[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Times of rites](https://indike.org/pramana/in.niti.dharma.kala) › [Annual and monthly observances](https://indike.org/pramana/in.niti.dharma.kala.varsakrtya) › [Samvatsaradidhiti](https://indike.org/pramana/in.niti.dharma.kala.varsakrtya.samvatsaradidhiti) › 6.p1.17 # Samvatsaradidhiti 6.p1.17 Saṃvatsaradīdhiti 6.p1.17 - **Language:** Sanskrit ### [6.p1.17](https://indike.org/pramana/in.niti.dharma.kala.varsakrtya.samvatsaradidhiti.6.p1.17) pūjayetsadā | mahāpāpapraṇāśāya śāṃbhavīṃ paripūjayet | durgāṃ durgārtināśāya pūjayetprayato naraḥ | subhadrāṃ pūjayeddhīmāndāsīdāsasamṛddhaye | iti | tathā-ekāṃ kanyāṃ bhojayitvā aiśvaryaṃ labhate naraḥ | kanyādvayaṃ bhuktimuktī trivargaphaladaṃ trayam | catuṣṭayaṃ rājyadaṃ ca sarvakāmaphalapradam | vidyāpradaṃ pañcakaṃ ca ṣaṭkaṃ ṣaṭkarmasiddhidam | saptabhirlabhate rājyamaṣṭabhirguṇasaṃpadaḥ | navabhiḥ pṛthavīśaḥ syātkumārīṇāṃ ca pūjanāt | alābhe tu-vivāhānantaraṃ kanyāḥ kanyātvamupajāyate | tāvatsaṃpūjyate kanyā yāvatpuṣpaṃ na dṛśyate | iti | dhaumyastu-ekavarṣā bhavetsaṃdhyā dvivarṣā ca sarasvatī | trivarṣā tu trimūrtiḥ syāccaturvarṣā tu kālikā | subhagā pañcavarṣā syātṣaḍvarṣā tu umā bhavet | saptabhirmālinī sā syādaṣṭavarṣā tu kubjikā | navabhiḥ kālasaṃvarṣā daśabhiścāparājitā | ekādaśe'bde tvindrāṇī dvādaśe'bde tu bhairavī | trayodaśe mahālakṣmīrdvisaptā ceha nāyikā | kṣetrajā pañcadaśabhiḥ ṣoḍaśe carcikā matā | evaṃ krameṇa pūjyā sā yāvatpuṣpaṃ na dṛśyate iti | kāmanāviśeṣeṇa skānde-brāhmaṇīṃ sarvakāryeṣu jayārthe nṛpavaṃśajām | lābhārthe vaiśyavaṃśotthāṃ sutārthe śūdravaṃśajām dāruṇe tvantyajātīyāṃ pūjayedvidhivannaraḥ | bhojayecchvetavastraiśca gandhapuṣpākṣatādibhiḥ | iti aRoadjyakanyāsvarūpamuktaṃ tatraiva—hīnādhikāṅgīṃ kuṣṭhāḍhyāṃ vināśīkulasaṃbhavām | granthisphuṭitaśīrṇāṅgīṃ raktapūyavraṇāṅkinīm | jātyandhāṃ kekarāṃ kāṇīṃ surūpāṃ tanuromaśām saṃyajedrogiṇīṃ kanyāṃ dāsīgarbhasamudbhavām | iti | tanuścāsau - [Previous: 6.p1.16](https://indike.org/pramana/in.niti.dharma.kala.varsakrtya.samvatsaradidhiti.6.p1.16) - [Next: 6.p1.18](https://indike.org/pramana/in.niti.dharma.kala.varsakrtya.samvatsaradidhiti.6.p1.18) - [Up: 6.p1](https://indike.org/pramana/in.niti.dharma.kala.varsakrtya.samvatsaradidhiti.6.p1) ## Linked texts (3) - [Navarātrapradīpa](https://indike.org/pramana/in.niti.dharma.vrata.durgotsava.navaratrapradipa.115_273) — Nandapaṇḍita 1543, Sanskrit - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.9.p1.17) — Anantadeva 1638, Sanskrit - [Abdadīdhiti](https://indike.org/pramana/in.niti.dharma.nibandha.krtya.abdadidhiti.3.p43) — Anantadeva 1645, Sanskrit --- Source: [https://indike.org/pramana/in.niti.dharma.kala.varsakrtya.samvatsaradidhiti.6.p1.17](https://indike.org/pramana/in.niti.dharma.kala.varsakrtya.samvatsaradidhiti.6.p1.17) · Pramāṇa