[Pramāṇa](https://indike.org/pramana/) › [Indian literature](https://indike.org/pramana/in) › [Polity, Pleasure & Law](https://indike.org/pramana/in.niti) › [Law and Social-Religious Duty](https://indike.org/pramana/in.niti.dharma) › [Legal Digests](https://indike.org/pramana/in.niti.dharma.nibandha) › [Dharmapradipa](https://indike.org/pramana/in.niti.dharma.nibandha.dharmapradipa) › 8.p2 # Dharmapradipa 8.p2 Dharmapradīpa 8.p2 - **Language:** Sanskrit ### [8.p2](https://indike.org/pramana/in.niti.dharma.nibandha.dharmapradipa.8.p2) smṛtyantarepi“naktaṃ niśāyāṃ kurvīta gṛhastho vidhisaṃyutaḥ | yatiśca vidhavā caiva kuryāttatsadivākaram || sadivākaraṃ tu yatproktamantime ghaṭikādvaye | pradoṣostamayādūrdhvaṃ ghaṭikādvayamiṣyate | iti vatsokteḥ | “niśānaktaṃ bhuvi jñeyaṃ yāmārddhe prathame sadā||” iti | idaṃ bhikṣordināṃśe'ṣṭame iti kālanirṇayepi | rātrinaktabhojane vyāsaḥ“trimuhūrtaḥ pradoṣaḥsyādravāvastaṃ gate sati | naktaṃ tu tatra kurvīta iti śāstrasya niścayaḥ||” iti | tadevaṃ naktakālau vyavasthitau | tatra viśeṣamāha vatsaḥ“pradoṣavyāpinī grāhyā sadā naktavrate tithiḥ | ekādaśīṃ vinā sarvā śuklekṛṣṇe tathā smṛtā||” iti | ekādaśyāṃ tu yannaktaṃ tatrodayavyāpinī grāhyā | tasya harinaktatvāt | taduktaṃ skānde“pradoṣavyāpinī grāhyā sadā naktavrate tithiḥ | udayasthā sadā pūjyā harinaktavrate tithiḥ” iti | atrāpyekabhaktanyāyena ṣoḍhā viṣayabhedā utpekṣaṇīyāḥ | madhyāhnapradoṣayoreva bhinnatvāt | pūrvadyureva pradoṣavyāptau pūrvā paredyureva pradoṣavyāptau parā ubhayatra pradoṣavyāptau parā | "sadaiva tithyorubhayoḥ pradoṣavyāpinī tithiḥ | tatrottaratra naktaṃ syādubhayatrāpi sā yataḥ||" - [Previous: 8.p1](https://indike.org/pramana/in.niti.dharma.nibandha.dharmapradipa.8.p1) - [Next: 8.p3](https://indike.org/pramana/in.niti.dharma.nibandha.dharmapradipa.8.p3) - [Up: 8](https://indike.org/pramana/in.niti.dharma.nibandha.dharmapradipa.8) ## Linked texts (5) - [Jyotirnibandha (ed. Raṅganātha Śāstrī Vaidya)](https://indike.org/pramana/in.niti.dharma.kala.jyotisa.jyotirnibandha*vaidya1919.388.7) — Sanskrit - [Kālatattvavivecana](https://indike.org/pramana/in.niti.dharma.kala.kalatattvavivecana.9.p121) — Raghunātha Vājapeyin 1595, Sanskrit - [Kālanirṇaya (Kālamādhavīya)](https://indike.org/pramana/in.niti.dharma.nibandha.nirnaya.kalamadhaviya.4.p65) — Mādhava, Sanskrit - [Kāladīpa](https://indike.org/pramana/in.niti.dharma.kala.utkala.kaladipa.p33) — Divyasiṃha Mahāpātra 1640, Sanskrit - [Dharmapradīpa (Bhairavadatta Dvivedin)](https://indike.org/pramana/in.niti.dharma.nibandha.kalajyotisa.dharmapradipa.8.p2) — Bhairavadatta Dvivedin, Sanskrit --- Source: [https://indike.org/pramana/in.niti.dharma.nibandha.dharmapradipa.8.p2](https://indike.org/pramana/in.niti.dharma.nibandha.dharmapradipa.8.p2) · Pramāṇa