[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Dharmapradipa](https://indike.org/pramana/in.niti.dharma.nibandha.dharmapradipa) › 3.p12 # Dharmapradipa 3.p12 Dharmapradīpa 3.p12 - **Language:** Sanskrit ### [3.p12](https://indike.org/pramana/in.niti.dharma.nibandha.dharmapradipa.3.p12) atha rātrau janane maraṇe vā rātriṃ tribhāgāṃ kṛtvā''dyabhāgadvaye cetpūrvadinamantye tūttaramiti mitākṣarā | prāgaddhaṃrātrātprāgvā sūryodayāt pūrvadinamanantaraṃ tūttaramityapi coktamanyaiḥ| atrāntyapakṣo vāsamavṛttiparaḥ| rajodarśanepyevam | atra deśācārādvā vyavastheti nirṇayasindhuḥ | sarvamidamāhitāgnerdāhadināt, tadbhinnasya maraṇadinamārabhya jñeyam | “anāgnimata utkrānterāśaucādi dvijātiṣu | dāhādagnimatauru vidyāddeśāsthe mṛte sati||” iti nirṇayasindhusthapaiṭhīnasismṛteḥ | athātikrāntā'śaucam | tatrāśaucamadhye jananādau jñāte taccheṣeṇa śuddhiḥ“vigataṃ tu videśasthaṃ śṛṇuyādyo hyanirdeśam || yaccheṣaṃ daśarātrasya tāvadevā'śucirbhaved” iti manūkteḥ | daśarātrasyeti vipraparam | daśāhādūrdhvaṃ jñāte tu vṛddhavasiṣṭhaḥ“māsatraye trirātraṃ syātṣaṇmāse pakṣiṇī tathā | ahastu navamādarvāgūrdhvaṃ snānena śudhyati ||” iti | janane tvatikrāntāśaucaṃ nāstyeva “nā'śaucaṃ prasave” ityādinā nirṇayasindhau devalokteḥ | pitustatrāpi snānaṃ bhavatyeva “nirdeśam” ityādimanūkteḥ| idamaśaucaṃ daśāhādijātyāśaucaviṣayaṃ na tvanupanītādinimittatrirātrādau | 'nirdeśam' ityādimanūkteḥ | mādhavīye devalastu“ā tripakṣāttrirātraṃ syātṣaṇmāsātpakṣiṇī tataḥ | paramekāhamā varṣādūrdhvaṃ snāto viśudhyati ||” ityāha | tatrāpadanāpadviṣayatvena vyavasthā | idañcaikadeśe | deśāntare tu snānamātramiti parāśaraḥ | idaṃ sapiṇḍānāṃ deśānta ramṛteṣviti mādhavaḥ | “arvāg” ityādiviṣṇūkteḥ| sodakānāṃ snānamātram | mātāpitṛmaraṇe deśāntarepi saṃvatsarordhvamapi daśāhādikaṃ pūrṇamāśaucam | gauḍāstupitrorabdamadhye trirātramūrdhvamekāha ityāhuḥ | mātṛsapatnīṣu mṛtāsu saṃvatsarādūrdhvaṃ trirātram - [Previous: 3.p11](https://indike.org/pramana/in.niti.dharma.nibandha.dharmapradipa.3.p11) - [Next: 3.p13](https://indike.org/pramana/in.niti.dharma.nibandha.dharmapradipa.3.p13) - [Up: 3](https://indike.org/pramana/in.niti.dharma.nibandha.dharmapradipa.3) ## Linked texts (3) - [Devalasmṛti (fragments)](https://indike.org/pramana/in.niti.dharma.upasmrti.devala*fragments.7.4) — Sanskrit - [Śūdrakamalākara](https://indike.org/pramana/in.niti.dharma.jati.sudrakamalakara.37.1-10) — Kamalākarabhaṭṭa, Sanskrit - [Dharmapradīpa (Bhairavadatta Dvivedin)](https://indike.org/pramana/in.niti.dharma.nibandha.kalajyotisa.dharmapradipa.3.p12) — Bhairavadatta Dvivedin, Sanskrit --- Source: [https://indike.org/pramana/in.niti.dharma.nibandha.dharmapradipa.3.p12](https://indike.org/pramana/in.niti.dharma.nibandha.dharmapradipa.3.p12) · Pramāṇa