[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Danasagara](https://indike.org/pramana/in.niti.dharma.nibandha.danasagara) › 38.1 # Danasagara 38.1 Dānasāgara 38.1 - **Language:** Sanskrit ### [38.1](https://indike.org/pramana/in.niti.dharma.nibandha.danasagara.38.1) prayogaḥ ata yajamānaḥ samupajāta mahābhūtaghaṭamahādānadānecchastulāpuruṣalikhita-khaḍgacarmamayaḍhālasannāha-tulāsthāpanīyaharipratimā-sālaṅkāratulā-hastaprāṇapratimā-bahiḥ sarvasambhāramadhikatvena prādeśādūrddha maṅgula-śatamadhyamabhimatapari yathecchanirmitaśakhyā-pūrṇakumbhāṣṭakānyupakalpayeyuḥ | tato maṅgalagītavādyavandighoṣeṣu ¹\[satasu kuṇḍasamīpasthakumbhacatuṣṭayajalena yajamānaṃ napayeyuḥ | tato yajamānaḥ śuknamālyāmbaro dhṛtasarvālaṅkāraḥ puṣpāñjalimādāya kumbhaṃ pradakṣiṇīkṛtya 'namo vaḥ sarvadevānā' mityādi 'śrīrakṣtyāstu ma' ityantamantrābhyāmāmantrya puṣpāñjalinābhyarcya gurvṛtvikapramukhabrāhmaṇebhya\] utsṛjya dadyāt | tad yathā- oṃ adya yathāsambhavagotra²-nāmagurvvṛtvikapramukhabrāhmaṇebhyo matsyapurāṇokta-mahābhūtaghaṭamahādānadānaphalaprāptikāmo'hametaṃ kṣīrājyapūritaṃ ³ haimakalpavṛkṣasamanvitaṃ sauvarṇabrahmaviṣṇumaheśvarapṛthvīvaruṇahutāśanavāyuvināyakavedapañcakapratimāṣṭādaśadhānyacāmarāsanadarpaṇapādukāyugopānadyugacchatradīpikābhūṣaṇaśayyāpūrṇakumbhāṣṭaka-⁴pañcavarṇavitānakayutaṃ mahābhūtaghaṭaṃ dadāni | tato gurvṛtvijaḥ svastītyuktvā sāvitrīṃ paṭhitvā mahābhūtaghaṭo'yaṃ viṣṇudaivata ityuktvā yathāśākhaṃ kāmastutiṃ paṭheyuḥ | ⁵\[tato gurave ṛtvigbhyaśca dakṣiṇāṃ dadyāt | tad yathā—oṃ adya kṛtaitaddānapratiṣṭhārthaṃ yuṣmabhyamiyadutpattiyogyāṃ bhūmimetāni ca ratnāni dadāni | gurvṛtvijaḥ pratyekaṃ svastītyuktvā svaṃ svaṃ suvarṇabhāgaṃ spṛśeyuḥ | \] athavā gurvṛtvigbhya eva mahābhūtaghaṭaṃ dadyāt | tatra dānavākye oṃ adyāmukāmukagotrebhyo'mukāmukavedā mukāmukaśākhādhyāyibhyo'mukāmukadevaśarmabhyo yuṣmabhyamiti matsyapurāṇokta-bhāgavyavasthayeti ca viśeṣaḥ | tatastulāpuruṣavajjāpakebhyo dakṣiṇādānaṃ dīnānāthāditarpaṇaṃ brāhmaṇavācanaṃ tvarayā yathāyathaṃ mahābhūtaghaṭapratipādanañca kuryyāt @\[iti mahābhūtaghaṭamahādānaṃ samāptam | \] iti mahārājādhirāja-⁷\[niḥśaṅka-śaṅkara\]-śrīmadvallālasenadevaviracite śrīdānasāgare mahā⁸-dānāvarttaḥ atha viṣṇudaivatācaladānāvartaḥ | (2) athācaladānapraśaṃsā matsyapurāṇe (83 aḥ ) \[ nārada uvāca | \]1 bhagavan śrotumicchāmi dānamāhātmyamuttamam yadakṣayaṃ pare loke devarṣigaṇapūjite2 - [Previous: 37.16.p1](https://indike.org/pramana/in.niti.dharma.nibandha.danasagara.37.16.p1) - [Next: 38.2](https://indike.org/pramana/in.niti.dharma.nibandha.danasagara.38.2) - [Up: 38](https://indike.org/pramana/in.niti.dharma.nibandha.danasagara.38) ## Linked texts (5) - [Padmapurāṇa](https://indike.org/pramana/in.purana.padma.1.21.80) — Vyāsa, Sanskrit - [Matsyapurāṇa](https://indike.org/pramana/in.purana.matsya.83.1) — Vyāsa, Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.26.p4) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.26.p4) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.30.p4) — Hemādri, Sanskrit --- Source: [https://indike.org/pramana/in.niti.dharma.nibandha.danasagara.38.1](https://indike.org/pramana/in.niti.dharma.nibandha.danasagara.38.1) · Pramāṇa