[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Works of the Bhaṭṭa family of Vārāṇasī](https://indike.org/pramana/in.niti.dharma.kala.bhatta) › [Kalamayukha](https://indike.org/pramana/in.niti.dharma.kala.bhatta.kalamayukha) › 10.p1 # Kalamayukha 10.p1 Kālamayūkha 10.p1 - **Language:** Sanskrit ### [10.p1](https://indike.org/pramana/in.niti.dharma.kala.bhatta.kalamayukha.10.p1) atha saptamī | sā sarvatra pūrvaiva | 'ṣaṇmunyoḥ' iti yugmavacanāt | skānde'pi— ṣaṣṭhyā yutā saptamī ca kartavyā tāta sarvadā || iti | vaiśākhaśuklasaptamyāṃ gaṅgāpūjoktā brāhme— vaiśākhe śuklasaptamyāṃ jahnunā jāhnavī svayam | krodhātpītā punastyaktā karṇarandhrāttu dakṣiṇāt | tāṃ tatra pūjayeddevīṃ gaṅgāṃ gaganamekhalām || iti | atra pūrvāhnavyāpinī grāhyā | dinadvaye sāmyena pūrvāhnagāminyāṃ pūrvā, sāmānyanirṇayāt | āśvinaśuklasaptamī devīpūjāyāṃ parayutā grāhyā— yugādyā varṣavṛddhiśca saptamī pārvatīpriyā | raverudayamīkṣante na tāsu tithiyugmatā || iti pratāpamārtaṇḍe bhaviṣyokteḥ | varṣavṛddhirjanmatithiḥ | atraiva mūlanakṣatre pustakasthāpanamuktaṃ rudrayāmale— mūlaṛkṣe surādhīśa pūjanīyā sarasvatī | pūjayetpratyahaṃ devaṃ yāvadvaiṣṇavamṛkṣakam || nādhyāpayenna ca likhennādhīyīta kadācana || iti | pustake sthāpite devi vidyākāmo dvijottamaḥ | saṅgrahe'pi— āśvinasya site pakṣe meghākāmaḥ sarasvatīm || mūlenā''vāhayeddevīṃ śravaṇena visarjayet | māghaśuklasaptamī rathasaptamītyucyate | sā'ruṇodayavyāpinī snānādau grāhyā— sūryagrahaṇatulyā tu śuklā māghasya saptamī | aruṇodayavelāyāṃ tasyāṃ snānaṃ mahāphalam | iti candrikāyāṃ viṣṇūkteḥ | prayāge yadi labhyeta koṭisūryagrahaiḥ samā || iti | smṛtyantarācca | dinadvaye'ruṇodaye cetpūrvaiva ‘ṣaṇmunyoḥ’ iti yugmavākyāt | atra kṛtyaṃ bhaviṣye— sauvarṇe rājate tāmre bhaktyā'lābumaye tathā | tailena vartirdātavyā mahārajanarañjitā || samāhitamanā bhūtvā dattvā śirasi dīpakam | bhāskaraṃ hṛdaye dhyātvā imaṃ mantramudīrayet || namaste rudrarūpāya rasānāṃ pataye namaḥ | varuṇāya namaste'stu harivāsa namo'stu te || jale parihareddīpaṃ dhyātvā saṃtarpya devatāḥ || iti | mahārajanaṃ kusumbham | pariharet muñcet | kāśīkhaṇḍe viśeṣaḥ— lolārka rathasaptamyāṃ snātvā gaṅgāsisaṅgame | saptajanmakṛtaiḥ pāpairmukto bhavati tatkṣaṇāt || iti | iyaṃ ca ṣaṣṭhī ravivārayoge'tiphaladā | ṣaṣṭhī ca saptamīyoge vāraśceddaṃśumālinaḥ || yogo'yaṃ padmako nāma sahasrārkagrahaiḥ samaḥ || iti smṛticandrodaye gargokteḥ || arghyamantraśca kāśīkhaṇḍe— yadājanmakṛtaṃ pāpaṃ mayā saptasu janmasu | tanme rogaṃ ca śokaṃ ca mākarī hantu saptamī || iti - [Previous: 9.p2](https://indike.org/pramana/in.niti.dharma.kala.bhatta.kalamayukha.9.p2) - [Next: 10.p2](https://indike.org/pramana/in.niti.dharma.kala.bhatta.kalamayukha.10.p2) - [Up: 10](https://indike.org/pramana/in.niti.dharma.kala.bhatta.kalamayukha.10) ## Linked texts (4) - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.3.20.175) — Sanskrit - [Nāradapurāṇa](https://indike.org/pramana/in.purana.narada.1.116.11) — Vyāsa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.27.p1) — Nīlakaṇṭha Dīkṣita 1625, Sanskrit - [Pratāpārka](https://indike.org/pramana/in.niti.dharma.nibandha.mahanibandha.prataparka.7.p54) — Viśveśvarabhaṭṭa 1766, Sanskrit --- Source: [https://indike.org/pramana/in.niti.dharma.kala.bhatta.kalamayukha.10.p1](https://indike.org/pramana/in.niti.dharma.kala.bhatta.kalamayukha.10.p1) · Pramāṇa