Pramāṇa · Search · About · API

Kalasarvasva 9.0

Kālasarvasva 9.0

Language
Sanskrit

9.0.1

ityādīni kevalanakṣatravākyāni tatsaptamyādyupalakṣakāṇi | tadṛkṣāṇāṃ
prāyaśastatra patanāt | na tu kevalarkṣe pūjā | deśāntare tu janmarkṣa iva ṛkṣāṇāṃ
tithisamatāmāśritya kevalarkṣe'pi pūjācāraḥ | yattu
ṛkṣatraye'pi mūlādau saptamyāmāśvine site
caṇḍikāmupahāraiśca pūjayedrāṣṭrasiddhaye || (rudrayāmala0)
iti tatra kevalasaptamyāṃ pūjā nityā | ṛkṣayuktā nityakāmyā, rāṣṭraphalāt
kevalāṣṭamī jayantīvat0 | yattu divyasiṃhenoktam528—'pañcamī saptamī
caiva' iti paiṭhīnasivacanāt pañcasu ṣoḍaśetarapakṣeṣu pūrvaviddhāgrahaḥ | na ca
'mūlarkṣavaśātpūrvā' hitvā parā syāditi vācyam nakṣatrāṇāṃ guṇaphalatvena pradhānatithāveva tannirvāhāt | anyathā ārdrāvaśāt ṣoḍaśapakṣe paraviddhāṣṭamīgrahāpattiḥ | na ca pañcamī saptamī caivetyanena navapañcatyekadineṣu pūrvavidvāgrahe'pi
aṣṭamīdvidinapakṣe kathaṃ tadgraha iti vācyam | ṣoḍaśātideśena dvidinapakṣe'pi
tathaucityāt
aṣṭamī navamīviddhā tatra durgāṃ na pūjayet
iti sāmānyataḥ pūrvāṣṭamīgrahācca
ṛkṣatraye'pi mūlādau saptamyāmaśvine site
ityādinā rāṣṭrasiddhikāmena tithiṃ vinā mūlāditraye'pi pūjanīyā | tadapi
kāmye kṛte nityamanuṣṭhitaṃ syāditi nityapūjā siddhiriti | tadasat | 'yugādyā
varṣavṛddhiśca' 'bhagavatyāḥ praveśādi' 'prātarāvāhayeddevīmi'tyādyuktavacanaiḥ
'pañcamī saptamī caive'ti vākyaṃ bādhitvā uttaraviddhāyāṃ tat samācaret
mūlādisattve tu
tithinakṣatrayoyoge dvayorevānupālanam
ityuktadiśā sutarāmuttaraviddhāgrahācca | api ca ṣaṣṭhīyuktasāyāhvevyāptisaptamyāṃ tatpūjāyāṃ caturdināpattau hrāsavṛddhivaśāditi heturasaṅgataḥ syāt

9.0.2

kiñca tridinapūjāvidhitrākye 'dvābhyāṃ caturahobhive'ti dvābhyāmityasaṅgatiḥ
aṣṭamīkṣaye dvidinasambhave'pi tanmate kṣayapūrvadinagrahaṇe tadasambhavāt | dvidinasambhavārthaṃ tadā paragraha iti cet sarvatra tathāstu mā bhūt uktavākyavirodhaḥ
kiñcāṣṭamyādidvidinapakṣasya pañcamī saptamī caivetyanena gatārthatvābhāvāduparitaneṣu caturṣu pakṣeṣu evameva vyavastheti svagranthāsaṅgatiḥ | pratyuta
śuklāṣṭamītvāt paragrahaucityam | pūrvāṣāḍhānurodhāt paragraha ityāśaya iti
cenna, sāmānyatastithimātrokteḥ | tanmate nakṣatrāṇāṃ guṇatvena pradhānatithāveva
tadgrahaṇāt | na ca 'tithinakṣatrayoyoga' ityādīnāṃ gauḍagranthoktatvādanādara
iti vācyam , tadvākyasyārṣatvenopekṣānarhatvāt | yadyapi
ṛkṣatraye'pi mūlādau saptamyāmaśvine site
ityādinā rāṣṭrasiddhikāmena tithiṃ vinā mūlādiṛkṣatraye pūjā kāryā, tadā
kāmye kṛte nityamanuṣṭhitaṃ syāditi , tadapyasat | saptamīpūjāyāṃ mūlaṛkṣasya
dākṣāyaṇādivad guṇavidhitveno^papattau ṛkṣatraye pṛthak pūjāvidhikalpane
gauravāt | rājñāṃ rāṣṭrakāmanāyāḥ prādhānyena mūlavaśāt ṣaṣṭhyāṃ pūjāyāṃ
samācāravirodhācca | tasmādyuktyācāravirodhādatihīnamidaṃ matamityuktakīyairnābhiniveṣṭavyam | dvidinamarccanaṃ tu pūrvāṣāḍhāyoga iti prāguktam
aṣṭamyāñca navamyāñca jaganmātaramambikām
pūjayitvāśvine māsi viśoko jāyate naraḥ ||^
ityādivacanādanukṣatithāvapi pūjā | tithinakṣatrayoryoga ityādi prāgvat
niśāyāmaṣṭamī yatra tatra durgotsavo bhavet
aṣṭamyāṃ yatra navamī tatra pūjāṃ vivarjayet || (bhagavatīpu0)

9.0.3

iti tu ṣoḍaśapūjādyaṣṭamīparam | kecittu^ dvidinapūjāmapyuktavākyāt
pūrvaviddhāyāmāhuḥ | ekāhapakṣe—
māsi cāśvayuje vīra śuklapakṣe triśūlinīm
navamyāṃ pūjayedyastu tasya puṇyaphalaṃ śṛṇu
aśvamedhasahasrasya vājapeyaśatasya ca
tatphalaṃ labhate vīra devīdevagaṇairvṛtaḥ
āśvine māsi cāṣṭamyāṃ navamyāṃ niśi caṇḍikām
pūjayecchatrunāśaḥ syādrāṣṭraṃ tarati līlayā
durgāṃ sampūjya durgāṇi navamyāṃ taratīcchayā
saṅgrāme vyavahāre ca sadā vijayamaśnute
prāvṛṭkāle viśeṣeṇa āśvine hyaṣṭamīṣu ca
mahāśabdo navamyāñca loke khyātiṃ gamiṣyati
yaḥ karotyupavāsantu navamyāṃ vidhivannṛpa
sa phalaṃ prāpnuyāt sarvaṃ rājasūyāśvamedhayoḥ
aśvayukśuklapakṣasya navamyāñca varānane
upavāsaparo bhūtvā yastatrāṃ paśyati bhaktitaḥ
tasya pāpakṣayaṃ yāti tamaḥ sūryodaye yathā
māsi cāśvayuje śukle navamī yā narādhipa
tasyāṃ yatkriyate vīrairnaraiḥ snānādikaṃ prabho
tatsarvamakṣayaṃ teṣāṃ sarvasiddhikaraṃ tathā
mahānavamyāṃ pūjeyaṃ sarvasiddhipradāyikā
sarveṣu sarvavarṇeṣu tava śaktyā prakīrttitā
kṛtvāpnoti yaśo rājyaṃ putrāyurdhanasampadaḥ
atra niśi caṇḍikāmityuktyā pradoṣaḥ pūjākālaḥ | dinadvaye tad vyāptāvavyāpto
ca
śrāvaṇī durganavamī tathā dūrvāṣṭamī ca yā
pūrvaviddhaiva karttavyā.... || iti pādmāt
aṣṭamī navamīviddhā navamī cāṣṭamīyutā
arddhanārīśvaraprāyā.... ||⁵³²
iti vacanāt pratipannavamītyāditaśca pūrvā grāhyā
kālikāpurāṇe mahāṣṭamīprakaraṇe⁵³³—
saptamyāṃ patrikāpūjā aṣṭamyāñcāpyupeṣaṇam
tithitattve (smṛ0 ta0-I-pṛ-90) bhaviṣye mahāṣṭamīprakaraṇe ca
śuklapakṣe tathāṣṭamyāmamupavāsaparāyaṇaḥ

9.0.4

mālatīkaravīreṇa bilvapatraiśca pūjayet
iti mahāṣṭamyāṃ pūjoktā

Linked texts (2)