[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Kalasara](https://indike.org/pramana/in.niti.dharma.kala.kalasara) › 7.p49 # Kalasara 7.p49 Kālasāra 7.p49 - **Language:** Sanskrit ### [7.p49](https://indike.org/pramana/in.niti.dharma.kala.kalasara.7.p49) sūtake mṛtake caiva yasya bhāryā rajasvalā | pravāse gamane tasya punarādhānamiṣyate || ityaśauce patnyā rajasyapi pravāsaḥ niṣiddha eva | tathāpyātyāyike kārye śuddhividhānādeva vipattau tu pravāse kārye agnyupasthāpanaṃ kāryam | tathā praveśopasthāpanañca parvasannidhāvāvaśyakatvāt kāryameva | pitrormadhye daśāhaṃ yadi bhavati sutaḥ sāgniko darśapāte, tyaktvāsmin paitrayajñaṃ sakalamanucarecchrautadarśoktakṛtyam | asmiṃstāvatsapiṇḍīkaraṇamṛṣigirā yanniṣiddhaṃ vinā tat,no yuktaḥ piṇḍayajñastaditaravihitaśrautalopaḥ kutaḥ syāt || smṛtisaṃgrahe,— daśāhābhyantare yasya sapiṇḍīkaraṇaṃ bhavet | pretatvaṃ sarvadā tasya yāvadābhūtasaṃplavam || kārṣṇājiniḥ,— sapiṇḍaukaraṇaṃ kuryāt pūrvavaccāgnimān sutaḥ | parato daśarātrāccet kuhvarabdoparītaraḥ || itaro'nagniḥ | jābāliḥ,— nāsapiṇḍyagnimān putraḥ pitṛyajñaṃ samācaret | pāpau bhavatyakurvan hi.pitṛhā copajāyate || “asapiṇḍī sapiṇḍanamakṛtvā” iti kalpatarukārāḥ | evaṃ ca daśāhamadhye darśapāte sapiṇḍīkaraṇamātrasya niṣiddhatvāt sapiṇḍīkaraṇaṃ vinā ca piṇḍapitṛyajñānuṣṭhānasya niṣiddhatvāt tameva vinā śrautamanyaddarśakarma kāryamityabhiyuktāḥ | mātuḥ piṇḍapitṛyajñe praveśābhāve'pi, ekādaśāhaṃ nirvartya arvāgdarthādyathāvidhi | prakurvītāgnimān putro mātāpitroḥ sapiṇḍanam - [Previous: 7.p48](https://indike.org/pramana/in.niti.dharma.kala.kalasara.7.p48) - [Next: 7.p50](https://indike.org/pramana/in.niti.dharma.kala.kalasara.7.p50) - [Up: 7](https://indike.org/pramana/in.niti.dharma.kala.kalasara.7) ## Linked texts (4) - [Kārṣṇājinismṛti (fragments)](https://indike.org/pramana/in.niti.dharma.uddhrta.karsnajinismrti*fragments.1.8) — Sanskrit - [Smṛtīnāṃ Samuccayaḥ](https://indike.org/pramana/in.niti.dharma.upasmrti.smrtisamuccaya.25.71) — Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.7.p94) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.7.p49) — Nārāyaṇa Jyotirvit, Sanskrit --- Source: [https://indike.org/pramana/in.niti.dharma.kala.kalasara.7.p49](https://indike.org/pramana/in.niti.dharma.kala.kalasara.7.p49) · Pramāṇa