[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Dharmapradipa](https://indike.org/pramana/in.niti.dharma.nibandha.dharmapradipa) › 16.p4 # Dharmapradipa 16.p4 Dharmapradīpa 16.p4 - **Language:** Sanskrit ### [16.p4](https://indike.org/pramana/in.niti.dharma.nibandha.dharmapradipa.16.p4) pra0 1--iyaṃ vratātiriktottareti dīpikā | dvi02-atrāpyaśūnyaśayanavratametanniṇītaṃ śrāvaṇakṛṣṇadvitīyāyām | tṛ03-atra bṛhadgaurīvrataṃ candrodayavyāpi vratārkai | ubhayadine tatsattve'sattve vottarā | "rambhākhyāṃ varjayitvā tu tṛtīyāṃ dvijasattama | anyeṣu vratakāryeṣu gaṇayuktā praśasyate ||" iti brahmavaivarttāt | kṣaye tu pūrvā 'muhūrttamātrasattvepi dine gaurīvrataṃ pare | parehni nāsti cetpūrvaviddhāpi' ityādimādhavokteḥ | ca04-iyaṃ karakacaturthī candrodayavyāpinī grāhyā | ubhayadine tattve pūrvā nirṇayasindhau | vratārke'pyevam | paṃ05-atra putrārthinā śrāddhaṃ kāryamiti jasmantabhāskaraḥ | pa06-atrāpi śuklapakṣasthaṣaṣṭhīvatpūjānirṇayaḥ | sa07-... ... ... ... ... a08-iyamahorī candrodayavyāpinī grāhyeti jasmantabhāskare|atraiva kālāṣṭamīvrataṃ tacca pūrvavannirṇayam|atraiva vratārke'śokavratamuktaṃ hemādrāvādityapurāṇe | aśokāpūjanottaraṃ"tasminnahani vā bhuṅkte naktaminduvivarjitam | bhavatyatha viśokā sā yatra yatrābhijāyate||" iti | viśeṣastvatrāśvinakṛṣṇāṣṭamyāma ukta eva| atraiva pūrvāhne rādhākuṇḍe snānamuktaṃ jasmantabhāskare | na09-... ... ... ... ... ... ... da010-... ... ... ... ... ... ... e011-... ... ... ... ... ... ... dvā012-iyaṃ govatsadvādaśī godhūlivyāpinī grāhyā | "godhūlikālasahitā putrasaubhāgyadāyinī|" iti|"godhūliṃ vividhāṃ vadaṃti munayo nārīvivāhādike hemante śiśire prayāti mṛdutāṃ piṇḍīkṛte bhāskare || grīṣme'rddhāstamite vasantasamaye bhānau gate'dṛśyatāṃ sūrye cāstamupāgate ca śubhadā varṣāśaratkālayoḥ||" iti jyotiṣādgodhūlistatrāstamayakālaḥ|ubhayadine tattve pūrvaviddhā| yugmavākyāt|'vatsapūjā ghaṭaścaiva karttavyā prathamehani'iti nirṇayāmṛte'bhidhānācceti mādhavīyanirṇayasindhurāmaprakāśajasmantabhāskarabhagavantabhāskaraprabhṛtisarvānabandhasiddhāntaḥ| atra bhojanaviśeṣaḥ“taddine tailapakkaṃ ca sthālīpakaṃ yudhiṣṭhira | gokṣīraṃ goghṛtaṃ caiva dadhi takraṃ ca varjayet ||” iti | nīrājanaṃ cātra jyotirnibandhe āha | “āśvine kṛṣṇapakṣe tu dvādaśyādiṣu pañcasu | tithiṣūktaḥpūrvarātre nṛṇāṃ nīrājanavidhiḥ || nīrājayeyurdevāṃśca viprāngāśca turaṅgamān | jyeṣṭhāñchreṣṭhāñjaghanyāṃśca mātṛmukhyāśca yoṣitaḥ||” iti nirṇayasindhujasmantabhāskarayoḥ - [Previous: 16.p3.4](https://indike.org/pramana/in.niti.dharma.nibandha.dharmapradipa.16.p3.4) - [Next: 16.p5](https://indike.org/pramana/in.niti.dharma.nibandha.dharmapradipa.16.p5) - [Up: 16](https://indike.org/pramana/in.niti.dharma.nibandha.dharmapradipa.16) ## Linked texts (3) - [Skandamahāpurāṇa (vulgate)](https://indike.org/pramana/in.purana.skanda*vulgate.2.4.9.p26) — Sanskrit - [Jyotirnibandha (ed. Raṅganātha Śāstrī Vaidya)](https://indike.org/pramana/in.niti.dharma.kala.jyotisa.jyotirnibandha*vaidya1919.405.27) — Sanskrit - [Dharmapradīpa (Bhairavadatta Dvivedin)](https://indike.org/pramana/in.niti.dharma.nibandha.kalajyotisa.dharmapradipa.16.p4) — Bhairavadatta Dvivedin, Sanskrit --- Source: [https://indike.org/pramana/in.niti.dharma.nibandha.dharmapradipa.16.p4](https://indike.org/pramana/in.niti.dharma.nibandha.dharmapradipa.16.p4) · Pramāṇa