[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Kalasara](https://indike.org/pramana/in.niti.dharma.kala.kalasara) › 5.p126 # Kalasara 5.p126 Kālasāra 5.p126 - **Language:** Sanskrit ### [5.p126](https://indike.org/pramana/in.niti.dharma.kala.kalasara.5.p126) tathā,– saṃsarjrayantī ṅkārairvighnaughān pātakān varān | navamyāṃ pūjitā devī dadātyanavamaṃ phalam || sā puṇyā sā pavitrā ca sā sarvvasukhadāyinī | tadā tasyāṃ pūjanīyā cāmuṇḍā muṇḍamālinī || tathā,– manvantareṣu sarvveṣu kalpeṣu kurunandana | teṣu sarvveṣu caivāsīnnavamīyaṃ surārccitā || prasiddhā navamī dhanyā varṣe varṣe yudhiṣṭhira | bhūyo bhūyo'vatāraiśca bhavānī pūjyate suraiḥ || avattīrṇā ca sā devī bhuvi daityanibarhaṇī | svargapātālamartyeṣu karoti sthitipālanam || agnihotrapare vipre vedavedāntapārage | suvarṇasya śate datte kurukṣetre ca yat phalam || tat phalaṃ labhate rājan pūjayitvā tu caṇḍikām | na taddeśe ca durbhikṣaṃ na ca duḥkhaṃ pravarttate || na kaścin mriyate rājā pūjyate yatra caṇḍikā | ye durgāṃ pūjayantīha pūjitaṃ tairjagattrayam || tasmāddurgācanaṃ śreṣṭhamṛṣibhirgīyate kalau | devīpurāṇe,– māsi cāśvayuje vīra śuklapakṣe triśūlinīm | navamyāṃ pūjayedyastu tasya puṇyaphalaṃ śṛṇu || aśvamedhasahasrasya rājasūyaśatasya vai | tat phalaṃ labhate vīra devaudevagaṇairyutaḥ || tathā,– mahānavamyāṃ pūjeyaṃ sarvvasiddhipradāyikā | sarvveṣu vatsa varṣeṣu tadgaktyā parikīrttitā || kṛtvāpnoti yaśorājyapucāyurdhanasampadaḥ | skānde,– āśvayukchuklapakṣasya navamyāṃ vai varānane | upavāsaparo bhūtvā yastāṃ paśyati bhaktitaḥ || tasya pāpaṃ cayaṃ yāti tamaḥ sūryyodaye yathā | tathā, tatmakaraṇe, durgāṃ sudurgagahanānnitaranti martyāḥ || bhaviṣye,–naktāśyāśvayuje rājā aṣṭamyāṃ śuklapakṣake | āśvine māsi śuklāyāṃ navamyāṃ niśi caṇḍikām || pūjanāt śatrunāśaḥ syāt rāṣṭraṃ jayati līlayā | tathā,– varṣapadmasahasreṣu yat phalaṃ samupārjitam | tasyāṃ dānaṃ japo homaḥ snānaṃ cākṣayamucyate || atrāpi, "navamyāṃ vidhivat baliḥ” iti vākyāt niśīthaḥ karmakālaḥ | tatra tithidvaidhe, "śrāvaṇīdurganavamī" iti vākyāt pūrvvaviddhā grāhyā || atha goṣṭhāṣṭamī | pādme,– śuklāṣṭamī kārttike tu smṛtā goṣṭhāṣṭamī budhaiḥ | taddine vāsudevo'bhūdgopaḥ pūrvvantuvatsapaḥ || tatra kuryyāt gavāṃ pūjāṃ gogrāsaṃ gopradaciṇam | gavānugamanaṃ kāryyaṃ sarvvakāmānabhīpsatā || kaurme tu, sarvvapāpaviśuddhaye iti pāṭhaḥ || mārgaśīrṣakṛṣṇapace prathamāṣṭamī | tacāsmaddeśe prathamagarbhītyapatyasyāyurvvṛddhyarthaṃ gaṇapatyādisakalapūjāpūrvikāṃ vandāpanāṃ kurvvanti | samācāra evāca pramāṇam | śrībhuvaneśvaracetre caturddaśayātrāṇamadhya ekācapurāṇe prathamāṣṭamoyācāyā likhitatvāt pramāṇamapyacāstoti vadanti | tatra ṣor̤aśatrimuharttavyāptā vyavasthā | tithidvaidhe pūrvvadyurvvandāpanā kṛṣṇāṣṭamolāt | yattu,- madhyāhnādadhikaṃ kiñcit paraca prathamāṣṭamī | tatra pūjādikaṃ kāryyaṃ nyūnā cet pūrvvavāsare || dūti | tadasaṅgalamiti nibandhakṛtaḥ | bhadrāṣṭamī, alabhyayoge lekhyā | bhīmāṣṭamī śrāddhaprakaraṇe lekhyā - [Previous: 5.p125](https://indike.org/pramana/in.niti.dharma.kala.kalasara.5.p125) - [Next: 5.p127](https://indike.org/pramana/in.niti.dharma.kala.kalasara.5.p127) - [Up: 5](https://indike.org/pramana/in.niti.dharma.kala.kalasara.5) ## Linked texts (2) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.4.p127) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.5.p126) — Nārāyaṇa Jyotirvit, Sanskrit --- Source: [https://indike.org/pramana/in.niti.dharma.kala.kalasara.5.p126](https://indike.org/pramana/in.niti.dharma.kala.kalasara.5.p126) · Pramāṇa