[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Works of the Bhaṭṭa family of Vārāṇasī](https://indike.org/pramana/in.niti.dharma.kala.bhatta) › [Kalamayukha](https://indike.org/pramana/in.niti.dharma.kala.bhatta.kalamayukha) › 4.p13 # Kalamayukha 4.p13 Kālamayūkha 4.p13 - **Language:** Sanskrit ### [4.p13](https://indike.org/pramana/in.niti.dharma.kala.bhatta.kalamayukha.4.p13) jaṭājūṭasamāyuktāmarddhendukkṛtalakṣaṇām | locanatrayasaṃyuktāṃ padmandusadṛśānanām || atasīpuṣpavarṇābhāṃ supratiṣṭhāṃ sulocanām | navayauvanasaṃpannāṃ sarvābharaṇabhūṣitām || sucārudarśanāṃ tadvatpīnonnatapayodharām | tribhaṅgasthānasaṃsthānāṃ mahiṣāsuramardinīm || triśūlaṃ dakṣiṇe dadyātkhaḍgaṃ cakraṃ tathaiva ca | tīkṣṇaṃ bāṇaṃ tathā śaktiṃ vāmato'pi niveśayet || kheṭakaṃ pūrṇacāpaṃ ca pāśamaṅkuśamūrddhvajam | ghaṇṭāṃ vā paraśuṃ vāpi vāmataḥ saṃniveśayet || adhastānmahiṣaṃ tadvadviśiraskaṃ pradarśayet | śiraśchedodbhavaṃ tadvaddānavaṃ khaḍgapāṇinam || hṛdi śūlena nirbhinnaṃ niryadantravibhūṣitam | raktaraktīkṛtāṅgaṃ ca raktavisphāritekṣaṇam || veṣṭitaṃ nāgapāśena bhrukuṭībhīṣaṇānanam | sapāśavāmahastena dhṛtakeśaṃ ca durgayā || vamadrudhiravaktraṃ ca devyāḥ siṃhaṃ pradarśayet | devyāstu dakṣiṇaṃ pādaṃ samaṃ siṃhoparisthitam || kiñcidūrdhvaṃ tathā vāmamaṅguṣṭhaṃ mahiṣopari | stūyamānaṃ ca tadrūpamamaraiḥ sanniveśayet || iti - [Previous: 4.p12](https://indike.org/pramana/in.niti.dharma.kala.bhatta.kalamayukha.4.p12) - [Next: 4.p14](https://indike.org/pramana/in.niti.dharma.kala.bhatta.kalamayukha.4.p14) - [Up: 4](https://indike.org/pramana/in.niti.dharma.kala.bhatta.kalamayukha.4) ## Linked texts (4) - [Prāṇatoṣiṇī](https://indike.org/pramana/in.sampradaya.general.sakta.pranatosini.5.11.364) — Rāmatoṣaṇa Śarman 1796, Sanskrit - [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.1.299) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.21.p21) — Nīlakaṇṭha Dīkṣita 1625, Sanskrit - [Saṃvatsaradīdhiti](https://indike.org/pramana/in.niti.dharma.kala.varsakrtya.samvatsaradidhiti.6.p1.9) — Anantadeva 1650, Sanskrit --- Source: [https://indike.org/pramana/in.niti.dharma.kala.bhatta.kalamayukha.4.p13](https://indike.org/pramana/in.niti.dharma.kala.bhatta.kalamayukha.4.p13) · Pramāṇa