[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Determination of lunar days](https://indike.org/pramana/in.niti.dharma.kala.tithi) › [Tithyarka](https://indike.org/pramana/in.niti.dharma.kala.tithi.tithyarka) › 2.p1.43 # Tithyarka 2.p1.43 Tithyarka 2.p1.43 - **Language:** Sanskrit ### [2.p1.43](https://indike.org/pramana/in.niti.dharma.kala.tithi.tithyarka.2.p1.43) pūjayecchraddhayā durgāmaindrīnāmnāṃ tu nāmataḥ airāvatagatāṃ śubhrāṃ svena rūpeṇa rūpiṇīm sa airāvatamāruhya indrasyānucaro bhavet | iti śrāvaṇakṛṣṇaśuklanavamyoḥ kaumārīpūjā kāryā | taduktaṃ nirṇayāmṛte bhaviṣyottare— śrāvaṇe māsi rājendra ! yaḥ kuryānnaktabhojanam kṣīraṣaṣṭikabhaktena sarvabhūtahite rataḥ kaumārīmiti vai nāmnā caṇḍikāṃ pūjayetsadā kṛtvā raupyamayīṃ bhaktyā ghorāṃ vai pāpanāśinīm karavīrasya puṣpaistu gandhaiścāgurucandanaiḥ dhūpena ca daśāṅgena modakaiścāpi pūjayet kumārīrbhojayecchaktyā striyo viprān svaśaktitaḥ bhuñjīta vāgyataḥ paścādvilvapatrakṛtāśanaḥ evaṃ sampūjayedāryān śraddhayā parayānvitaḥ sa yāti paramaṃ sthānaṃ yatra devo guhaḥ sthitaḥ ||” iti bhādrapadaśuklanavamī nandā | tasyāṃ durgāpūjanamuktaṃ bhaviṣyottare— “māsi bhādrapade yā syānnavamī bahuletarā sā tu nandā mahāpuṇyā kīrttitā pāpanāśinī tasyāṃ yaḥ pūjayed durgāṃ vidhivatkurunandana ! so'śvamedhaphalaṃ prāpya viṣṇuloke mahīyate ||” iti athāśvinakṛṣṇanavamyāmanvaṣṭakāśrāddham | taccāṣṭakādyuktvā''hāśvalāyanaḥ— “aparedyuranvaṣṭakyam |” iti athāśvinaśuklanavamī mahānavamī | sā pūrvaviddhā | taduktaṃ bṛhadyamena— “śrāvaṇī durganavamī dūrvā caiva hutāśanī pūrvaviddhā prakarttavyā śivarātrirbalerdinam ||” iti balidānādi navamyāmeva kāryam , "navamyāṃ ca japaṃ homaṃ samāpya vidhivad balim ||" iti rājamārtaṇḍe uktatvāt | na ca samāpyaitadvalād aṣṭamyāmārkarambho navamyāṃ samāptiriti vācyam , "balidāne kṛte'ṣṭamyāṃ putrabhaṅgo bhavennṛpa !|" - [Previous: 2.p1.42](https://indike.org/pramana/in.niti.dharma.kala.tithi.tithyarka.2.p1.42) - [Next: 2.p2](https://indike.org/pramana/in.niti.dharma.kala.tithi.tithyarka.2.p2) - [Up: 2.p1](https://indike.org/pramana/in.niti.dharma.kala.tithi.tithyarka.2.p1) ## Linked texts (3) - [Saubhāgyataraṅgiṇī](https://indike.org/pramana/in.sampradaya.saiva.agama.srividya.saubhagyatarangini.3.353) — Sanskrit - [Pratāpārka](https://indike.org/pramana/in.niti.dharma.nibandha.mahanibandha.prataparka.9.p2) — Viśveśvarabhaṭṭa 1766, Sanskrit - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.5.p52) — Ratnākara 1688, Sanskrit --- Source: [https://indike.org/pramana/in.niti.dharma.kala.tithi.tithyarka.2.p1.43](https://indike.org/pramana/in.niti.dharma.kala.tithi.tithyarka.2.p1.43) · Pramāṇa