[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Dharmapradipa](https://indike.org/pramana/in.niti.dharma.nibandha.dharmapradipa) › 3.p9 # Dharmapradipa 3.p9 Dharmapradīpa 3.p9 - **Language:** Sanskrit ### [3.p9](https://indike.org/pramana/in.niti.dharma.nibandha.dharmapradipa.3.p9) dinī bhūtaviddhopādeyā tathā pratipadviddhāpi kutapaṃvyāpyopādeyā bhavati | yacca baudhāyana āha"ghaṭikaikāpyamāvāsyā pratipatsu na cettadā | bhūtaviddhaiva sā grāhyā daive pitrye ca karmaṇi ||" iti pratipatsu ghaṭikaikāpi karmakālasambandhinī yadi na syādityarthaḥ | tadetadvacanaṃ pūrvedyurevāparāhvavyāptau draṣṭavyam || asminneva viṣaye jāvāliśaha"pratipatsvapyamāvāsyā pūrvāhvavyāpinī yadi | bhūtaviddhaiva sā grāhyā pitrye karmaṇi sarvadā ||"-iti || yattu hārītavacanam"kanyāmakarameṣeṣu tulāyāṃ midhune tathā | bhūtaviddhaiva sarveṣāṃ pūjyā bhavati yatnataḥ ||" iti | tadvrataviṣayamiti mādhavaḥ | tarpaṇādiviṣayamiti dīpikā | "aruṇodayavelāyāmamāvāsyā yadā bhavet | sa kālaḥ paramo jñeyaḥ pitṝṇāṃ dattamakṣayam ||" iti bṛhaspativaśiṣṭavacanāt | pūrṇimāyāṃ apyevaṃ nirṇayaḥ | aparapakṣaśrāddhānāmapi pārvaṇatvādvaiṣa eva nirṇayasteṣvapyupayogī bhavituṃ śakyaḥ | aparapakṣe'nyatra ca maghātrayodaśīśrāddhaniṣedhaḥ | sacaikoddiṣṭaviṣaya itye ke | yugādiviṣaya ityapare | kāmyaśrāddhaviṣaya ityanye | putravadvṛddhiviṣaya ityeke | putravadaputravatorāpa niṣedha iti bahavaḥ | vastuto'piṇḍakaṃ tatra śrāddhaṃ kāryamiti yuktamiti vayaṃ pratīmaḥ | tatra caturdaśīśrāddhaṃ tu śastrādihatānāmeva - [Previous: 3.p8.4](https://indike.org/pramana/in.niti.dharma.nibandha.dharmapradipa.3.p8.4) - [Next: 3.p10.1](https://indike.org/pramana/in.niti.dharma.nibandha.dharmapradipa.3.p10.1) - [Up: 3](https://indike.org/pramana/in.niti.dharma.nibandha.dharmapradipa.3) ## Linked texts (1) - [Dharmapradīpa (Bhairavadatta Dvivedin)](https://indike.org/pramana/in.niti.dharma.nibandha.kalajyotisa.dharmapradipa.3.p9) — Bhairavadatta Dvivedin, Sanskrit --- Source: [https://indike.org/pramana/in.niti.dharma.nibandha.dharmapradipa.3.p9](https://indike.org/pramana/in.niti.dharma.nibandha.dharmapradipa.3.p9) · Pramāṇa