[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Dharmapradipa](https://indike.org/pramana/in.niti.dharma.nibandha.dharmapradipa) › 16.p7 # Dharmapradipa 16.p7 Dharmapradīpa 16.p7 - **Language:** Sanskrit ### [16.p7](https://indike.org/pramana/in.niti.dharma.nibandha.dharmapradipa.16.p7) "dīpāndatvā pradoṣe tu lakṣmīṃ pūjya yathāvidhi | alaṃkṛtena bhoktavyaṃ navavastropaśobhinā ||" iti| dinadvaye tatra sattve'sattve vā pareti jasmantabhāskaraḥ|rāmaprakāśe tu dinadvayepradoṣavyāptistadā parā| "daṇḍaikarajanīyoge darśaḥ syāttu pare'hani | tadā vihāya pūrvedyuḥ parehni sukharātrikā ||" iti | ubhayadine'pi na pradoṣavyāpinī tadā pūrvā | 'amāvāsyā yadā rātrāvi'tyādivākyāt|mādhavīye'pyevam | nirṇayasindhāvapi dinadvaye sattve parā | divodāsīye pradoṣasya karmakālatvāt | "arddharātre bhramatyeva lakṣmīrāśrayituṃ gṛhān | ataḥ svalaṃkṛtā liptā dīpairjāgrajjanotsavāḥ || sudhādhavalitāḥkāryāḥ puṣpamālopaśobhitāḥ ||” iti brāhmokteśca | pradoṣorddharātravyāpinī mukhyā | ekaikavyāptau paraiva |pradoṣasya mukhyatvādarddharātre'nuṣṭheyābhāvācca | atraivā'pararātre'lakṣmīnissāraṇamuktaṃ madanaratne bhaviṣye"evaṃ gate niśīthe tu jane nidrārddhalocane | tāvannagaranārībhiḥ śūrpaḍiṇḍimavādanaiḥ || nissāryate prahṛṣṭābhiralakṣmīḥ svagṛhāṅgaṇat ||" iti | atra pāpavāre āyuṣmati yoge svātinakṣatre santyaniṣṭāvāniḥ | “bhānubhaumārkivāre ca kārtikendukṣayo bhavet | āyuṣmānsvātisaṃyukto nṛpanāśaḥ paśukṣayaḥ ||” iti saṃgrahokteḥ| atra rāmaprakāśe kuberapūjanādyuktaṃ pradoṣavyāpinyām - [Previous: 16.p6](https://indike.org/pramana/in.niti.dharma.nibandha.dharmapradipa.16.p6) - [Next: 16.p8](https://indike.org/pramana/in.niti.dharma.nibandha.dharmapradipa.16.p8) - [Up: 16](https://indike.org/pramana/in.niti.dharma.nibandha.dharmapradipa.16) ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.2.4.9.p209) — Sanskrit - [Dharmapradīpa (Bhairavadatta Dvivedin)](https://indike.org/pramana/in.niti.dharma.nibandha.kalajyotisa.dharmapradipa.16.p7) — Bhairavadatta Dvivedin, Sanskrit --- Source: [https://indike.org/pramana/in.niti.dharma.nibandha.dharmapradipa.16.p7](https://indike.org/pramana/in.niti.dharma.nibandha.dharmapradipa.16.p7) · Pramāṇa