[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Determination of lunar days](https://indike.org/pramana/in.niti.dharma.kala.tithi) › [Tithyarka](https://indike.org/pramana/in.niti.dharma.kala.tithi.tithyarka) › 2.p1.36 # Tithyarka 2.p1.36 Tithyarka 2.p1.36 - **Language:** Sanskrit ### [2.p1.36](https://indike.org/pramana/in.niti.dharma.kala.tithi.tithyarka.2.p1.36) mārgakṛṣṇāṣṭamī bhairavāṣṭamī | asyāṃ bhairavaṃ sampūjya vighnaṃ nivārayedityuktaṃ kāśīkhaṇḍe— "tīrthe kālodake snātvā kṛtvā tarpaṇamatvaraḥ vilokya kālarājānaṃ nirayāduddharet pitṝn kṛtvā ca trividhāṃ pūjāṃ mahāsambhāravistaraiḥ naro mārgasitāṣṭamyāṃ vārṣikaṃ vighnamutsṛjet ||” iti upoṣaṇāṃ jāgaraṇaṃ coktaṃ tatraiva— "mārgaśīrṣāsitāṣṭamyāṃ kālabhairavasannidhau upoṣya jāgaraṃ kurvansarvapāpaiḥ pramucyate ||” iti upoṣaṇāṅgatvena nārghyadānaṃ kāryamityuktaṃ śivarahasye— "upoṣaṇāsyāṅgabhūtamarghyadānamiha smṛtam |” iti atropavāso jāgaraṇāñceti viśiṣṭaṃ pradhānaṃ tasyāhorātrasādhyatveneyamaṣṭamyahorātravyāpinī grāhyā, “ahorātravrataṃ yacca ekamekatithau gatam tasyāmubhayayoginyāmācarettad vrataṃ vratī ||” iti smṛteḥ yadā tu dinedvaye sāyāhne tadā pūrvaiva | taduktaṃ samayamayūkhe brahmavaivartte— “rudravrateṣu sarveṣu karttavyā sammukhī tithiḥ |” iti idamapi rudravratam, kālabhairavasya rudrāvatāratvāt | yattu sindhukārajyeṣṭhairuktam— bhairavasannidhāvityukterjāgaraṇopavāsādikaṃ kāśyāmeva kartavyaṃ tatpramāṇābhāvādupekṣyam | pāraṇaṃ tu prātareva, “yāmatrayordhvagāminyāṃ prātareva hi pāraṇā |” iti mādhavallikhitasmṛteḥ | atra pūrṇamānto māso grāhyaḥ, “kārtike kṛṣṇapakṣe tu aṣṭamyāṃ bhairavo'bhavat |” iti śivarahasye kārtiketigrahaṇāt pūrṇamāntapauṣakṛṣṇāṣṭamyaṣṭaketyuktamāśvalāyanena | hemantaśiśirayoścaturṇāmaparapakṣāṇāmaṣṭamīṣvaṣṭakā iti | hemantaḥ śiśira iti ṛtusaṃjñā | sā coktā śrutau— “vasanto grīṣmo varṣā śaraddhemantaḥ śiśira iti ṣaḍ vā ṛtavaḥ” - [Previous: 2.p1.35](https://indike.org/pramana/in.niti.dharma.kala.tithi.tithyarka.2.p1.35) - [Next: 2.p1.37](https://indike.org/pramana/in.niti.dharma.kala.tithi.tithyarka.2.p1.37) - [Up: 2.p1](https://indike.org/pramana/in.niti.dharma.kala.tithi.tithyarka.2.p1) ## Linked texts (3) - [Pratāpārka](https://indike.org/pramana/in.niti.dharma.nibandha.mahanibandha.prataparka.8.p117) — Viśveśvarabhaṭṭa 1766, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.5.p31.9) — Ratnākara 1688, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.11.p13) — Nīlakaṇṭha Dīkṣita, Sanskrit --- Source: [https://indike.org/pramana/in.niti.dharma.kala.tithi.tithyarka.2.p1.36](https://indike.org/pramana/in.niti.dharma.kala.tithi.tithyarka.2.p1.36) · Pramāṇa