Pramāṇa · Search · About · API

Danamayukha 3.p65

Dānamayūkha 3.p65

Language
Sanskrit

3.p65.1

atha gṛhadānamayogaḥ || gṛhamadhye dakṣiṇabhāge padmaṃ vilikhya tadupari prasthamātrān tilān tadupari śayyāṃ sthāpayitvā śayyopari sauvarṇaśayyopari sauvarṇalakṣmīnārāyaṇapratimāṃ sampūjya pratigrahītāraṃ sapatnīkaṃ pratigrahārthaṃ kṛtvā taṃ kare gṛhītvā samaṅgalaghoṣaṃ vakṣyamāṇamantrairgṛhaṃ praveśayet | te ca mantrāḥ- ehyehi nārāyaṇa divyarūpa sarvā'marairvanditapādapadma oṃ śubhāśubhānandaśucāmadhīśa lakṣmīyutastvaṃ ca gṛhaṃ gṛhāṇa || namaḥ kaustubhanāthāya hiraṇyakavacāya ca kṣīrodārṇavasuptāya jagaddhātre namo namaḥ || namo hiraṇyagarbhāya viśvagarbhāya vai namaḥ | carācarasya jagato gṛhabhūtāya vai namaḥ || bhūrlokamamukhā lokāstava dehe vyavasthitāḥ| nandanti yāvatkalpāntaṃ tathā'smin bhavane gṛhī || tvatprasādena deveśa putrapautrairyuto gṛhe | pañcayajñakriyāyukto vasedācandratārakam || tatastaṃ pūrvasthāpitaśayyoparyyudaṅmukhamupaveśya svayamāsane prāṅmukha upaviśya deśakālakīrttanottaramamukagotrāyā'mukaśarmaṇe brāhmaṇāyedaṃ gṛhaṃ pakeṣṭakādiracitaṃ yathopapattisampāditaṃ kāṃsyatāmrādibhājanasarvadhānyalavaṇaghṛtaguḍaśarkarāgobalīvardadāsabhṛtyatūlikāvitānādisarvopakaraṇayutaṃ sadīpaprabhoddyotaṃ sarvadaivataṃ gṛhaṃ sarvapāpakṣayapūrvakakalpakoṭiśatā'vadhinārāyaṇasamīpe kṣīrārṇavanivāsakāma iti|mṛnmayagṛhe dāna ekaikamanvantarāvacchinnapratilokapālapuranivāsakāma iti|yadvā sarvatra viṣṇuprītikāmaḥ | tataḥ prārthanā | idaṃ gṛhaṃ gṛhāṇa tvaṃ sarvopaskarasaṃyuktam | tava vipra prasādena mamāstvatinavaṃ gṛham || gṛhaṃ mama vibhūtyarthaṃ gṛhāṇa tvaṃ dvijottama |

3.p65.2

prīyatāṃ me jagadyonirvāsturūpī janārddana iti || tataḥ pratigrahītā devasya tveti yajuṣā pratigṛhya oṃ svastītyuktvā kāmastutiṃ paṭhet | dakṣiṇā tu svarṇasahasramārabhyaikasuvarṇaparyyantaśaktyā darśitā| tataḥ pādukopānahacchatracāmarādikaṃ punardattvā sampannaṃ vāpyasampannaṃ gṛhopaskarabhūṣaṇam | sarvaṃ sampūrṇamevā'stu tvatprasādāddvijottameti prārthayet | etatphalamapi mātsye, ya evaṃ sarvasampannaṃ pakeṣṭaṃ vinivedayet | kalpakoṭiśataṃ yāvadbrahmaloke mahīyate || śailajaṃ dārujaṃ vā'pi yo dadyādvidhipūrvakam | vaset kṣīrārṇave ramye nārāyaṇasamīpataḥ || mṛṇmayaṃ cā'pi yo dadyād gṛhaṃ copaskarānvitam | pureṣu lokapālānāṃ pratimanvantaraṃ vasediti || etacca vāstupūjanan | anena vidhinā yastu pratisaṃvatsaraṃ budhaḥ | gṛhe cāyaতনে kuryānna sa duḥkhamavāpnuyādityuktā pratisaṃvatsaraṃ karttavyam | atra vāstudevatānāṃ viśeṣanaivedyādīni | śikhine ghṛtānnam | parjanyāya sotpalaṃ ghṛtaudanam | jayantāya pītadhvajaṃ piṣṭamayaṃ kūrccaṃ ca | kuliśāyudhāya pañcaratnāni | paiṣṭaṃ kuliśaṃ ca | sūryāya vitānakaṃ dhūpaṃ saktuṃ ca | satyāya ghṛtagodhūmam | bhṛśāya matsyān | antarikṣāya śaṣkulīḥ | vāyave saktūn | pūṣṇe lājāḥ | vitathāya caṇakodanam | ghṛtakṣatāya madhva'nnam | yamāya piśitodanam | gandharvāya gandhaudanam | bhṛṅgarājāya meṣajivikām | mṛgāya yāvakam | pitṛbhyaḥ kṛsaram | dauvārikāya dantakāṣṭhaṃ, paiṣṭaṃ kṛṣṇabaliṃ ca | sugrīvāyā'pūpam | puṣpadantāya pāyasam | varuṇāya kuśastambasahitaṃ padmam | asurāya paiṣṭaṃ hiraṇmayaṃ surā ca | śoṣāya ghṛtodanam | pāpāya godhām |

3.p65.3

rogāya ghṛtalaḍḍukān | ahaye phalānvitaṃ puṣpam | mukhyāya sarpiḥ | bhallāṭāya guḍaudanam somāya madhupāyasam | sarpebhyaḥ śālipiṣṭam | aditaye polikām | ditaye pūrikām | āpāya kṣīram | āpavatsāya dadhi | sāvitrāya laḍḍukān | samarīcaṃ kuśa Balsammudak- kuśa Balsam- kuśodakam | savitre guḍāpūpam | jayāya ghṛtacandanam | vivasvate raktacandanaṃ pāyasam | rājayakṣmaṇe āmaṃ pakvaṃ ca māṃsam | indrāya haritālodanaṃ ghṛtasaṃyutam | guḍodanaṃ tu mitrāya rudrāya ghṛtapāyasam | pṛthīdharāya māṃsāni kūṣmāṇḍāni ca | aryamṇe śarkarāpāyasam | pañcagavyaṃ yavāṃścaiva tilakṣatahaviśvarūn oṃ bhakṣyaṃ bhojyaṃ ca vividhaṃ brahmaṇe vinivedayediti || rākṣasīnāṃ tu, carakyai māṃsodanaṃ ghṛtaṃ padmakesaraṃ haviṣānvitam | āgneye vidāryai sarudhiramāṃsaudanaṃ haridraudanaṃ ca | nairṛte pūtanāyai sarudhiraṃ dadhyodanaṃ matsyakhaṇḍaiśca saṃyutam | pītaraktaṃ ca baliṃ vāyavye pāparākṣasyai matsyamāṃsaṃ surāsavam | sarvatra pāyasaṃ vā dadyāt | iti gṛhadānaprayogaḥ || kṛtvā mañcaṃ prayatnena śayanāsanasaṃyutam puṇyakāle dvijebhyo'tha yatibhyo vā nivedayet || sarvān kāmānavāpnoti niṣkāmo mokṣamāpnuyāditi skāndoktam

Linked texts (4)