[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Determination of lunar days](https://indike.org/pramana/in.niti.dharma.kala.tithi) › [Tithyarka](https://indike.org/pramana/in.niti.dharma.kala.tithi.tithyarka) › 2.p1.40 # Tithyarka 2.p1.40 Tithyarka 2.p1.40 - **Language:** Sanskrit ### [2.p1.40](https://indike.org/pramana/in.niti.dharma.kala.tithi.tithyarka.2.p1.40) cāṣṭamī viddhā tyājyetivākyabalāt pūrvadine punarvastvṛkṣayutāmapi tyaktvā paraiva kāryeti bruvanto mādhavānuyāyino nirastāḥ| ṛkṣābhāve'pi navamyupoṣyā | taduktaṃ samayamayūkhe'gastyasaṃhitāyām— “kevalāpi sadopoṣyā navamīśabdasaṃgrahāt tasmātsarvātmanā sarvaiḥ kāryaṃ vai navamīvrate upoṣaṇaṃ jāgaraṇaṃ pitṝnuddiśya tarpaṇam tasmin dine tu karttavyaṃ brahmaprāptimabhīpsubhiḥ ||” iti brahmādiphalaśruteridaṃ kāmyam | tatraiva— “yastu rāmanavamyāṃ tu bhuṅkte mohādvimūḍhadhīḥ kumbhīpākeṣu ghoreṣu pacyate nātra saṃśayaḥ ||” ityaniṣṭaśruternityamapīdam | yattu sindhukārajyeṣṭhairnityatvamaṅgīkṛtya, “tasmātsarvātmanā sarvaiḥ kāryam” ityupakramya atra kevalaśaivasya kevalakṛṣṇādibhaktasyāpi nādhikāra ityuktaṃ tadupakramopasaṃhāravirodhātpramāṇābhāvāccopekṣyam atha vratavidhirukto hemādrāvagastyasaṃhitāyām— “aṣṭamyāṃ caitramāsasya śuklapakṣe jitendriyaḥ dvijamāhūya sampūjya vṛṇuyātprārthayanniti śrīrāmapratimādānaṃ kariṣye' dvijottama ! bhaktyācāryo bhava prītaḥ śrīrāmosi tvameva ca ācāryaṃ bhojayetpaścātsāttvikānnauḥ suvistaram bhuñjīta svayamapyevaṃ hṛdi rāmamanusmaran śṛṇvan rāmakathāṃ divyāmahaḥśeṣaṃ nayenmuniḥ tataḥ prātaḥ samutthāya snātvā sandhyāṃ vidhāya ca svagṛhasyottare deśe dānasyojjvalamaṇḍapam śaṅkhacakrahanūmadbhiḥ prāgdvāre samalaṅkṛtam garutmacchāṅgavāṇaiśca dakṣiṇe samalaṅkṛtam gadākhaḍgāṅgadaiścaiva paścime suvibhūṣitam padmasvastikanīlaiśca kauvere samalaṅkṛtam madhye hastacatuṣkeṇa vedikāyuktamāyatam tataḥ saṅkalpayeddevaṃ rāmameva smaranmune ! - [Previous: 2.p1.39](https://indike.org/pramana/in.niti.dharma.kala.tithi.tithyarka.2.p1.39) - [Next: 2.p1.41](https://indike.org/pramana/in.niti.dharma.kala.tithi.tithyarka.2.p1.41) - [Up: 2.p1](https://indike.org/pramana/in.niti.dharma.kala.tithi.tithyarka.2.p1) ## Linked texts (1) - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.6.9) — Kamalākarabhaṭṭa 1612, Sanskrit --- Source: [https://indike.org/pramana/in.niti.dharma.kala.tithi.tithyarka.2.p1.40](https://indike.org/pramana/in.niti.dharma.kala.tithi.tithyarka.2.p1.40) · Pramāṇa