Devatarcana 1
Devatārcana 1
- Language
- Sanskrit
Contents
- 1.1 — 5 parts
1.1.1
atha devatārcana prāraṃbhaḥ
ś
śrīmanmahāgaṇapataye namaḥ || śrīgurubhyo namaḥ || śrībhavānīśaṃkarāya namaḥ || atha devatārcana prāraṃbhaḥ
ācamya prāṇānāyamya deśakālau saṃkīrtya mama kāyikavācikamānasikajñātājñāta samasta pāpakṣayadvārā śrīparameśvaraprītyarthaṃ paṃcāyatanapūjāṃ kariṣye || iti saṃkalpya
nādaśabdamayīṃ ghaṃṭāṃ sarvavighnāpahāriṇīṃ || pūjayedastramaṃtreṇa
devasya prītikāraṇāt
astramaṃtreṇa ghaṃṭāṃ saṃpūjya
āgamārthaṃ tu devānāṃ gamanārthaṃ tu rakṣasām || kuryādghaṃṭāravaṃ nityaṃ devatāvhāna lakṣaṇam
iti ghaṃṭāṃvādayan || tato bhūśuddhiṃ bhūtaśuddhiṃ ca kuryāt
varāhaṛṣiḥ || devīgāyatrīcchaṃdaḥ || bhūdevī devatā || lāṃ
bījaṃ || līṃ śaktiḥ || lūṃ kīlakaṃ
mama devatārcanādhikārasiddhyarthe jape viniyogaḥ
lāṃ hṛdayāya namaḥ || līṃ śirase svāhā || lūṃ śikhāyai
vaṣaṭ || laiṃ kavacāyahūṃ || lauṃ netratrayāya vauṣaṭ || laḥ astrāyaphaṭ
dhyānam
viṣṇuśaktisamutpanne svarṇavarṇaimahītale || anekaratnasaṃpanne bhūmidevi namostute
iti bhūmiṃ prārthya
apasarpaṃtu ye bhūtā ye bhūtā bhuvi saṃsthitāḥ || ye bhūtā
vighnakartāraste naśyaṃtu śivājñayā
sārdhatālatrayeṇaiva bhūtamuccāṭayedbudhaḥ || oṃ asurāṃtaka
triśūlāyaphaṭ
pṛthvītimaṃtrasya merupṛṣṭhaṛṣiḥ sutalaṃchaṃdaḥ ādi kūrmodevatā āsane viniyogaḥ || oṃ pṛthvitvayā dhṛtā lokā devi
tvaṃ viṣṇunā dhṛtā|| tvaṃ ca dhāraya māṃ devi pavitraṃ kuru cāsanam
agnināgniriti maṃtrasya kāṇvo medhātithi ṛṣiḥ agnirdevatā gāyatrī cchaṃdaḥ dīpa prajvālane viniyogaḥ
oṃ a̱gninā̱gniḥ sami̍dhyate ka̱virgṛ̱hapa̍ti̱ryuvā̍ || ha̱vya̱vāḍju̱hvā̍syaḥ
1.1.2
asminkṣetre dīpanātha nirvighnasiddhihetave || bhavānīpatipūjārthamanujñāṃ dīyatāṃ mama
oṃ hṛdaṃbuje karṇika madhyasaṃsthaṃ siṃhāsane saṃsthita
divyamūrttim || dhyāyedguruṃ caṃdraśilā prakāśaṃ citpustakābhīṣṭa varaṃ dadhānam
kariṣyamāṇa pūjākarmaṇi avighnatā sidhyarthe śrīmahāgaṇapati prārthanāṃ
kariṣye
sumukhaścaikadaṃtaśca kapilo gajakarṇakaḥ || laṃbodaraśca
vikaṭo vighnarājo gaṇādhipaḥ || dhūmaketurgaṇādhyakṣo bhālacaṃdro gajānanaḥ || dvādaśaitāni nāmāni yaḥ paṭhecchṛṇuyādapi
vidyāraṃbhe vivāhe ca praveśe nirgame tathā || saṃgrāme śubhakāryepu vighnastasya na jāyate || śuklāṃbaradharaṃ devaṃ śaśivarṇaṃ
caturbhujam || prasannavadanaṃ dhyāye sarvavighnopaśāṃtaye || sarvamaṃgalamāṃgalye śive sarvārthasādhike || śaraṇye tryaṃbake gauri
nārāyaṇi namo'stu te || sarvadā sarvakāryeṣu nāsti teṣāmamaṃgalam || yeṣāṃ hṛdistho bhagavān maṃgalāyatanaṃ hariḥ
oṃ śrīlakṣmīnārāyaṇābhyāṃ namaḥ || oṃ brahmasarasvatībhyāṃ
namaḥ || oṃ umāmaheśvarābhyāṃ namaḥ || oṃ śacīpuraṃdarābhyāṃ namaḥ
oṃ mātāpitṛbhyāṃ namaḥ || oṃ iṣṭadevatābhyo namaḥ || oṃ kulade
vatābhyo namaḥ || oṃ grāmadevatābhyo namaḥ || oṃ sarvebhyo devebhyo
namaḥ || oṃ sarvebhyo brāhmaṇebhyo namaḥ
kariṣyamāṇapūjāṃgatvena
kalaśārādhanaṃ kariṣye
agrodakasya kalaśamastreṇa kṣālayedvahiḥ || aṃtaḥ kavacamaṃtreṇa hṛnmaṃtreṇa
1.1.3
prapūrayet || mūlena gālinī mudrā mamṛtīkaraṇaṃ tathā || nirviṣīkaraṇaṃ dhenumudrāṃ cāpi pradarśayet || gāyatryā daśavāreṇa abhimaṃtrya jalaṃ sudhīḥ || astrāyanama iti kalaśaṃ bahiḥ || kavacāyanama ityaṃtaḥ prakṣāḷya || mūlena kalaśamadhomukhaṃ nyasya praṇavena dhūpayitvā || punarmūḷemottānīkṛtya || kalaśopari
vastramācchādya || oṃ hṛdayāya namaḥ|| ityudakamāpūrya || ādhāre sthāpayitvāśudhyarthaṃ gālinyādi mudrāḥ pradarśya || gāyatryā abhimaṃtrya
gaṃge ca yamune caiva godāvari sarasvati || narmade siṃdhukāveri jalesminsannidhiṃ kuru || gaṃgāgodāvarīkṛṣṇāprayāgādvārakāsaha || āvāhya paṃcagaṃgāśca sarvapāpaharāśśubhāḥ
imaṃme gaṃgetyasya maṃtrasya || siṃdhukṣipramedhātithi ṛṣiḥ
sarvānadyo devatā || jagatī cchaṃdaḥ || gaṃgāvāhaneviniyogaḥ
oṃ i̱maṃmeṃgaṃgeyamunesarasvati̱śutu̍dvi̱stoma̍ṃsacatāparuṣṇyā || a̱siknyāma̍rudvṛdhevi̱tasta̱yārjī̍kīyeśṛṇu̱hyāsu̱ṣoma̍yā || sitā̍si̱tesa̱rite̱yatra̍sa̱ṃga̱the̱tatrā̍plutāso̍di̱vamutpa̍taṃti || yevai̍ta̱nva̍ṃvisṛja̍ṃti̱dhīrā̱steja̍nāsoamṛ̱tatvaṃbha̍jaṃte
kalaśadevatābhyo namaḥ
oṃ ākala̍śeṣudhāvatipa̱vitre̍pari̍ṣicyate || u̱kthairya̱jñeṣu̍vardhate
puṣkarādyāni tīrthāni gaṃgādyā ssaritastathā || āgacchaṃ tu pavitrāṇi pūjākāle sadā mama || sitamakaraniṣaṇṇāṃ śubhravarṇāṃ trinetrām || karadhṛtakalaśodyatsotpalābhītyabhīṣṭām || vidhiharihararūpāṃ seṃdukoṭīracūḍāṃ || kalitasitadukūlāṃ jāhnavīṃ tāṃ namāmi
itiprārthayitvā || itikalaśārcanam
śaṃkhārcanaṃ kariṣye
trailokyāṃ yāni tīrthāni vāsudevasya cājñayā || śaṃkhe
1.1.4
tiṣṭhaṃti vipredra tasmācchaṃkhaṃ prapūjayet || svavāmāgretu ṣaṭkoṇaṃ vṛttabhūpuraveṣṭitam || kṛtvā trikoṇamūrdhvāgraṃ staṃbhayecchaṃkhamudrayā
praṇavena maṃḍale gaṃdhapuṣpākṣatairabhyarcya
oṃ astrāyanamaḥ
ityādhārasahitaṃ śaṃkhaṃbahiḥprakṣālya
oṃ kavacāya namaḥ
ityaṃtaḥ prakṣālya trikoṇākāramaṃḍale pīṭhaṃ pratiṣṭhāpya
oṃ śaṃkhādhāraṃ tripādaṃ trivalayavilasadvāsukīmṛrttirūpaṃ
vṛttākāraṃ dvinetraṃ lasitamukhavaraṃ divyavedāgnipādam || āgneyānaṃtarūpaṃ tribhuvananilaṃyaṃ gaṃdhapuṣpādipūjyam || tanmadhye
kaṃbuparva smaratu guruvaraścaṃdrasūryāgnirūpam
ityādhāraṃ dhyātvā || tataḥ agnikalāmāvāhayet || śaṃkhe jalamāpūrya
maṃ vanhimaṃḍalāya dharmaprada daśakalātmane namaḥ || dhūmrārciruṣmā jvalinī jvālinī visphuliṃginī || suśrī
ssururūpā kapilā havyakavyavahātica || ityetā havyavāhasya kalādaśavidhāḥ smṛtāḥ
oṃ jāta̱veda̍se sunavāma̱ soma̍marātīya̱to nida̍hāti̱ veda̍deḥ || sana̍ḥpa̱rṣadati̍du̱rgāṇi̱viśvā̍nā̱veva̱siṃdhu̍ṃduri̱tātya̱gniḥ
tapinī tāpinī dhūmrā marīcī jvālinī ruciḥ || suṣumnā bhogadā viśvā bodhinī dhāriṇī kṣamā || ityetāssūryabiṃbasya kalā dvādaśasaṃsmṛtāḥ || aṃ arkamaṃḍalāyārthaprada
dvādaśakalātmane namaḥ
oṃ ākṛ̱ṣṇena̱raja̍sā̱varta̍mānoni̱veśa̍yanna̱mṛta̱ṃmartya̍ṃca || hira̱ṇyaye̍nasavi̱tārathe̍nā'de̱voyā̍ti̱bhuva̍nāni̱paśya̍n
uṃ somamaṃḍalāya kāmaprada ṣoḍaśakalātmane namaḥ
amṛtāmānadāpūṣā tuṣṭi puṣṭīratidhṛtiḥ || śaśinī caṃdrikā
kāṃtirjyotsnā śrīḥprītiraṃgadā || pūrṇā pūrṇā mṛtācaiva kalāṣṣoḍaśa saṃsmṛtāḥ
1.1.5
oṃ āpyā̍yasva̱same̍tutevi̱śvataḥsoma̱vṛṣṇya̍m || bhavā̍vāja̍syasaṃga̱the
gaṃgeca yamune caiva godāvari sarasvati || narmade siṃdhukāveri jalesminsannidhiṃ kuru || ahirbudhnya ṛṣiḥ || anuṣṭup chaṃdaḥ || śrīpāṃcajanyodevatā || śāṃ hṛdayāya namaḥ || śīṃ
śirase svāhā || śūṃ śikhāyai vaṣaṭ || śaiṃ kavacāya hūṃ
śauṃ netratrayāya vauṣaṭ || śaḥ astrāya phaṭ
dhyānam
lakṣmībharturbhujāgre kṛtavasatitisitaṃ yasyarūpaṃ viśālaṃ
nīlādre stuṃgaśṛṃgasthitamiva rajanīnāthabiṃbaṃ vibhāti || pāyānnaḥ pāṃcajanyo hiditisutakulaṃtrāsayan pūrayan svairnidhvānairnirradaudha dhvaniparibhavadairaṃbaraṃ kaṃburājaḥ || śaṃ pāṃcajanyāya namaḥ
tvaṃ purā sāgarotpanno viṣṇunā vidhṛtaḥkare || nirmitaḥ
sarvadevaiśca pāṃcajanya namostu te || garbhādevārinārīṇāṃ viśīryaṃte sahasradhā || tava nādena pātāle pāṃcajanya namostu te
oṃ pāṃca̱janyā̍ya vi̱dmahe̍ mahadyutika̱rāya̍ dhīmahi
tanna̍śśaṃkhaḥ pra̱codayā̍t
aṃ ātmane namaḥ || uṃ aṃtarātmane namaḥ || maṃ paramātmane namaḥ || hrīṃ jñānātmane namaḥ
gaṃdhādindhārayetdhvaste tvarcayedaṣṭapatrikām || karṇikāṃ saṃvilikhyātha mūrdhni hastaṃ vinikṣipet
acyutohamanaṃtohaṃ brahmātmā dhyānapūrvakam || yovedādau
svaraḥ prokto vedāṃte ca pratiṣṭhitaḥ || tasya prakṛtilīnasya
yaḥ parassamaheśvaraḥ || bhāvayitvā visṛjyātha puṣpamāghrāya
dakṣiṇe || oṃ caṃḍeśvarāya namaḥ
itinermālyaṃvisṛjya
athalaghunyāsaḥ
maṃḍalāṃtaragataṃ hiraṇmayaṃ bhrājamānavapuṣaṃ śucismitam
caṃḍadīdhiti makhaṃḍavigrahaṃ ciṃtayenmunisahasrasevitam
1.1-2
athātorudrasnānāārcanābhiṣekavidhiṃ vyākhyāsyāmaḥ|| udita eva tīrthe snātvodetya śuciḥ prayato brahmacārī śuklavāsāḥ || tasya dakṣiṇā pratyagdeśe tanmukhaḥ sthitvā || ātmani devatāḥ sthāpayet
agniḥkāṃḍāṛrṣiḥ || aghoraghorāśceti bīja śaktayaḥ|| cakāraśceti kīlakam || śrīrudrodevatā
śrīrudraprītyarthe laghunyāse viniyogaḥ
prajanane brahmā tiṣṭhatu || pādayorviṣṇustiṣṭhatu || hastayorharastiṣṭhatu || bāhvoriṃdrastiṣṭhatu || jaṭhare agnistiṣṭhatu || hṛdaye śivāstiṣṭhatu || kaṃṭhe vasavāstiṣṭhaṃtu || vakre sarasvatī
tiṣṭhatu || nāsikāyāṃ vāyustiṣṭhatu || nayanayoścaṃdrādityau
tiṣṭhetām || karṇayorāśvinaudevau tiṣṭhetām || lalāṭe rudrāstiṣṭhaṃtu || mūrdhnyādityāstiṣṭhaṃtu || śirasi mahādevastiṣṭhatu
śikhāyāṃ cāmuṃḍā tiṣṭhatu || pṛṣṭhe pinākī tiṣṭhatu || purataḥ
śūlinī tiṣṭhatu || pārśvayoriśavāśaṃkarau tiṣṭhetām || sarvato
vāyustiṣṭhatu || tato bahisasarvato'gnirjvālāmālāparivṛtastiṣṭhatu || sarveṣvaṃgeṣu sarvā devatā yathāsthānaṃ tiṣṭhaṃtu || mām̐'
rakṣaṃtu || yajamānam̐'rakṣaṃtu || agnirme vāciśnita ityādibhiryathā
liṃgamaṃgāni samṛtya || agnirvāyussūryaṃścaṃdramā diśa āpaḥ
pṛthivyoṣadhivanaspataya iṃdraḥ parjanya īśāna ātmā
oṃ a̱gnirmaivā̱ciśri̍taḥ vā̱m̐hṛda̍ye hṛda̍ya̱ṃmayya̱hamamṛte̍ a̱mṛta̱ṃbrahma̍ṇi
1.3
vā̱yurmaiprā̱ṇeśri̍taḥ prā̱ṇohṛda̍ye
hṛda̍ya̱ṃmayya̱hama̱mṛte̍ a̱mṛta̱ṃbrahma̍ṇi ||2||sūryo̍mai̱cakṣu̍ṣiśritaḥcakṣu̍rhṛda̍ye hṛda̍ya̱ṃmayya̱hama̱mṛte̍ a̱mṛta̱ṃbrahma̍ṇi
1.4
caṃdra̱mā̍mai̱mana̍siśritaḥ mano̱hṛda̍ye hṛda̍ya̱ṃmayya̱hama̱mṛte̍
a̱mṛta̱ṃbrahma̍ṇi
1.5
diśo̍mai̱śrotre̍śritāḥ śrotra̱m̐'hṛda̍ye hṛda̍ya̱ṃmayya̱hama̱mṛte̍ a̱mṛta̱ṃbrahma̍ṇi
1.6
āpo̍mai̱reta̍siśritāḥ reto̱hṛda̍ye hṛda̍ya̱ṃmayya̱hama̱mṛte̍ a̱mṛta̱ṃbrahma̍ṇi
1.7
pṛ̱thi̱vī̍mai̱śarī̍reśritā śarī̍ra̱m̐'hṛda̍ye hṛda̍ya̱ṃmayya̱hama̱mṛte̍ a̱mṛta̱ṃbrahma̍ṇi
1.8
oṣa̍dhi̱vanaspatayo̍mai̱loma̍suśritāḥ lomā̍ni̱hṛda̍ye hṛda̍ya̱ṃmayya̱hamamṛte̍ a̱mṛta̱ṃbrahma̍ṇi
1.9
iṃdro̍mai̱bale̍śritaḥ bala̱m̐'hṛdaye̱ hṛda̍ya̱ṃmayi̱ aha̱mamṛ̍te̱ amṛ̍ta̱ṃbrahma̍ṇi
1.10
pa̱rjanyo̍me̱mūrdhni̍śritaḥ mū̱rdhāhṛda̍ye̱ hṛda̍ya̱ṃmayi̱ aha̱mamṛ̍te̱ amṛ̍ta̱ṃbrahma̍ṇi
1.11
īśā̍nome̱ma̱nyauśritaḥ manyu̱rhṛda̍ye̱
hṛda̍ya̱ṃmayi̱ aha̱mamṛ̍te̱ amṛ̍ta̱ṃbrahma̍ṇi
1.12
ā̱tmāma̍
ā̱tmani̍śritaḥ ā̱tmāhṛda̍ye̱ hṛda̍ya̱ṃmayi̱ aha̱mamṛ̍te̱ amṛ̍ta̱ṃbrahma̍ṇi
Linked texts (2)
- Mantrapuṣpa — Sanskrit
- Mahānyāsaprayoga — Sanskrit