[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Conduct and daily rites](https://indike.org/pramana/in.niti.dharma.acara) › [Twilight worship and its commentaries](https://indike.org/pramana/in.niti.dharma.acara.sandhya) › [Sadacarasmriti](https://indike.org/pramana/in.niti.dharma.acara.sandhya.sadacarasmrti) › 4.p6 # Sadacarasmriti 4.p6 Sadācārasmṛti 4.p6 - **Language:** Sanskrit ### [4.p6](https://indike.org/pramana/in.niti.dharma.acara.sandhya.sadacarasmrti.4.p6) dhautavastraṃ ca tāmbūlaṃ saṃyoge ca śubhāvaham | namaskṛtyā pade bhartuḥ paścājjāyā samāviśet | nārī sukhamavāpnoti na bhavedduḥkhabhāginī | tāmbūlena mukhaṃ pūrṇaṃ kuṅkumādisamanvitam | patiṃ prahlādasaṃyuktaṃ kṛtvā yogaṃ samācaret | vinā tāmbūlavadanāṃ nagnāṃ kalahakāriṇīm | durmukhīṃ ca kṣudhāyuktāṃ saṃyoge ca parityajet | 1varjayed gurviṇīṃ caiva ṣaṇmāsādupari varjayet | tāmbūlaṃ carvayenmartyaḥ pavitraṃ śrīkaraṃ param | sarvadiśeṣadharmo'yaṃ pathi tāmbūlabhakṣaṇam | saṃsmṛtya paramātmānaṃ 2patnījaṅghāṃ prasārayet | yoniṃ spṛṣṭvā japetsamyak viṣṇuryoniṃ prajāpate | mādṛśo hi bhavetputra iti matvā smareddharim | aṣṭāṃviśañjapenmantraṃ anyonyamavalokayet | stanau dhṛtvā tu pāṇibhyāmanyonyaṃ cumbayenmukham | 3balaṃ dehīti mantreṇa yonyāṃ śiśnaṃ praveśayet | yonestu kiñcidadhiko bhavelliṅgo balānvitaḥ | santuṣṭo bhāryayā bhartā bhartrā bhāryā tathaiva ca | yasminnetatkule nityaṃ kalyāṇaṃ tatra vai dhruvam | sambhoge caiva bhāryāyāḥ sudṛḍhaḥ sthiravīryavān | skandhau vā'tha kaṭiṃ dhṛtvā yatheṣṭaṃ maithunaṃ caret | kāmayajñamiti prāhuḥ gṛhiṇāmeva sarvadā | anena labhate putraṃ saṃsārārṇavatārakam | ṛtau tu garbhaṃ śaṅkitvā snānaṃ 4maithuninaḥ smṛtam | anṛtau tu yadā gacchet śaucaṃ mūtrapurīṣavat | ṛtau nābhigamed yastu svastriyaṃ manujeśvara | sa yāti narakaṃ ghoraṃ brahmahatyāṃ ca vindati | aṣṭamyāṃ caiva saṅkrāntau vyatīpāte ca parvaṇi - [Previous: 4.p5](https://indike.org/pramana/in.niti.dharma.acara.sandhya.sadacarasmrti.4.p5) - [Next: 4.p7](https://indike.org/pramana/in.niti.dharma.acara.sandhya.sadacarasmrti.4.p7) - [Up: 4](https://indike.org/pramana/in.niti.dharma.acara.sandhya.sadacarasmrti.4) --- Source: [https://indike.org/pramana/in.niti.dharma.acara.sandhya.sadacarasmrti.4.p6](https://indike.org/pramana/in.niti.dharma.acara.sandhya.sadacarasmrti.4.p6) · Pramāṇa