[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Dharmapradipa](https://indike.org/pramana/in.niti.dharma.nibandha.dharmapradipa) › 14.p2 # Dharmapradipa 14.p2 Dharmapradīpa 14.p2 - **Language:** Sanskrit ### [14.p2](https://indike.org/pramana/in.niti.dharma.nibandha.dharmapradipa.14.p2) tra013-anaṅgatrayodaśīyaṃ pūrvaviddhopodhyā| tathāca saṃvartaḥ"kṛṣṇāṣṭamī bṛhattalpā sāvitrī vaṭapaitṛkī | kāmatrayodaśī rambhā upodhyāḥ pūrvasaṃyutāḥ ||" iti | dīpikānirṇayasindhujasmantabhāskarā apyevam| atra kālastu mārgaśuklānaṅgatrayodaśyāmukto dhyeyaḥ| atra mādhaveneyamaparāhnagā parā coktā| madhyāhne kāma devapūjoktā | kiñcātra bhaumavārasattve śivasamīpe gaṅgāsnānato mahatphalamiti jasmantabhāskare devīpurāṇāt | tatraudayakī grāhyā bṛhattalpetyatra vṛhatapeti mukhyaḥ pāṭha ukto hemādrau rāmaprakāśe ca | ca0 14-iyaṃ pūrvaviddhā rātri vyāpinī grāhyā kāmotsave"madhoḥ śrāvaṇamāsasya śubhā yā ca caturdaśī | sā rātri vyāpinī grāhyā nānyā śuklā kadācana ||" iti nirṇayasindhu jasmantabhāskarasthahemādrīyabaudhāyanokteḥ | 'parāpūrvāhṇagāminīti' vā pāṭhaḥ| ' "karmaṇo yasya yaḥ kālastatkālavyāpinī tithiḥ|" iti pūrvadine sāyaṃ muhūrtatrayavedhe pūrvāhnānyathottareti hemādrimādhavadīpikā nirṇayasindhujasmantabhāskarāḥ | iyaṃ śivacaturdaśyuktā nirṇayāmṛte | rātri vyāpinī | pū015-iyaṃ sāmānyanirṇayātparaiveti nirṇayasindhunirṇayāmṛtayoḥ | upavāse tu yugmātpūrveti rāmaprakāśaḥ| iyaṃ manvādistatra pūrvāhṇavyāpinī | atra raviguruśanivārasattve snānavastrayugadānaśrāddhakaraṇādaśvamedhajaṃ puṇyamuktaṃ nirṇayasindhujasmantabhāskarayoḥ | atra kaiściddamanakaiḥśivapūjoktā tatra kālaḥ prātareva|nirṇayāmṛtetra citrāyutāyāṃ vicitravastradānasnānatarpaṇyāyuktaṃ damanakaiḥ viśeṣācchivapūjā sarvadevapūjā coktā | atra hemādriskānde sarvamāsīyapūrṇimāsu tattanmāsanakṣatracandraguruyoge guruvārayoge snānādāvanantaphalamuktam | vaiśākhakṛṣṇapakṣīyapratipadāditithinirṇayaḥ| pra01-atrā'śvatthasecanadharmaghaṭādidānaṃ kāryamudayavyāpinyām | vṛddhau kṣaye ca pūrvā pratipat | dvitīyā2-................................................ tṛtīyā3-................................................ caturthī4-................................................ - [Previous: 14.p1.3](https://indike.org/pramana/in.niti.dharma.nibandha.dharmapradipa.14.p1.3) - [Next: 14.p3.1](https://indike.org/pramana/in.niti.dharma.nibandha.dharmapradipa.14.p3.1) - [Up: 14](https://indike.org/pramana/in.niti.dharma.nibandha.dharmapradipa.14) ## Linked texts (1) - [Dharmapradīpa (Bhairavadatta Dvivedin)](https://indike.org/pramana/in.niti.dharma.nibandha.kalajyotisa.dharmapradipa.14.p2) — Bhairavadatta Dvivedin, Sanskrit --- Source: [https://indike.org/pramana/in.niti.dharma.nibandha.dharmapradipa.14.p2](https://indike.org/pramana/in.niti.dharma.nibandha.dharmapradipa.14.p2) · Pramāṇa