[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Mānava Dharmaśāstra](https://indike.org/pramana/in.niti.dharma.manu) › [Manubhashya](https://indike.org/pramana/in.niti.dharma.manu!medhatithi) › 3.5.1 # Manava Dharmashastra 3.5.1 Manubhāṣya 3.5.1 - **Language:** Sanskrit ### [3.5.1](https://indike.org/pramana/in.niti.dharma.manu!medhatithi.3.5.1) māturyā'sapiṇḍā pituśca yā'sagotrā sā dārakarmaṇi praśastā | 'sapiṇḍa'grahaṇaṃ mātṛbandhūpalakṣaṇārtham | māturhi sāpiṇḍyaṃ strīṇāṃ smṛtyantare tṛtīyapuruṣāvadhi | na tu tribhya ūrdhvaṃ mātṛbandhubhyo vivāha iṣyate kiṃ tarhi pañcamādūrdhvam | evaṃ hi gautamaḥ paṭhati (a0 4 sū0 3 | 5) | "ūrdhvaṃ saptamātpitṛbandhubhyo mātṛbandhubhyaḥ pañcamāditi" | tena yathāśrutisamanvayābhāvāt sapiṇḍaśabdaḥ smṛtyantaravaśena mātṛsambandhitayā vyākaraṇīyaḥ | tenaivamuktaṃ syāt 'māturanvayajā jāyā na bhavati' | avadhiśca gautamīya eva | tena mātāmahapramātāmahayorānvaye jātā sā putrasantaterbāndhavasāmīpyātpañcamīṃ yāvanna vivāhayitavyā | ato mātṛṣvasṛtadduhitṝṇāṃ pramātāmahasaṃtatijānāṃ ca sarvāsāṃ pratiṣedho, bandhutvāviśeṣāt | asagotrā ca yā pituḥ | gotraṃ vasiṣṭhabhṛgugargādivaṃśaḥ smaryate | samānagotrā vasiṣṭhā na vasiṣṭhairvivahante na gargā gargaiḥ | vāsiṣṭhe tu mātṛsagotrāyā api pratiṣedhaḥ | “pariṇīya sagotrāṃ tu samānapravarāṃ tathā | kṛtvā tasyāḥ samutsargaṃ dvijaścāndrāyaṇaṃ caret” | “mātulasya sutāṃ caiva mātṛgotrāṃ tathaiva ca” | “gautamena tu paṭhyate ( a0 4 sū0 2 ) “asamānapravarairvivāha” iti | tatra gotrasamatve satyapi pravarabhedaścedyujyate vivāhaḥ” | tadayuktam | yataḥ smṛtyantare hyubhayaṃ niṣidhyate “asamānārṣagotrajāmiti ( yājña0 ā0 53 )” | ārṣa pravara ityeko'rthaḥ | “kathaṃ punargotrabhede samānārṣeyatvam” | kimiti na bhavati yadi smaryate | śrutismṛtipramāṇako'yamartho na pratyakṣagocaro, yena virodhaḥ syāt | “ke punaramī pravarā nāma” | atyalpamidamucyate | > ‘Recommended’—enjoined with commendation. > — Ganganatha Jha 1920, Manu-Smṛti: The Laws of Manu with the Bhāṣya of Medhātithi - [Previous: 3.4](https://indike.org/pramana/in.niti.dharma.manu!medhatithi.3.4) - [Next: 3.5.2](https://indike.org/pramana/in.niti.dharma.manu!medhatithi.3.5.2) - [Up: 3.5](https://indike.org/pramana/in.niti.dharma.manu!medhatithi.3.5) ## Translations (1) - [Manu-Smṛti: The Laws of Manu with the Bhāṣya of Medhātithi](https://indike.org/pramana/in.niti.dharma.manu!medhatithi~en-jha.3.5.p26) — Ganganatha Jha 1920, English ## Linked texts (1) - [Mānava Dharmaśāstra](https://indike.org/pramana/in.niti.dharma.manu.3.5) — Manu & Bhṛgu, Sanskrit --- Source: [https://indike.org/pramana/in.niti.dharma.manu!medhatithi.3.5.1](https://indike.org/pramana/in.niti.dharma.manu!medhatithi.3.5.1) · Pramāṇa