Devatarcana 12.1

12.1

ācamya, prāṇānāyamya, deśakālau smṛtvā, asmadubhayakulasamastapitṛṇāṃ niratiśayānaṃdabrahmalokāptaye ātmano devarṣyācāryapitṛtṛptidvārā śrīparameśvaraprītyarthe brahmayajñākhyaṃ karma kariṣye
vidyudasīti maṃtrasya agni ṛṣiḥ varuṇo devatā udako
pasparśane viniyogaḥ || oṃ vi̱dyuda̍si̱ vi̱dya me̍ pā̱pmāna̱mṛ̱tātsa̱tyamupai̍mi
ityapa upaspṛśya, vāmajānūpari dakṣiṇapādaṃ nidhāya, dakṣiṇajānuni,
nirmālyadarbhasahitaṃ brahmāṃjaliṃ kṛtvā, brahmayajñapūrvabhāginīṃ gāyatrīṃ sapraṇavāṃ
savyāhṛtikāṃ pacchaḥ ardharcaśaḥ ṛkśaḥ japaṃ kuryāt
praṇavasya parabrahmaṛṣiḥ paramātmā devatā daivī gāyatrī
cchaṃdaḥ || vyāhṛtīnāṃ viśvāmitrajamadagnibharadvājabhṛgavaṛṣayaḥ
agnivāyusūryaprajāpatayo devatāḥ || gāyatryuṣṇiganuṣṭubbūhatyaśchaṃdāṃsi || gāyatryā gāthino viśvāmitrassavitā
gāyatrī || agnimīḷe ityādīnāṃ chaṃdasāṃ madhucchaṃdādaya
ṛṣayaḥ || agnyādayo devatāḥ || gāyatryādīni cchaṃdāṃsi
brahmayajñe viniyogaḥ
oṃ bhūrbhuva̱svaḥ || oṃ tatsa̍vi̱turvare̍ṇyaṃ0 || iti pādaśaḥ,
ardharcaśaḥ, ṛkśaḥ japet
oṃ a̱gnimī̍ḷe pu̱rohi̍taṃ ya̱jñasya̍ de̱vamṛ̱tvija̍m || hotā̍raṃ rat‍na̱dhāta̍mam || a̱gniḥ pūrve̍bhi̱rṛṣi̍bhi̱rīḍyo̱ nūta̍nairu̱ta || sa de̱vām̐ eha va̍kṣati || a̱gninā̍ ra̱yima̍śnava̱tpoṣa̍me̱va di̱vedi̍ve || ya̱śasa̍ṃ vī̱rava̍ttamam || agne̱ yaṃ ya̱jñama̍dhva̱raṃ vi̱śvata̍ḥ pari̱bhūrasi̍ || sa idde̱veṣu̍ gacchati || a̱gnirhotā̍ ka̱vikra̍tuḥ sa̱tyaści̱traśra̍vastamaḥ || de̱vo de̱vebhi̱rā ga̍mat