[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Works of the Bhaṭṭa family of Vārāṇasī](https://indike.org/pramana/in.niti.dharma.kala.bhatta) › [Kalamayukha](https://indike.org/pramana/in.niti.dharma.kala.bhatta.kalamayukha) › 4.p42 # Kalamayukha 4.p42 Kālamayūkha 4.p42 - **Language:** Sanskrit ### [4.p42](https://indike.org/pramana/in.niti.dharma.kala.bhatta.kalamayukha.4.p42) kārtikaśuklapratipannirṇayaḥ | kārtikaśuklapratipatpūrvaviddhā grāhyā, pūrvaviddhā prakarttavyā śivarātrirbalerdinam | iti vṛhadyamokteḥ | mādhavopi— balyutsavaṃ ca pūrvedyurupavāsavadācaret | iti| pūrvaviddhāyāmityarthaḥ iha tailābhyaṅga āvaśyakaḥ | tathā ca vṛddhavasiṣṭhaḥvatsarādau vasantādau balirājye tathaiva ca | tailābhyaṅgamakurvāṇo narakaṃ pratipadyate || iti || atra viśeṣaḥ skāndemantraḥ- prātargovarddhanaḥ pūjyo dyūtaṃ cāpi samācaret | pūjanīyāstathā gāvastyājye vāhanadohane || govarddhana dharādhāra gokulatrāṇakāraka | bahubāhukṛtacchāya gavāṃ koṭiprado bhava || atha gopūjanamantraḥyā lakṣmīrlokapālānāṃ dhenurūpeṇa saṃsthitā | ghṛtaṃ vahati yajñārthe mama pāpaṃ vyapohatu || agrataḥ santu me gāvo gāvo me santu pṛṣṭhataḥ | gāvo me hṛdaye santu gavāṃ madhye vasāmyaham || iti | tato'parāhnasamaye pūrvasyāṃ diśi bhārata | mārgapālīṃ prabadhnīyāttuṅgastambhe'tha pādape || kuśakāśamayīṃ divyāṃ lambakairbahubhirmune | mantraḥ- mārgapāli namaste'stu sarvalokasukhaprade || vidheyaiḥ putradārādyaiḥ punarehi vratasya me | mārgapālītalenetthaṃ yānti gāvo gajā vṛṣāḥ || rājāno rājaputrāśca brāhmaṇāḥ śūdrajātayaḥ | mārgapālīṃ samullaṃghya nīrujaḥ syuḥ sukhānvitāḥ || iti | bhaviṣyekṛtvaitatsarvameveha rātrau daityapaterbaleḥ | pūjāṃ kuryānnṛpaḥ sākṣādbhūmau maṇḍalake śubhe || balimālikhya daityendraṃ varṇakaiḥ pañcaraṅgakaiḥ | gṛhasya madhyaśālāyāṃ viśālāyāṃ tato'rcayet || lokaścāpi gṛhasyāntaḥ śayyāyāṃ śuklataṇḍulaiḥ | saṃsthāpya balirājānaṃ phalaiḥ puṣpaiśca pūjayet || mantrastu-balirāja namastubhyaṃ devadānavavandita | indraśatro'marādāte viṣṇusānnidhyado bhava || iti || tatraiva brāhme— tasmādyūtaṃ prakarttavyaṃ prabhāte tatra mānavaiḥ | tasmindyūte jayo yasya tasya saṃvatsaraṃ jayaḥ || parājayo viruddhaśca lābhanāśakaro bhavet | dayitābhiśca sahitairneyā sā ca bhavenniśā || iti - [Previous: 4.p41](https://indike.org/pramana/in.niti.dharma.kala.bhatta.kalamayukha.4.p41) - [Next: 4.p43](https://indike.org/pramana/in.niti.dharma.kala.bhatta.kalamayukha.4.p43) - [Up: 4](https://indike.org/pramana/in.niti.dharma.kala.bhatta.kalamayukha.4) ## Linked texts (5) - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.21.p64) — Nīlakaṇṭha Dīkṣita 1625, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.24.5) — Kamalākarabhaṭṭa 1612, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.4.p45) — Anantadeva 1645, Sanskrit - [Smṛtisāroddhāra](https://indike.org/pramana/in.niti.dharma.nibandha.smrtisamgraha.smrtisaroddhara.1.p31) — Nārāyaṇa, Sanskrit - [Cakranārāyaṇīyanibandha](https://indike.org/pramana/in.niti.dharma.nibandha.mahanibandha.cakranarayaniyanibandha.1.p31) — Viśvambharatrivedin 1600, Sanskrit --- Source: [https://indike.org/pramana/in.niti.dharma.kala.bhatta.kalamayukha.4.p42](https://indike.org/pramana/in.niti.dharma.kala.bhatta.kalamayukha.4.p42) · Pramāṇa