Pramāṇa · Search · About · API

Danamayukha 3.p91

Dānamayūkha 3.p91

Language
Sanskrit

3.p91.1

śena prācyāṃ mandaram | tadupari nararūpaṃ gaṇatrayaṃ kadambaṃ ca sauvarṇakadambamūle haimaḥ kāmadevaḥ | aruṇodasaraḥsthāne dugdhapūrṇaraupyapātram | raupyaṃ caitrarathārūyaṃ vanaṃ gandhapuṣpaphalavastrāṇi ca sthāpayet | yāmye meruṣoḍaśāṃśagodhūmamayaṃ gandhamādanaṃ tadupari sauvarṇajambūvṛkṣaṃ tanmūle sauvarṇamudaṅmukhaṃ dhanadaṃ mānasasaraḥsthāne saghṛtaṃ raupyapātraṃ rūpyaṃ gandharvārūyaṃ vanaṃ nānāphalavastramālyāni ca sthāpayet || paścime meruṃ ṣoḍaśāṃśatilamayaṃ vipulaparvataṃ tadupari sauvarṇaṃ pippalaṃ tanmūle prāṅmukhasauvarṇahaṃsapratimāṃ sitodasaraḥsthāne payodadhipūrṇaraupyapātraṃ raupyaṃ vaibhrājavanaṃ vastraphalamālyāni ca sthāpayet | uttare meruṃ ṣoḍaśāṃśamitamāṣaiḥ supārśvaparvataṃ tadupari sauvarṇavaṭaṃ tanmūle dakṣiṇābhimukhīṃ savatsāṃ suvarṇadhenuṃ bhadrasaraḥsthāne madhupūrṇaraupyapātraṃ rūpyaṃ sāvitravanaṃ vastraphalādi ca sthāpayet | evaṃ vakṣyamāṇaparvateṣvapi merudravyacaturthāṃśena lavaṇādidravyeṇa prāgādiṣu viṣkambhādiparvatā jñeyāḥ || atha yajamāno'dyetyādyuktvā'psarogandharvayutavimānakaraṇakasvarlokagamanasāgramanvantarakāladevalokavāsottarabhūrlokarājatvakāmaīśvaraprītikāmo vā śvo dhānyaparvatadānamahaṃ kariṣye iti saṅkalpya gaṇeśapūjā-svastivācana-mātṛpūjā-nāndīśrāddhācāryartvigvaraṇatanmadhuparkamaṇḍapapūjanācāryaviniyogāntaṃ sāmānyaprayogoktaṃ kuryāt| ācāryo'pi grahādisthāpanādikuṇḍasamīpasthitakalaśasthāpanāntaṃ kuryāt |

3.p91.2

atrartvijaḥ prākkuṇḍe grahādidvātriṃśaddevatābhyastanmantraistilaiḥ pṛthagyavaghṛtāktānmantraistilaiḥ pṛthagyavaghṛtābhyāṃ militābhyāṃ kuśaiśceti tribhiḥ sādhanaiḥ pratyekamaṣṭavāraṃ hutvā daśalokapālebhyo'ṣṭavasubhya ekādaśarudrebhyo dvādaśādityebhyaśca pratyekamaṣṭasaṃkhyayā samidbhistilairvā juhuyuḥ | mantrāstu sāmānyaprayoge uktāḥ | tataḥ puruṣasūktena brahmaviṣṇuśivebhyaḥ samidbhistilairvā sūryakāmadevadhanadahaṃsakāmadhenubhyastilairghṛtena cāṣṭottaraśataṃ juhuyuḥ | tatra catuḥpañcāśattilaiścatuḥpañcāśadghṛteneti | tato yajamāno merumāvāhya pūjayet | tatra mantrāḥ— tvaṃ sarvadevagaṇadhāmanidhirviruddhamasmadgṛhe'pyamaraparvatanāśayāśu | kṣemaṃ vidhatsva kuru śāntimanuttamāṃ naḥ saṃpūjitaḥ paramabhaktimatā mayā'dya || tvameva bhagavān īśo brahmā viṣṇurdivākaraḥ | mūrttamūrttaṃ paraṃ bījamataḥ pāhi sanātana || yasmāttvaṃ lokapālānāṃ pāhi tvaṃ viśvamandiram | rudrādityavasūnāṃ ca tataḥ śāntiṃ prayaccha me || yasmādaśūnyamamarairnārībhiśca śirastava | tasmānmāmuddharāśeṣaduḥkhasaṃsārasāgarāt || atha mandarasya | yasmāccaitrarathena tvaṃ bhadrā'śvapramukhena ca | śobhase mandara kṣipramalaṃ tuṣṭikaro bhava || atha gandhamādanasya| yasmāccūḍāmaṇirjambūdvīpe tvaṃ gandhamādana| gandharvavanaśobhāvām̐stataḥ kīrttirdṛḍhā'stu me || atha vipulasya | yasmāttvaṃ ketumālena vaibhrājena vanena ca | hiraṇmayāśvatthaśirāstasmāt puṣṭirdṛḍhā'stu me || atha supārśvasya | uttaraiḥ kurubhiryasmāt sāvitreṇa vanena ca| supārśva śobhase nityamataḥ śrīrakṣayāstu me ||

3.p91.3

tataḥ sarvairjāgaraṇe kṛte snānādi kṛtvā kuṇḍasamīpasthakalaśajalairyajamānamabhiṣiñceyuḥ| tataḥ karttā gṛhītakusumo meruṃ pradakṣiṇīkṛtya upatiṣṭhet | mantrāstu, annaṃ brahma yataḥ proktamanne prāṇāḥ pratiṣṭhitāḥ| annādbhavanti bhūtāni jagadannena varttate || annameva yato lakṣmī annameva janārddanaḥ | dhānyaparvatarūpeṇa pāhi tasmānnamo namaḥ || ityupasthāya puṣpā'ñjaliṃ prakṣipya namaskṛtya prāṅmukha upaviśyodaṅmukhebhyo gurvādigbhyaḥ krameṇa girīn dadyāt | prayogastu, adyetyādi deśakālakīrttanānte amugotrāyā'mukavedāyā'mukaśākhādhyāyine'mukaśarmaṇe gurave'psarogandharvagaṇayutavimānakaraṇakasvarlokagamanānantarasāgramanvantaraśatā'vadhisamayadevalokanivāsottarabhūlokarājatvaprāptikāmaḥ, imaṃ dhānyameruṃ sauvarṇamandarādriṃ vṛkṣapañcakasauvarṇabrahmaviṣṇurudrārka pratimāyuktamuktāhīrakādibhūṣitaraupyamayaśṛṅgacatuṣkaśobhitaṃ rūpyamayendrādilokapālaprati maṃ raupyamayanitambānvitamikṣuvaṃśrāṣṭakandaraṃ dik‍catuṣṭayasthāpitaraupyapātrasthitaghṛtodakaprasravaṇaṃ dik‍catuṣṭayasthāpitaśuklapītakaburraraktavastrāmbudadharaṃ nānāphalamālyavitānādyupakaraṇasahitaṃ tubhyaṃ saṃpradade na mameti taddhaste dadyāt | sa ca, oṃ svastīti pratigṛhya svaśākhīyāṃ kāmastutiṃ paṭhet | tataḥ kṛtaitaddānapratiṣṭhārtham imā gāstubhyaṃ dakṣiṇātvena saṃpradade na mameti dadyāt | tatra caturviṃśatipakṣe aṣṭau gā gurave, catasraścatasraśca ṛtvigbhyaḥ | daśapakṣe ṣaḍ gurave, ekaikām ṛtvigbhyaḥ | aṣṭasaptapakṣayoścatasrastisro vā gurave, ekaikām | ṛtvigbhyaḥ | pañcapakṣe sarvebhya ekaikām |

3.p91.4

ekapakṣe gurava eva tāṃ kapilām, ṛtvigbhyaḥ suvarṇamiti madanādayaḥ | evaṃ pūrvasthitaṃ mandarākhyaviṣkambhagiriyamayaṃsauvarṇanānāphalabhadrakadambatanmūlasthasauvarṇakāmadevapratimamaruṇodasaraḥsthānīyakṣīrapūritaraupyapātraraupyaghaṭitacaitrarathavanavastranānāphalādiyutaṃ tubhyam ṛtvije saṃpradade na mameti dadyāt | imaṃ dakṣiṇasthitagodhūmamayaṃ gandhamādanaṃ viṣkambhaparvataṃ sauvarṇajambūvṛkṣamūlasthitasauvarṇakuberapratimā'nvitaṃ mānasasaraḥsthānīyaghṛtapūritaraupyapātraṃ rūpyaghaṭitagandharvavanavastranānāphalamālyavitānādiyutaṃ tubhyamiti dadyāt | imaṃ paścimasthitaṃ tilamayaṃ vipulākhyaṃ viṣkambhaparvataṃ sauvarṇipippaḷatanmulasthitasauvarṇahaṃsa-

Linked texts (6)