[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Dharmapradipa](https://indike.org/pramana/in.niti.dharma.nibandha.dharmapradipa) › 3.p3 # Dharmapradipa 3.p3 Dharmapradīpa 3.p3 - **Language:** Sanskrit ### [3.p3](https://indike.org/pramana/in.niti.dharma.nibandha.dharmapradipa.3.p3) athāśvinapauṣamāghaphālgunā'sitāṣṭamyo'ṣṭakāḥ kecinmārgādimāsacatuṣṭayāsitāṣṭamīṣvasitāśvināṣṭamyāṃ cāṣṭaketi coktaṃ manusmṛtiṭīkāyām|pauṣādimāsā'sitāṣṭamyastisra eva svīkṛtāḥ|kiñcaitanmāsīyāsitanavamyo'nvaṣṭakā aṣṭakānāmanupaścādbhavantīti vyutpatteḥ | āsu navapiṇḍātmakaṃ mātṛpūrvakaṃ śrāddhaṃ pārvaṇatvādaparāhne kāryamiti hemādridīpike | kātyāyanapṛthvīcandrodayacchāgaleyā nirṇayasindhau pitṛpūrvakamāhuḥ|atra śākhābhedena vyavasthetyapi pṛthvīcandrodayaḥ | mātṛpūrvakaṃ jīvatpitṛkaviṣayamiti nirṇayadīpaḥ | 'evaṃ pradakṣiṇāvṛtko vṛddhau nāndīmukhān‍pitṝn'iti yājñavalkyasmṛteḥ pitṛpūrvakameva | atha maraṇānantaraṃ varṣaparyantaṃ pratimāsaṃ maraṇatithau yāni māsikaśrāddhāni tānyekoddiṣṭāni tāni ca vakṣyamāṇalakṣaṇe kutape kāryāṇīti mādhavīye vyāsahārītagautamaśātātapādivacanebhyo'vasīyate| vacanāni tu vistarabhiyā'tra na likhitāni| dvādaśāhapiṇḍanapakṣe tu sapiṇḍanataḥ prāganuṣṭheyāni na tatra kālaniyamaḥ| sapiṇḍīkaraṇaṃ tvaparāhna eva, tasya pārvvaṇatvāt| sapiṇḍīkaraṇaṃ kutape tasyaikoddiṣṭatvāditi yājñavalkyāśayaḥ - [Previous: 3.p2.3](https://indike.org/pramana/in.niti.dharma.nibandha.dharmapradipa.3.p2.3) - [Next: 3.p4.1](https://indike.org/pramana/in.niti.dharma.nibandha.dharmapradipa.3.p4.1) - [Up: 3](https://indike.org/pramana/in.niti.dharma.nibandha.dharmapradipa.3) ## Linked texts (1) - [Dharmapradīpa (Bhairavadatta Dvivedin)](https://indike.org/pramana/in.niti.dharma.nibandha.kalajyotisa.dharmapradipa.3.p3) — Bhairavadatta Dvivedin, Sanskrit --- Source: [https://indike.org/pramana/in.niti.dharma.nibandha.dharmapradipa.3.p3](https://indike.org/pramana/in.niti.dharma.nibandha.dharmapradipa.3.p3) · Pramāṇa