[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Mānava Dharmaśāstra](https://indike.org/pramana/in.niti.dharma.manu) › [Manvarthacandrika](https://indike.org/pramana/in.niti.dharma.manu!raghavananda) › 14 # Manava Dharmashastra 14 Manvarthacandrikā 14 - **Language:** Sanskrit ### [14.3](https://indike.org/pramana/in.niti.dharma.manu!raghavananda.14.3) ( 4 ) rāghavānandaḥ | tasmādvidvatsudeyamiti nigamayati vidyeti viprāṇāṃmukhānyevāhavanīyādyagnayaḥ | teṣu vipramukhāgniṣu paraṃparā vidyādiyukteṣu hutaṃtaduddiśya datta mannādi tārayatītyanvayaḥ | durgedāpadraṇāt mahataḥ | annāderbhūṇahā mārchati vakṣyamāṇatvāt | 98 || ### [14.99](https://indike.org/pramana/in.niti.dharma.manu!raghavananda.14.99) ( 4 ) rāghavānandaḥ | ātithyasya nityatvamanuvadaṃstadakaraṇe pratyavāyamāha saṃprāptāyeti | saṃprāptāya gṛhamāgatāya | ### [14.100](https://indike.org/pramana/in.niti.dharma.manu!raghavananda.14.100) ( 4 ) rāghavānandaḥ | tatraivārthavādamāha śilāmiti | kedāre avaśiṣṭadhānyaṃ śilā tānyuñchataḥ ādhānaṃ kurvataḥ | sabhyāvasathyāhavanīyagārhapatyadakṣiṇāgnisaṃjñān pañcāgnīn juhvatastasyasukṛtaṃyadupannaṃ tatsarvamādatte ātmasātkaroti anarcito vakṣyamāṇatṛṇādyairapi | ### [14.101](https://indike.org/pramana/in.niti.dharma.manu!raghavananda.14.101) ( 4 ) rāghavānandaḥ | annadānā śaktau pratinidhitayā prakārāntaramāha tṛṇānīti | sūnṛtetiviśeṣādannasaṃpattau mithyā vinayona kāryaḥ | nocchidyante prāyaśogṛhe navinābhāvītyarthaḥ | ### [14.102](https://indike.org/pramana/in.niti.dharma.manu!raghavananda.14.102) ( 4 ) rāghavānandaḥ | uktātitherlakṣaṇamāha ekarātramiti | ekarātramabhivyāpya vasanbrāhmaṇaevātithiḥ vāsāyana vidyate dvitīyā tithairyasyeti so'tithiḥ | sarvatra brāhmaṇapadagrahaṇāt kṣatriyādayo nātithayaḥ | ### [14.103](https://indike.org/pramana/in.niti.dharma.manu!raghavananda.14.103) ( 4 ) rāghavānandaḥ | tatraiva vyatirekamāha naiketi | vipramapyekagrāmavāsinaṃ | sāṃgatikaṃ vicitravidyetihāsasakathābhiḥ saṃgatyā pratyārthinaṃ | bhāryāgniyukte gṛheupasthitamatithiṃvidyāt | ataeva bhāryāgnivirahitasya nātithyakāryatāvaśyaketi gatisthānakalpovā tena bhāryāyāḥsattvamāvaśyakam | --- Source: [https://indike.org/pramana/in.niti.dharma.manu!raghavananda.14](https://indike.org/pramana/in.niti.dharma.manu!raghavananda.14) · Pramāṇa