusūdanāya0 iti dakṣiṇabāhumadhye veṇupatrākāram | oṃ trivikramāya0 iti dakṣiṇakarṇamūle daṇḍākāram | oṃ vāmanāya0 iti udaravāmapārśve dīpākāram| oṃ śrīdharāya0 iti vāmabāhumadhye veṇupatrākāram | oṃ hṛṣīkeśāya0 iti vāmakarṇamūle daṇḍākāram | oṃ padmanābhāya0 iti adhaḥpṛṣṭhadeśe jambūpatrākāram | oṃ dāmodarāya0 iti kakudi jambūpatrākāram | oṃ namo bhagavate vāsudevāyoti śirasi | evaṃ puṇḍrāṇi kuryāt| kṛṣṇapakṣa evameva saṅkarṣaṇādidvādaśanāmabhirdvādaśa puṇḍrāṇi kṛtvā, oṃ namo bhagavate vāsudevāyoti śirasi ca kuryāt| yadvā pādmelalāṭe hṛdi bāhvośca catuṣpuṇḍrāṇi dhārayet | tatra caturṣu saṅkarṣaṇavāsudevapradyumnāniruddheti catvāro mantrā - [Previous: 5.p13](https://indike.org/pramana/in.niti.dharma.acara.acarendu.5.p13) - [Next: 5.p15](https://indike.org/pramana/in.niti.dharma.acara.acarendu.5.p15) - [Up: 5](https://indike.org/pramana/in.niti.dharma.acara.acarendu.5) ## Linked texts (3) - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.14.p5) — Nīlakaṇṭha Dīkṣita 1625, Sanskrit - [Āhnikaprakāśa](https://indike.org/pramana/in.niti.dharma.acara.ahnika.ahnikaprakasa.5.p21) — Mitramiśra, Sanskrit - [Ācāramayūkha](https://indike.org/pramana/in.niti.dharma.acara.bhatta.acaramayukha.6.p61) — Nīlakaṇṭha Dīkṣita 1625, Sanskrit --- Source: [https://indike.org/pramana/in.niti.dharma.acara.acarendu.5.p14](https://indike.org/pramana/in.niti.dharma.acara.acarendu.5.p14) · Pramāṇa