[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Kalasara](https://indike.org/pramana/in.niti.dharma.kala.kalasara) › 5.p78 # Kalasara 5.p78 Kālasāra 5.p78 - **Language:** Sanskrit ### [5.p78](https://indike.org/pramana/in.niti.dharma.kala.kalasara.5.p78) atha aṣṭamī | tatra kṛṣṇāṣṭamī saptamīviddhā grāhyā | tathāca nigame, — kṛṣṇapakṣe'ṣṭamī caiva kṛṣṇapakṣe caturdaśī | pūrvvaviddheva karttavyā paraviddhā na kasyacit || upavāsādikāryyeṣu hyeṣa dharmaḥ sanātanaḥ | śuklāṣṭamī tu navamīyutā grāhyā | śuklapakṣe'ṣṭamī caiva śuklapakṣe caturdaśī | pūrvvaviddhā na karttavyā karttavyā parasaṃyutā || upavāsādikāryyeṣu hyeṣa dharmaḥ sanātanaḥ | iti nigamokteḥ | yugmavākyamapi śuklapakṣaparam | evaṃ, nāṣṭamī saptamīyuktā saptamī nāṣṭamīyutā | navamyā saha kāryyā syādaṣṭamī nātra saṃśayaḥ || iti brahmavaivarttavākyānyapi śuklāṣṭamīparāṇyeva | tatra kāmyo'ṣṭamyupavāso devīpurāṇe, — ekādaśī koṭisahasratulyā'sitāṣṭamī parvatarājaputryāḥ | tato'pi śuklā guṇitā śatena parāśaravyāsavaśiṣṭhamukhyaiḥ || bhaviṣye, — śuklapakṣe tathāṣṭamyāmamupavāsaparāyaṇaḥ | mālatīkaravīreṇa vilvapatraiśca pūjayet || durgati nāma jagattrayaṃ .purato'ṣṭaśataṃ japa | sarvamaṅgalanāmeti japtavyaṃ kila bhārata || tathā, — caturdaśyāṃ tathāṣṭamyāṃ pakṣayoḥ śuklakṛṣṇayoḥ | yo'bdamekaṃ na bhuñjīta śivārṇanaparo naraḥ || yat puṇyamakṣayaṃ proktaṃ satataṃ satrayājinām | tat phalaṃ sakalaṃ tasya śivalokaṃ sa gacchati - [Previous: 5.p77](https://indike.org/pramana/in.niti.dharma.kala.kalasara.5.p77) - [Next: 5.p79](https://indike.org/pramana/in.niti.dharma.kala.kalasara.5.p79) - [Up: 5](https://indike.org/pramana/in.niti.dharma.kala.kalasara.5) ## Linked texts (3) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.4.p55) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.5.p78) — Nārāyaṇa Jyotirvit, Sanskrit - [Kāladīpa](https://indike.org/pramana/in.niti.dharma.kala.utkala.kaladipa.p92) — Divyasiṃha Mahāpātra 1640, Sanskrit --- Source: [https://indike.org/pramana/in.niti.dharma.kala.kalasara.5.p78](https://indike.org/pramana/in.niti.dharma.kala.kalasara.5.p78) · Pramāṇa