[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Mānava Dharmaśāstra](https://indike.org/pramana/in.niti.dharma.manu) › [Manvarthamuktavali](https://indike.org/pramana/in.niti.dharma.manu!kulluka) › 4.2 # Manava Dharmashastra 4.2 Manvarthamuktāvalī 4.2 - **Language:** Sanskrit ### [4.2](https://indike.org/pramana/in.niti.dharma.manu!kulluka.4.2) vedaśabdo'yaṃ bhinnavedaśākhāparaḥ| svaśākhādhyayanapūrvakavedaśākhātrayaṃ dvayamekāṃ vā śākhāṃ mantrabrāhmaṇakrameṇādhītya gṛhasthāśramaṃ gṛhasthavihitakarmakalāparūpamanutiṣṭhet| kṛtadāraparigraho gṛhasthaḥ| gṛhaśabdasya dāravacanatvāt| aviplutabrahmacarya iti pūrvavihitastrīsaṃyogamadhumāṃsabhakṣaṇavarjanarūpabrahmacaryānuvādo'yaṃ prakṛṣṭādhyayanāṅgattvakhyāpanārthaḥ| puruṣaśaktyapekṣaścāyamekadvitriśākhādhyayanavikalpaḥ| yadyapi vratāni vedādhyayanaṃ ca nityavadupadiśatā manunobhayasnātaka eva śreṣṭhatvādabhihitastathāpi smṛtyantarādanyasnātako'pi bauddhavyaḥ| tadāha hārītaḥ—‘‘trayaḥ snātakā bhavanti vidyāsnātako vratasnātako vidyāvratasnātakaśca’’ iti| yaḥ samāpya vedamasamāpya vratāni samāvartate sa vidyāsnātakaḥ| yaḥ samāpya vratānyasamāpya vedaṃ samāvartate sa vratasnātakaḥ| ubhayaṃ samāpya samāvartate ya sa vidyāvratasnātakaḥ| yājñavalkyo'pyāha— ‘‘vedaṃ vratāni vā pāraṃ nītvā hyubhayameva vā’’ (a0 1 ślo0 51) iti| - [Previous: 4.1](https://indike.org/pramana/in.niti.dharma.manu!kulluka.4.1) - [Next: 4.3](https://indike.org/pramana/in.niti.dharma.manu!kulluka.4.3) - [Up: 4](https://indike.org/pramana/in.niti.dharma.manu!kulluka.4) ## Linked texts (1) - [Hārītadharmasūtra (fragments)](https://indike.org/pramana/in.vedanga.kalpa.dharma.harita*fragments.4.8) — Sanskrit --- Source: [https://indike.org/pramana/in.niti.dharma.manu!kulluka.4.2](https://indike.org/pramana/in.niti.dharma.manu!kulluka.4.2) · Pramāṇa