[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Dharmapradipa](https://indike.org/pramana/in.niti.dharma.nibandha.dharmapradipa) › 10.p1.2 # Dharmapradipa 10.p1.2 Dharmapradīpa 10.p1.2 - **Language:** Sanskrit ### [10.p1.2](https://indike.org/pramana/in.niti.dharma.nibandha.dharmapradipa.10.p1.2) anenaiva nyāyena sauranakteṣu sāyaṃkālaikadeśavyāptau pūrvā tithiryāhyā | pradoṣakālasya gauṇa sya tattithivyāptatvāt | yattu 'no heyaṃ vihitatvato vratavatāpyādityavārādiṣu' iti nirṇayakāro na rātrinaktamādityavārādau tyājyamityāha, tatsauranaktātiriktabhātādityavāraparam | atrāpi ekabhaktavadanyāṅganaktopavāsasthānīyanaktayornirṇayo draṣṭavyaḥ| yathokta"tadā naktavrataṃ kuryātsvādhyāyasya niṣedhavat |" iti | yadyapyatrapradoṣasāyaṃ kālau dvāvapi prayojakau pratibhāsete tathāpi pradoṣavyāptirmukhyaḥ kalpaḥ | sāyaṃkālavyāptiranukalpa iti jābālivacanādavagamyate tatra hyatathātvam iti pradoṣavyāptyabhāvamanūdya tādṛśyāstithergrāhyatvam | arvāgastāyata iti hetūpanyāsāt | īdṛśepi viṣaye gṛhasthopi yativaddivā naktamācaret | taduktaṃ skāānde"pradoṣavyāpinī na syāddivā naktaṃ vidhīyate | ātmano dviguṇāṃ chāyāmatikrāmati bhāskare || tannaktaṃ naktamityāhurna naktaṃ niśi bhojanam | evaṃ jñātvā tato vidvānsāyāhne tu bhujikriyām | kuryānnaktavratī naktaṃ phalaṃ bhavati niścitam ||" iti | yattu saptamībhānuvārādau sauranaktaṃ vihitaṃ, tatra pūrvoktena sāyaṃkālavyāptirmukhyaḥ kalpaḥ | pradoṣavyāptiranukalpaḥ | tadevābhipretya sumantuḥ"trimuhūrtaspṛgevāhni niśi caitāvatī tithiḥ | tasyāṃ sauraṃ bhavennaktamahnyeva tu bhojanam ||" iti | atra sāyaṃṣyāptermukhyakālatvātprathamatò nirdeśaḥ | pradoṣavyāpteranukalpatvātpaścānnirdeśaḥ | itaranakteṣu tu pradoṣavyāptermukhyatvādudāhṛtakūrmapurāṇavacane saiva prathamaṃ nirdiṣṭā, sāyaṃathāyācitaṃ nirṇīyate | - [Previous: 10.p1.1](https://indike.org/pramana/in.niti.dharma.nibandha.dharmapradipa.10.p1.1) - [Next: 10.p1.3](https://indike.org/pramana/in.niti.dharma.nibandha.dharmapradipa.10.p1.3) - [Up: 10.p1](https://indike.org/pramana/in.niti.dharma.nibandha.dharmapradipa.10.p1) ## Linked texts (5) - [Sumantudharmasūtra (fragments)](https://indike.org/pramana/in.vedanga.kalpa.dharma.sumantudharmasutra*fragments.1.4) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.19.p21) — Nīlakaṇṭha Dīkṣita 1625, Sanskrit - [Kālatattvavivecana](https://indike.org/pramana/in.niti.dharma.kala.kalatattvavivecana.9.p135) — Raghunātha Vājapeyin 1595, Sanskrit - [Kāladīpa](https://indike.org/pramana/in.niti.dharma.kala.utkala.kaladipa.p36) — Divyasiṃha Mahāpātra 1640, Sanskrit - [Dharmapradīpa (Bhairavadatta Dvivedin)](https://indike.org/pramana/in.niti.dharma.nibandha.kalajyotisa.dharmapradipa.10.p1.2) — Bhairavadatta Dvivedin, Sanskrit --- Source: [https://indike.org/pramana/in.niti.dharma.nibandha.dharmapradipa.10.p1.2](https://indike.org/pramana/in.niti.dharma.nibandha.dharmapradipa.10.p1.2) · Pramāṇa