[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Mānava Dharmaśāstra](https://indike.org/pramana/in.niti.dharma.manu) › [Manvarthacandrika](https://indike.org/pramana/in.niti.dharma.manu!raghavananda) › 15 # Manava Dharmashastra 15 Manvarthacandrikā 15 - **Language:** Sanskrit ### [15.1](https://indike.org/pramana/in.niti.dharma.manu!raghavananda.15.1) ( 4 ) rāghavānandaḥ | gṛhasthobhūtvā ātithyalobhenātithirna syādityāha upāsataiti | upāsanaṃ tātparyeṇa pravṛttiḥ | abuddhayaḥ paśutvaprāptimavidvāṃsaḥ | dātāraḥ ślāghyā ityāha paśutāmityādi | tenātithyalobhamātreṇa | 104 || ### [15.105](https://indike.org/pramana/in.niti.dharma.manu!raghavananda.15.105) ( 4 ) rāghavānandaḥ | atithimanuvadaṃstasyāparihāryakālamāha apraṇodyaiti | apraṇodyaḥ apratyākhyeyaḥ | yataḥ sūryoḍhaḥ | astaṃgacchatā sūryeṇa prāpitaḥ | atoviprakṛṣṭasvagṛhe gamanāśaktonānandanvasedityāha kāleti | akāle sāyaṃbhojananivṛttau | kālāivākālepi nānandanvasediti vā | ### [15.106](https://indike.org/pramana/in.niti.dharma.manu!raghavananda.15.106) ( 4 ) rāghavānandaḥ | ātithyasya phalavādamanuvadaṃstatkartunniyamaṃsārthavādamāha neti | tanmadhurādi | dhanyaṃ dhanāya hitaṃ | evamuttaratra dhanyādi catuṣṭayasya mahāphalatvenāvyājenātithyaṃkāryamiti bhāvaḥ | ### [15.107](https://indike.org/pramana/in.niti.dharma.manu!raghavananda.15.107) ( 4 ) rāghavānandaḥ | tatraiva prakārabhedamāha āsaneti | āvasathotra gṛhaṃ | ātithyasya brāhmaṇeṣveva niyamāt guṇādinotttamādi niyamaḥ | ### [15.108](https://indike.org/pramana/in.niti.dharma.manu!raghavananda.15.108) ( 4 ) rāghavānandaḥ | akālaityuktatatra kathaṃtannopavāsastatrāha vaiśvadevetviti | vaiśvadevapūrvakaṃdampatyorbhojane nivṛtteiti jñeyam | anyathā tadannenātithibhojane svārthaeva pākaḥsyādataeva sthāpākasaṃskārārthovaiśvadevonātmamātrasaṃskārārthaḥ | yathāśakti paktvā | ### [15.109](https://indike.org/pramana/in.niti.dharma.manu!raghavananda.15.109) ( 4 ) rāghavānandaḥ | ātithyabhokturniyamamāha neti | sve svakīye | tatkṛtau nindāmāha bhojanārthamiti | te kulagotre nivedayitvā vāntabhakṣaṇatulyapāpīsyāditi bhāvaḥ | ### [15.110](https://indike.org/pramana/in.niti.dharma.manu!raghavananda.15.110) ( 4 ) rāghavānandaḥ | atithirbrāhmaṇaityuktaṃ tadvyatirekaṃ prāsaṅgikamanuvadati nabrāhmaṇasyeti | gṛhaiti viśeṣaṇādaraṇye sarve atithayaḥ ananyaśaraṇatvāt | ### [15.111](https://indike.org/pramana/in.niti.dharma.manu!raghavananda.15.111) ( 4 ) rāghavānandaḥ | taddharmeṇa kṣatriyādyupasthitau kā gatisteṣu saṃbhavaprakāramāha yadiditi tribhiḥ | atithidharmeṇeti yuktārthe tṛtīyā | ekarātramityādiviśeṣaṇaviśiṣṭaḥ | kāmaṃ yatheṣṭam | ### [15.112](https://indike.org/pramana/in.niti.dharma.manu!raghavananda.15.112) ( 4 ) rāghavānandaḥ | kuṭumbe gṛhe | ānṛśaṃsyaṃ dīyatāmiti kārpaṇyaṃ prakaṭayan | ### [15.113](https://indike.org/pramana/in.niti.dharma.manu!raghavananda.15.113) ( 4 ) rāghavānandaḥ | kiṃca gṛhadārādiṣu bhuktavatsu prakṛtya saṃpādya annaṃ atrasahabhāryayeti bhāryābhojanapratipatikramaṃ | ### [15.114](https://indike.org/pramana/in.niti.dharma.manu!raghavananda.15.114) ( 4 ) rāghavānandaḥ | na vai svayaṃ tadaśrīyādityatrātithibhojanapūrvaprāptaṃ tatra pratiprasavamāha suvāsinīmiti | suvāsinīṃ navoḍhāṃsnuṣāṃ tādṛśīṃduhitaraṃvā | tadarthamatithau praśnopi nāstītyāha avicārayanniti | ### [15.115](https://indike.org/pramana/in.niti.dharma.manu!raghavananda.15.115) ( ) rāghavānandaḥ | uktavaiparītye niyrahaṃcāha adatveti | adatvā adāpayitvā bhuṅkte | avicakṣaṇaiticchedaḥ | jagdhaṃ bhojanaṃ | saityatithiviśeṣaṇaṃ tasyaiva prathamabhojanasya prāpteḥ | ### [15.116](https://indike.org/pramana/in.niti.dharma.manu!raghavananda.15.116) ( 4 ) rāghavānandaḥ | bhojanasya rāgataḥ prāptatvāt tatkālavidhimāśritya dampatyostadviśeṣamāha bhuktavatsviti | vipreṣu atithiparyanteṣu | sveṣu jñātiṣu | bhṛtyeṣu garbhadāsādiṣviti medhātithiḥ | nātrocchiṣṭāśaṅketyāha paścāditi | ### [15.117](https://indike.org/pramana/in.niti.dharma.manu!raghavananda.15.117) ( 4 ) rāghavānandaḥ | etadeva sārthavādaṃ pramāṇayati devāniti dvābhyāṃ | gṛhe bhavāgṛhyādevāḥ śrīvāstudevādayaḥ bhūtāni vā | etena vāstubhūtabaliruktaḥ | --- Source: [https://indike.org/pramana/in.niti.dharma.manu!raghavananda.15](https://indike.org/pramana/in.niti.dharma.manu!raghavananda.15) · Pramāṇa