[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Works of the Bhaṭṭa family of Vārāṇasī](https://indike.org/pramana/in.niti.dharma.kala.bhatta) › [Kalamayukha](https://indike.org/pramana/in.niti.dharma.kala.bhatta.kalamayukha) › 4.p14 # Kalamayukha 4.p14 Kālamayūkha 4.p14 - **Language:** Sanskrit ### [4.p14](https://indike.org/pramana/in.niti.dharma.kala.bhatta.kalamayukha.4.p14) dhyānamapyevamehi durge mahābhāge rakṣārthaṃ mama sarvadā | āvāhayāmyahaṃ devi sarvakāmārthasiddhaye || asyāṃ mūrtau samāgaccha sthitiṃ matkṛpayā kuru | rakṣāṃ kuru sadā bhadre viśveśvari namo'stu te || ityāvāhanam ‘bhagavati durge ihāgaccha iha tiṣṭha iha saṃnidhehi sthirā bhava suprasannā bhava’ ityapi paṭhanti | pūjādimantraśca ‘kuryāddevyāśca mantreṇa’ ityabhidhāyajayantī maṅgalā kālī bhadrakālī kapālinī | durgā kṣamā śivā dhātrī svāhā svadhā namo'stu te | anenaiva tu mantreṇa japahomādi kārayet | iti purāṇokteḥ | talliṅgaiḥ pūjayenmantraiḥ sarvadevānsamāhitaḥ || iti agnipurāṇādvaidika āgamiko vā | ‘nāmnā sarvaṃ samāpayet’ iti sādhāraṇavākyātpraṇavādicaturthyantanamontanāmamantro vā | skānde tudurgame dustare kārye bhavaduḥkhavināśini | pūjayāmi sadā bhaktyā durgāṃ durgārttināśinīm || anenaiva tu mantreṇa japahomādi kārayet | ityuktam | chatracāmarādibhī rājopacāraiḥ pūjā | tadante praṇamya devīṃ prārthayedanena mantreṇamahiṣaghni mahāmāye cāmuṇḍe muṇḍamālini | dravyamārogyavijayaṃ dehi devi namaḥ sadā || bhūtapretapiśācebhyo rakṣobhyaśca maheśvari | devebhyo mānuṣebhyaśca bhayebhyo rakṣa māṃ sadā || sarvamaṅgalamaṅgalye śive sarvārthasādhike | śaraṇye tryambake gauri nārāyaṇi namo'stu te || rūpaṃ dehi yaśo dehi bhagaṃ bhagavati dehi me | putrāndehi dhanaṃ dehi sarvānkāmānpradehi me || iti | tato durgāmantraṃ vaidikamāgāmikaṃ vā japet | durgāgrato japenmantramekacittaḥ samāhita’ iti devīpurāṇāt | yadvā- - [Previous: 4.p13](https://indike.org/pramana/in.niti.dharma.kala.bhatta.kalamayukha.4.p13) - [Next: 4.p15](https://indike.org/pramana/in.niti.dharma.kala.bhatta.kalamayukha.4.p15) - [Up: 4](https://indike.org/pramana/in.niti.dharma.kala.bhatta.kalamayukha.4) ## Linked texts (3) - [Vārāhītantra](https://indike.org/pramana/in.sampradaya.general.sakta.varahitantra.30.220) — Sanskrit - [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.1.314) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.21.p23) — Nīlakaṇṭha Dīkṣita 1625, Sanskrit --- Source: [https://indike.org/pramana/in.niti.dharma.kala.bhatta.kalamayukha.4.p14](https://indike.org/pramana/in.niti.dharma.kala.bhatta.kalamayukha.4.p14) · Pramāṇa