[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Determination of lunar days](https://indike.org/pramana/in.niti.dharma.kala.tithi) › [Tithyarka](https://indike.org/pramana/in.niti.dharma.kala.tithi.tithyarka) › 2.p1.41 # Tithyarka 2.p1.41 Tithyarka 2.p1.41 - **Language:** Sanskrit ### [2.p1.41](https://indike.org/pramana/in.niti.dharma.kala.tithi.tithyarka.2.p1.41) asyāṃ rāmanavamyāṃ ca rāmārādhanatatparaḥ upoṣyāṣṭasu yāmeṣu pūjayitvā yathāvidhi imāṃ svarṇamayīṃ rāmapratimāṃ ca prayatnataḥ śrīrāmaprītaye dāsye rāmabhaktāya dhīmate prīto rāmo haratvāśu pāpāni subahūni me anekajanmasaṃ siddhānyabhyastāni mahānti ca tataḥ svarṇamayīṃ rāmapratimāṃ palamānataḥ nirmitāṃ dvibhujāṃ divyāṃ vāmāṅkasthitajānakīm vibhratīṃ dakṣiṇakare jñānamudrāṃ mahāmune ! vāmenādhaḥ kareṇārād devīmāliṅgya saṃsthitām siṃhāsane rājate'tra paladvayavinirmite aśakto yo mahābhāga ! sa tu vittānusārataḥ palena vā tadarddhārddhatadarddhārddhena vā mune ! sauvarṇaṃ rājataṃ vāpi kārayedraghunandanam pārśve bharataśatrughnau dhṛtacchatrakarāvubhau cāpadvayasamāyuktaṃ lakṣmaṇaṃ cāpi kārayet dakṣiṇāṅge daśarathaṃ putrāvekṣaṇatatparam māturaṅkagataṃ rāmaṃ mūlamantreṇa cārcayet pañcāmṛtasnānapūrvaṃ pittarocanato'rcayet rāmasya jananī cāsi rāmarūpamidaṃ jagat atastvāṃ pūjayiṣyāmi lokamātarnamo'stu te namo daśarathāyeti pūjayetpitaraṃ tataḥ aśokakusumairyuktamarghyaṃ dadyād vicakṣaṇaḥ daśānanavadhārthāya dharmasaṃsthāpanāya ca rākṣasānāṃ vināśāya daityānāṃ nidhanāya ca paritrāṇāya sādhūnāṃ jāto rāmaḥ svayaṃ hariḥ gṛhāṇārghyaṃ mayā dattaṃ bhrātṛbhiḥ sahito'nagha ! puṣpāñjaliṃ punarddattvā yāme yāme prapūjayet divaivaṃ vidhivatkṛtvā rātrau jāgaraṇaṃ tataḥ tataḥ prātaḥ samutthāya snānaṃ sandhyādikāḥ kriyāḥ samāpya vidhivadrāmaṃ pūjayed vidhivanmune ! tato homaṃ prakurvīta mūlamantreṇa mantravit pūrvoktapadmakuṇḍe vā sthaṇḍile vā samāhitaḥ laukikāgnau vidhānena śatamaṣṭottaraṃ tataḥ - [Previous: 2.p1.40](https://indike.org/pramana/in.niti.dharma.kala.tithi.tithyarka.2.p1.40) - [Next: 2.p1.42](https://indike.org/pramana/in.niti.dharma.kala.tithi.tithyarka.2.p1.42) - [Up: 2.p1](https://indike.org/pramana/in.niti.dharma.kala.tithi.tithyarka.2.p1) ## Linked texts (1) - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.6.4-2) — Kamalākarabhaṭṭa 1612, Sanskrit --- Source: [https://indike.org/pramana/in.niti.dharma.kala.tithi.tithyarka.2.p1.41](https://indike.org/pramana/in.niti.dharma.kala.tithi.tithyarka.2.p1.41) · Pramāṇa