[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Mānava Dharmaśāstra](https://indike.org/pramana/in.niti.dharma.manu) › [Manubhashya](https://indike.org/pramana/in.niti.dharma.manu!medhatithi) › 3.30 # Manava Dharmashastra 3.30 Manubhāṣya 3.30 - **Language:** Sanskrit ### [3.30](https://indike.org/pramana/in.niti.dharma.manu!medhatithi.3.30) ‘saha dharmo yuvābhyāṃ kartavya’ iti vacanena paribhāṣāṃ kṛtvā niyamya yaddānaṃ sa prājāpatyaḥ | dharmagrahaṇamupalakṣaṇārtham | dharme cārthe ca kāme ca tulyayogakṣemateti mitho'sya paribhāṣāvacanasyārthaḥ | dharmaśabda evoccāryate—‘saha dharmaścaryatāmiti’, na tu ‘dharmārthakāmāḥ saheti’ | sa tu dharmaśabdaḥ smṛtyantaravaśādarthakāmayorupalakṣaṇārtho vyākhyātaḥ | ‘yadyenāṃ nāticarasi dharmārthakāmeṣu tadā tubhyamiyaṃ dīyate’ iti kṛtasaṃ vitkāyāmabhyupagatatadarthāya vivāhakāle yaddānaṃ tatraivaṃ samuccārayitavyaṃ ‘saha dharmaṃ caratāmiti’ | arthakāmayorabhiprete'pi sahatve tadaprakṛtatvādanuccāraṇam | tathā ca gautamaḥ ( a0 4 sū0 7 ) “prājāpatye saha dharmaṃ caratāmiti” mantraḥ | mantragrahaṇena caitaddarśayatyadhikṛtarūpameva prayoktavyaṃ, mantravat | na hi mahāsattvānāmarthakāmaviṣaye sahitatvaṃ paribhāṣituṃ yuktam—gamyate tu smṛtyantarebhyaḥ | anayaiva saṃvidā doṣeṇāsya nyūnatā | asti hyatra dāturvarādupakāralipsā | svaśabdenaitadvacanaṃ vācyate, na punarayaṃ dātureva vacananiyamaḥ| anubhāṣyetyanenaiva siddhatvādvācyetyanarthakaṃ syāt | anubhāṣaṇe vāgindriyasya sādhanatvāt | tathā ca gṛhyakāraḥ | "etadbhoḥ satyamityuktvā varaṃ vācayedetannaḥ satyamiti"| anuśabdaśca prāptārthasyaiva vācā niścayamāha | > ‘As well as to the bride;’—i.e., by way of ‘dowry.’ > — Ganganatha Jha 1920, Manu-Smṛti: The Laws of Manu with the Bhāṣya of Medhātithi - [Previous: 3.29](https://indike.org/pramana/in.niti.dharma.manu!medhatithi.3.29) - [Next: 3.31](https://indike.org/pramana/in.niti.dharma.manu!medhatithi.3.31) - [Up: 3](https://indike.org/pramana/in.niti.dharma.manu!medhatithi.3) ## Translations (1) - [Manu-Smṛti: The Laws of Manu with the Bhāṣya of Medhātithi](https://indike.org/pramana/in.niti.dharma.manu!medhatithi~en-jha.3.31.p3) — Ganganatha Jha 1920, English ## Linked texts (1) - [Mānava Dharmaśāstra](https://indike.org/pramana/in.niti.dharma.manu.3.30) — Manu & Bhṛgu, Sanskrit --- Source: [https://indike.org/pramana/in.niti.dharma.manu!medhatithi.3.30](https://indike.org/pramana/in.niti.dharma.manu!medhatithi.3.30) · Pramāṇa