[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Determination of lunar days](https://indike.org/pramana/in.niti.dharma.kala.tithi) › [Tithyarka](https://indike.org/pramana/in.niti.dharma.kala.tithi.tithyarka) › 2.p1.42 # Tithyarka 2.p1.42 Tithyarka 2.p1.42 - **Language:** Sanskrit ### [2.p1.42](https://indike.org/pramana/in.niti.dharma.kala.tithi.tithyarka.2.p1.42) sājyena pāyasenaiva smaran rāmamananyadhīḥ tato bhaktyā ca santoṣya ācārya pūjayenmune ! tato rāmaṃ smaran dadyādevaṃ mantramudīrayet imāṃ svarṇamayīṃ rāmapratimāṃ samalaṅkṛtām citravastrayugacchannāṃ rāmo'haṃ rāghavāya te śrīrāmaprītaye dāsye tuṣṭo bhavatu rāghavaḥ iti dattvā vidhānena dadyādvai dakṣiṇāṃ bhuvam brahmahatyādipāpebhyo mucyate nātra saṃśayaḥ tulāpuruṣadānādiphalaṃ prāpnoti suvrata ! ||” iti idaṃ ca śrīrāmanavamīvrataṃ— “spaṣṭamāsaviśeṣākhyāvihitaṃ varjayenmale |” iti vacanānmalamāse na kāryam ; “sujaptamapyajaptaṃ syānnopavāsaḥ kṛto bhavet na kuryānmalamāse tu mahādānaṃ vratāni ca ||” iti mādhavīye saṃgrahavacanācca | asyāṃ bhadrakālīpūjanamuktaṃ kalpatarau brāhme— “caitre navamyāṃ śuklāyāṃ bhadrakālī mahābalā yoginīnāṃ tu sarvāsāmadhipatye'bhiṣecitā tasmāttāṃ pūjayettatra sopavāso jitendriyaḥ vicitrairbalibhirbhaktyā sarvāsu navamīṣu ca ||” iti vaiśākhakṛṣṇaśuklanavamyoścaṇḍikāṃ pūjayet | taduktaṃ nirṇayāmṛte bhaviṣyottare— “vaiśākhe māsi rājendra ! navamyāṃ pakṣayordvayoḥ upavāsaparo bhaktyā pūjamānastu caṇḍikām vimānavaramārūḍho devaloke mahīyate |” iti jyeṣṭhaśuklanavamyāmumāpūjanamuktaṃ bhaviṣye— “jyeṣṭhe māsi nṛpaśreṣṭha ! kṛtvā naktasya vai vidhim upavāsaparo bhaktyā navamyāṃ pūjayedumām kumārīrbhojayeccāpi svaśaktyā brāhmaṇāṃstathā śālyannaṃ payasopetaṃ svayaṃ bhuñjīta vāgyataḥ ||” iti āṣāḍhakṛṣṇaśuklanavamyoraindrīṃ pūjayedityuktaṃ tatraiva— “upavāsaparo bhaktyā navamyāṃ pakṣayordvayoḥ āṣāḍhe māsi rājendra ! yaḥ kuryānnaktabhojanam - [Previous: 2.p1.41](https://indike.org/pramana/in.niti.dharma.kala.tithi.tithyarka.2.p1.41) - [Next: 2.p1.43](https://indike.org/pramana/in.niti.dharma.kala.tithi.tithyarka.2.p1.43) - [Up: 2.p1](https://indike.org/pramana/in.niti.dharma.kala.tithi.tithyarka.2.p1) ## Linked texts (4) - [Saubhāgyataraṅgiṇī](https://indike.org/pramana/in.sampradaya.saiva.agama.srividya.saubhagyatarangini.3.320) — Sanskrit - [Pratāpārka](https://indike.org/pramana/in.niti.dharma.nibandha.mahanibandha.prataparka.9.p1) — Viśveśvarabhaṭṭa 1766, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.5.p47) — Ratnākara 1688, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.1.p46) — Anantadeva 1645, Sanskrit --- Source: [https://indike.org/pramana/in.niti.dharma.kala.tithi.tithyarka.2.p1.42](https://indike.org/pramana/in.niti.dharma.kala.tithi.tithyarka.2.p1.42) · Pramāṇa