[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Determination of lunar days](https://indike.org/pramana/in.niti.dharma.kala.tithi) › [Tithyarka](https://indike.org/pramana/in.niti.dharma.kala.tithi.tithyarka) › 6.1.2 # Tithyarka 6.1.2 Tithyarka 6.1.2 - **Language:** Sanskrit ### [6.1.2](https://indike.org/pramana/in.niti.dharma.kala.tithi.tithyarka.6.1.2) "ekarāśisyite sūrye yadā darśadvayaṃ bhavet havyakavyakriyā hantā tadā jñeyo'dhimāsakaḥ ||” iti sthūlamānena tasya kālo brahmasiddhānte— “dvātriṃśadbhirgatairmāsairdinaiḥ ṣoḍaśabhistathā ghaṭikānāṃ catuṣkeṇa patatyeko'dhimāsakaḥ ||” iti kṣayamāsasvarūpaṃ siddhāntaśiromaṇau— asaṃkrāntimāso'dhimāsaḥ sphuṭaḥ syād dvisaṃkrāntamāsaḥ kṣayākhyaḥ kadācit kṣayaḥ kārttikāditraye nānyataḥ syāt tadā varṣamadhye'dhimāsadvayaṃ ca ekaḥ kṣayāt prāk, aparastūrdhvamityevamadhimāsadvayaṃ bhavatīti bhāvaḥ | asminnevārthe jābāliḥ— “ekasminneva varṣe tu dvau māsāvadhimāsakau prākṛtastatra pūrvaḥ syāduttarastu malimlucaḥ ||” iti prākṛtaḥ śuddhaḥ karmārha ityarthaḥ | tayornāmanī jyotirgranthe— “yasmin māse na saṃkrāntiḥ saṃkrāntidvayameva vā saṃsarpāṃhaspatī māsāvadhimāsaśca ninditāḥ ||” iti kṣayamāsāt prācīnayo'saṃkrāntaḥ saṃsarpaḥ, uttaro'haspatirityarthaḥ karmasu samyak sarpatīti saṃsarpaḥ | ata eva karmārhaḥ dvitīyastu aṃhasāṃ pāpānāṃ patiḥ, ato niṣiddha iti bhāvaḥ kṣayasyāgamanakālastatraiva— “gate'bdhyadrinandairmite śākakāle tithīśairbhaviṣyatyathāṅgākṣamūryaiḥ gajādyagnibhūmistathā prāyaśo'yaṃ kuvedenduvarṣaiḥ kvacidrokubhiśca ||” iti “nityanaimittike kuryācchāddhaṃ kuryānmalimluce tithinakṣatravāroktaṃ kāmyaṃ naiva kadācana ||” iti “roge cālabhyayoge ca sīmante puṃsave'pi ca yad dānādi samuddiṣṭaṃ pūrvatrāpi na duṣyati ||” “asūryā nāma ye māsā na teṣu manusaṃmataḥ vratānāṃ caiva yajñānāmārambhaśca samāpanam ||” iti tenaivoktatvāt | ‘asūryāḥ’ saṃkrāntirahitāḥ | ‘nāma’ prasiddhau - [Previous: 6.1.1](https://indike.org/pramana/in.niti.dharma.kala.tithi.tithyarka.6.1.1) - [Next: 6.1.3](https://indike.org/pramana/in.niti.dharma.kala.tithi.tithyarka.6.1.3) - [Up: 6.1](https://indike.org/pramana/in.niti.dharma.kala.tithi.tithyarka.6.1) ## Linked texts (3) - [Bhṛgusmṛti (fragments)](https://indike.org/pramana/in.niti.dharma.uddhrta.bhrgusmrti*fragments.1.1) — Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.7.p31) — Gadādhara Rājaguru 1725, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.24.p8) — Nīlakaṇṭha Dīkṣita, Sanskrit --- Source: [https://indike.org/pramana/in.niti.dharma.kala.tithi.tithyarka.6.1.2](https://indike.org/pramana/in.niti.dharma.kala.tithi.tithyarka.6.1.2) · Pramāṇa