[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Determination of lunar days](https://indike.org/pramana/in.niti.dharma.kala.tithi) › [Tithyarka](https://indike.org/pramana/in.niti.dharma.kala.tithi.tithyarka) › 2.p1.39 # Tithyarka 2.p1.39 Tithyarka 2.p1.39 - **Language:** Sanskrit ### [2.p1.39](https://indike.org/pramana/in.niti.dharma.kala.tithi.tithyarka.2.p1.39) “yadā yadā sitāṣṭamyāṃ budhavāro bhaved yadi tadā tadā hi sā grāhyā ekabhaktāśane nṛpa ! budhāṣṭamī tu sampūrṇā yathoktaphaladāyinī |” iti aṣṭamī bhaumena siddhā, guruvāreṇa viruddhā | yoginyasyāmīśānyām | ityaṣṭamī nirṇītā atha navamī nirṇīyate— sā tu pūrvā, 'vasurandhrayoḥ' iti yugmavākyāt, aṣṭamī navamīviddhā karttavyā phalakāṅkṣibhiḥ na kuryānnavamīṃ tāta ! daśamyāṃ tu kadācana iti brahmavaivarttācca | atha caitraśuklanavamī śrīrāmanavamī | asyāṃ rāmotpattiruktā hemādrāvagastyasaṃhitāyām— “caitre navamyāṃ prākpakṣe divā puṇye punarvasau udaye gurugaurāṃgvoḥ soccasthe grahapañcake meṣe pūṣaṇi samprāpte lagne karkaṭakāhvaye śrāvirāsītsakalayā kauśalyāyāṃ paraḥ pumān tasmin dine tu kartavyamupavāsavrataṃ sadā rātrau jāgaraṇaṃ kuryādraghunāthapuro bhuvi ||” iti | tathā tatraiva— “caitre māse navamyāṃ tu jāto rāmaḥ svayaṃ hariḥ punarvastvṛkṣasaṃyuktā sā tithiḥ sarvakāmadā śrīrāmanavamī proktā koṭisūryagrahādhikā |” iti iyaṃ madhyāhnavyāpinī grāhyā, “caitraśuddhā tu navamī punarvasuyutā yadi saiṣa madhyāhnayogena mahāpuṇyatamā bhavet ||” iti tatraivokteḥ | iyaṃ pūrvedyureva madhyāhnavyāpinī cetpūrvā, karmakālavyāpteḥ | dinadvaye tadvyāptāvavyāptāvekadeśasamavyāptau vottaraiva | taduktaṃ mādhavīye'gastyasaṃhitāyām“navamī cāṣṭamī viddhā tyājyā viṣṇupararāyaṇaiḥ upoṣagaṃ navamyāṃ ca daśamyāṃ pāraṇā bhavet ||” iti yadā tu pūrvadine madhyāhne sakṛkṣottaradine madhyāhne kevalā, tadā pūrvaiva, ṛkṣayogaprāśastyāt | etena dinadvaye madhyāhnavyāptau navamī - [Previous: 2.p1.38](https://indike.org/pramana/in.niti.dharma.kala.tithi.tithyarka.2.p1.38) - [Next: 2.p1.40](https://indike.org/pramana/in.niti.dharma.kala.tithi.tithyarka.2.p1.40) - [Up: 2.p1](https://indike.org/pramana/in.niti.dharma.kala.tithi.tithyarka.2.p1) --- Source: [https://indike.org/pramana/in.niti.dharma.kala.tithi.tithyarka.2.p1.39](https://indike.org/pramana/in.niti.dharma.kala.tithi.tithyarka.2.p1.39) · Pramāṇa