[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Works of the Bhaṭṭa family of Vārāṇasī](https://indike.org/pramana/in.niti.dharma.kala.bhatta) › [Kalamayukha](https://indike.org/pramana/in.niti.dharma.kala.bhatta.kalamayukha) › 13.p55 # Kalamayukha 13.p55 Kālamayūkha 13.p55 - **Language:** Sanskrit ### [13.p55](https://indike.org/pramana/in.niti.dharma.kala.bhatta.kalamayukha.13.p55) mandavāre pradoṣo'yaṃ durlabhaḥ sarvadehinām | tatrāpi durlabhastasmin kṛṣṇapakṣe samāsataḥ || iti | tatraivoktatvāt | caitrakṛṣṇatrayodaśyāmalabhyayogaḥ skānde— vāruṇena samāyuktā madhau kṛṣṇā trayodaśī gaṅgāyāṃ yadi labhyeta sūryagrahaśataiḥ samā || śanivārasamāyuktā sā mahāvāruṇī smṛtā | śubhayogasamāyuktā śanau śatabhiṣā yadi || mahāmaheti vikhyātā trikoṭikulamuddharet | tithikṛtye ca kṛṣṇādi vrate śuklādireva ca || iti | brāhmokteratra kṛṣṇādimāsaḥ| nacāsya vratatvaṃ vratapadatatprakaraṇādyabhāvāt| kārtikakṛṣṇatrayodaśyāṃ dīpadānamuktaṃ candraprakāśe | skānde— kārtikasyāsite pakṣe trayodaśyāṃ niśāmukhe | yamadīpaṃ bahirdadyādapamṛtyurvinaśyati || iti | bahirmādbahiriti kecit | gṛhādbahirityapare | mantrastu— mṛtyunā pāśadaṇḍābhyāṃ kālaśyāmalayā saha | trayodaśyāṃ dīpadānātsūryajaḥ prīyatāṃ mama || iti dik - [Previous: 13.p54](https://indike.org/pramana/in.niti.dharma.kala.bhatta.kalamayukha.13.p54) - [Next: 13.p56](https://indike.org/pramana/in.niti.dharma.kala.bhatta.kalamayukha.13.p56) - [Up: 13](https://indike.org/pramana/in.niti.dharma.kala.bhatta.kalamayukha.13) ## Linked texts (1) - [Pratāpārka](https://indike.org/pramana/in.niti.dharma.nibandha.mahanibandha.prataparka.12.p36) — Viśveśvarabhaṭṭa 1766, Sanskrit --- Source: [https://indike.org/pramana/in.niti.dharma.kala.bhatta.kalamayukha.13.p55](https://indike.org/pramana/in.niti.dharma.kala.bhatta.kalamayukha.13.p55) · Pramāṇa