Pramāṇa · Search · About · API

Danasagara 10

Dānasāgara 10

Language
Sanskrit

10.1

atha puṇyadeśāḥ
⁸viṣṇupurāṇe (2|3|1, 23-24)—
uttaraṃ yat samudrasya himādreścaiva dakṣiṇam
varṣaṃ tadbhārataṃ nāma bhāratī yatra santatiḥ

10.2

atra janmasahasrāṇāṃ sahasrairapi sattama
kadācillabhate janturmānuṣyaṃ puṇyasañcayāt

10.3

gāyanti devāḥ 'kila gītakāni
dhanyāstu te' bhāratabhūmibhāge
svargāpavargāspadamārgabhūte
bhavanti bhūyaḥ puruṣāḥ suratvāt

10.4

manuḥ (2|23)—
kṛṣṇasārastu carati mṛgo yatra svabhāvataḥ
sa jñeyo yajñiyo deśo mlecchadeśastataḥ param³

10.5

bhaviṣye (1|181—33) :—
brahmāvartaḥ paro deśa ṛṣiśastataḥ param⁴
madhyadeśastato ['jyāyānāryāvartastataḥ param⁶]

10.6

vyāsaḥ—
sarve sūryāśramāḥ puṇyāḥ sarvā ⁷nadyaśca parvatāḥ
gosiddhamunivāsāśca deśāḥ puṇyāḥ prakīrtitāḥ

10.7

sūryāyatanasaṃsthānaṃ yadalpamapi⁸ dīyate
tadanantaphalaṃ proktaṃ sūryyakṣetrānubhāvataḥ

10.8

viṣṇuḥ—
cāturvarṇyavyavasthānaṃ yasmin deśe na vidyate
taṃ mlecchadeśaṃ jānīyādāryāvartamataḥ⁹ param

10.6-2

tathā—
puṣkareṣvakṣayaṃ śrāddhaṃ japahomatapāṃsi ca
puṣkare snātamātrastu sarvapāpebhyaḥ mucyate

10.10

evameva gayaśīrṣavaṭe ¹⁰amarakaṇṭakaparvate varāhaparvate yatra kvacana, narmadātīre,
yamunātīre, gaṅgātīre, viśeṣato gaṅgādvāre prayāge¹¹ gaṅgāsāgarasaṅgame kuśāvarte vinduke
nīlaparvate kanakhale kubjāmre bhṛgutuṅge kedāre mahālaye Lalitikaayaam¹ lalitāyāṃ sugandhāyāṃ śākambharyāṃ
phalgutīrthe mahāgaṅgāyāṃ tahulikāśrame kumāradhārāyāṃ prabhāse yatra kvacana, sarasvatyāṃ viśeṣataḥ
satataṃ naimiṣāraṇye vārāṇasyām agastyāśrame kaṇvavāśrame kauśikyāṃ sarayūratīre śoṇasya jyotīrasāyāśca saṅgame | śrīparvate kālodake uttaramānase mataṅgavāpyāṃ ²saptārṣe viṣṇupade svargamārgapradeśe
godāvaryāṃ gomatyāṃ vetravatyāṃ vipāśāyāṃ vitastāyāṃ śatadrūtīre candrabhāgāyām irāvatyāṃ
sindhostīre pañcanade aujaseṣu³ | evamādiṣvanyeṣu tīrtheṣu saridvarāsaṅgameṣu prabhaveṣu pulineṣu⁴
prasravaṇeṣu parvatanikuñjeṣu⁵ vaneṣūpavaneṣu ca | gomayenopalipteṣu gṛheṣu manojñeṣu ca

10.11

liṅgapurāṇe (1|77|33kha-35) :ardhakrośaṃ śivakṣetraṃ śivaliṅgāt samantataḥ
yastyajed dustyajān prāṇān śivasāyujyamāpnuyāt

10.12

⁶svāyambhuvasya mānaṃ hi tathā bāṇasya suvratāḥ
svāyambhuve tadardhaṃ ⁷syādārṣeye ca tadardhakam
⁸mānuṣye ca tadardhaṃ syāt kṣetramānaṃ dvijottamāḥ

10.13

tathā (1|77|52kha-54ka)—
śivakṣetrasamīpasthā nadyaḥ sarvā dvijottamāḥ⁹
vāpīkūpataḍāgāśca śivatīrthā iti smṛtāḥ

10.14

snātvā teṣu naro bhaktyā tīrtheṣu munipuṅgavāḥ¹⁰
brahmahatyādibhiḥ pāpairmucyate nātra saṃśayaḥ

10.15

matsyapurāṇe (22|27kha-28, 30kha-36, 46-55ka, 57-56, 68-70, 73kha-75ka,
71ka) :—
oṅkāraṃ pitṛtīrthañca kāverī kapilodakam
sambhedaścairaṇḍavegāyāstathaivāmarakaṇṭakam
kurukṣetrācchataguṇam¹¹smin dānādikaṃ ¹² bhavet

10.16

kāyāvarohaṇaṃ nāma tathā carmaṇvatī nadī
gomatī varaṇā tadvat tīrthaṃ 1hautāśanaṃ param

10.17

bhairavaṃ bhṛgutuṅgañca gaurītīrthamanuttamam
tīrthaṃ vaināyataṃ nāma bhadreśvaramataḥ param

10.18

tathā pāpaharaṃ nāma 2puṇyā ca tapatī nadī
3śūlatāpī payoṣṇī ca payoṣṇīsaṅgamastathā

10.19

mahābodhiḥ pāṭalā ca nāgatīrthamavantikā
tathā veṇā nadī puṇyā mahāśālantathaiva ca

10.20

mahāhradaṃ mahāliṅgaṃ daśārṇā ca nadī śubhā
śatarudrā 4śatāhvā ca tathā viśvapadaṃ param

10.21

aṅgāravāhikā tadvannadau tau śoṇaghargharo
kālikā ca nadī puṇyā vitastā5 ca nadī śubhā6
etāni pitṛtīrthāni śasyante snānadānayoḥ

10.22

tathā—śrīparṇī [7ca nadī puṇyā vyāsa] tīrthamanuttamam
tathā matsyanadī 8kārā śivadhārantathaiva ca

10.23

bhadratīrthañca vikhyātaṃ pampātīrthañca śāśvatam
puṇyaṃ rāmeśvaraṃ tadvadelāpuramalaṃpuram

10.24

śṛṅgabhūtañca vikhyātamārddaka9malambhuṣam
āmrātakeśvaraṃ tadvadekā10prakamataḥ param
govardhanaṃ hariścandraṃ kṛpucandraṃ11 pṛthūdakam

10.25

sahasrākṣaṃ hiraṇyākṣaṃ tathā ca kadalī nadī
12rāmādhivāsastatrāpi tathā saumitrisaṅgamaḥ

10.26

¹indrakīlaṃ mahānādaṃ ²tathaiva priyamelakam
etānyapi sadā śrāddhe praśastānyadhikāni ca³

10.27

eteṣu sarvadevānāṃ sānnidhyaṃ dṛśyate⁴ yataḥ
dānameteṣu sarveṣu [bhavet koṭiguṇādhikam]⁵

10.28

tathā—
tathaiva pitṛtīrthantu yatra godāvarī nadī
⁶yutā liṅgasahasreṇa sarvottarajalāvahā⁷

10.26-2

⁸[jāmadagnyakṛtaṃ tīrthaṃ] kramādāyāta⁹muttamam
pratīkasya bhayādbhinna¹⁰ yatra godāvarī nadī

10.30

¹¹tīrthaṃ tadvyaktavyānāmapsaroyugasaṃjñitam
śrāddhāmikārya¹²[dānañca tatra¹³] koṭiguṇādhikam

10.31

aṭṭahāsaṃ tathā tīrthaṃ gotameśvarameva ca
tathā [¹⁴vaśiṣṭhatīrthañca¹⁵ hārītañca] tataḥ param¹⁶

10.32

brahmāvartaṃ kuśāvartaṃ ¹⁷haṃsatīrthaṃ tathaiva ca
piṇḍārakañca vikhyātaṃ ¹⁸śaṅkhoddhāraṃ tathaiva ca

10.33

ghaṇṭeśvaraṃ vilvakañca nīlaparvatameva ca
tathā ca ¹⁹badarītīrthaṃ rāmatīrthaṃ tathaiva ca

10.34

jayanta¹[mujjayantañca ²śuka]tīrthaṃ tathaiva ca
śrīpateśca tathā tīrthaṃ' tīrthaṃ' raivatakaṃ tathā

10.35

tathaiva śāradaṃ tīrthaṃ ³ ⁴bhadrakāleśvaraṃ tathā
vaikuṇṭhatīrthañca [tathā ⁵nirjjareśvarameva ca]⁶
aśvatīrthañca viddyātamanantaṃ śrāddhadānayoḥ

Linked texts (8)