[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Mānava Dharmaśāstra](https://indike.org/pramana/in.niti.dharma.manu) › [Manubhashya](https://indike.org/pramana/in.niti.dharma.manu!medhatithi) › 3.149 # Manava Dharmashastra 3.149 Manubhāṣya 3.149 - **Language:** Sanskrit ### [3.149](https://indike.org/pramana/in.niti.dharma.manu!medhatithi.3.149) pitrā yo 'vivadate' paruṣaṃ bhāṣate, rājakule vyavaharatīti pūrvapakṣottarapakṣabhaṃgyā bhāgādinimittam | tathā ca gautamaḥ (15|18) “pitrā'kāmena vibhaktāneti” | “pratiroddhā gurorityanenaitatkathaṃ punaruktamucyate” | anyaḥ 'pratirodhaḥ' anyaśca 'vivādaḥ' | yatkiṃcit gurorabhipretaṃ vastu 'kathamidaṃ sidhyediti' tatra sambādhakatvam pratirodhaḥ | nyāyye'pi vastuni tadicchāpratighātaḥ pratiroddhṛtvam | pratirāddheti tatra pāṭhāntaram | ābhimukhyena hiṃsitā, hastādinā guroḥ pratiroddhā capeṭādidānena | asminpakṣe sthitamanyatvaṃ vivādasya | kitavo dyūtasya kārayitā sabhikaḥ | yastu svayaṃ devitā sa prāgeva niṣiddhaḥ | kekaramanye paṭhanti, 'kekaro madyapa' iti | sa ca valitaprekṣo adhyardhadṛṣṭiḥ | kātaramanye | sa ca śukrapakṣatārakaḥ | madyapaḥ | surāyā anyasyāriṣṭādermadyasya pātā surāpaḥ, patitatvenaiva nirastaḥ | pāparogī kuṣṭhī | sa hi loke'tyantanindyaḥ, pāparogītyabhidhātuṃ yuktaḥ | asmādeva ca pratiṣedhāt yakṣmīyatra na sarvo vyādhirgṛhīto gṛhyate, kastarhi, kṣayī | yadi hi sarvo gṛhyeta tenaiva, siddhatvātpāparogīti nākariṣyata | abhiśastaḥ pātakopapāta kayoḥ karteti loke prasiddhaḥ, asatyapi tatkartṛtvaniścaye | dāmbhikaḥ chadmanā dharmaṃ carati lokapaktyarthaṃ, na kartavyamiti kṛtvā karoti | rasavikrayī viṣasya vikretā | tasya hi tadabhidhānam | 'upāṃśubhedī rasadhaḥ' 'rasadaḥ satrī'tyādi viṣado rasadda ucyate | > The house-burner, the poisoner, one who eats the food of an adulteress’ son, the seller of Soma, the sea-voyager, the bard, the dealer in oils, and the perjuror.—(158) > — Ganganatha Jha 1920, Manu-Smṛti: The Laws of Manu with the Bhāṣya of Medhātithi - [Previous: 3.148](https://indike.org/pramana/in.niti.dharma.manu!medhatithi.3.148) - [Next: 3.150](https://indike.org/pramana/in.niti.dharma.manu!medhatithi.3.150) - [Up: 3](https://indike.org/pramana/in.niti.dharma.manu!medhatithi.3) ## Translations (1) - [Manu-Smṛti: The Laws of Manu with the Bhāṣya of Medhātithi](https://indike.org/pramana/in.niti.dharma.manu!medhatithi~en-jha.3.158.p1) — Ganganatha Jha 1920, English ## Linked texts (1) - [Mānava Dharmaśāstra](https://indike.org/pramana/in.niti.dharma.manu.3.149) — Manu & Bhṛgu, Sanskrit --- Source: [https://indike.org/pramana/in.niti.dharma.manu!medhatithi.3.149](https://indike.org/pramana/in.niti.dharma.manu!medhatithi.3.149) · Pramāṇa