Danasagara 106

Dānasāgara 106

atha gurupraśaṃsā
yathā ghaṭapraticchannā ⁴ratnarājamahāprabhāḥ
akiñcitkaratāṃ ⁵prāptāstathā vidyāścaturdaśa

vinā tu guruṇā ⁶samyagbodhanena vipaścitā
naiva vidyāphalaprāptirguruṃ tasmāt prapūjayet

srag vāsobhūṣaṇairnityaṃ yathā devaṃ pinākinam
yo guruṃ pūjayennityaṃ sthitaṃ vā prasthitañca vā

tatprasādena yasmāt sa prāpnuyāt sarvasampadaḥ
tasmād guruṃ prayatnena mahādevavadarcayet

bhaktyā prītyā prayatnena śraddhayā ca sadaiva hi
eṣa mātā pitā hyeṣa eṣa eva ca bāndhavaḥ

eṣa cintāmaṇiḥ sphīta eṣa eva ca me suhṛt
evaṃ śraddhāparo nityaṃ gurumārādhayedbudhaḥ
ajñānaduḥkhaśamanaṃ ⁷narakoddharaṇaṃ tathā

kuto mātā pitā vāpi bāndhavo vā mahāguṇāḥ
tādṛgabhyudayaṃ kuryād yat kuryācca gururmahān

ko'nyo jñānena ⁸duḥ khaughāduddharedbahubandhanāt
samyak śāstrārthaboddhāraṃ mahādevavadarcayet

'vastumātreṇa yo jñānaṃ śāstrarūpamupanyaset
sa tāvacchivavat pūjyo bhaktyā bhavati pāpahaḥ

yaḥ śāstramaviviktārthaṃ viśepārthaṃ prabodhayet
'padavākyārthabodhena samyak śāstrapravartanāt

'pūrvottarārthasaṅgattyā samudāyārthaniścayaḥ
'suśāstābhimatā vācaḥ samyag yo vetti tattvataḥ

sa tu sākṣānmahābuddhirbhagavāniva śaṅkaraḥ
taṃ bhajet sarvabhāvena bhaktiyogena sarvadā

ādityena vinā yāvajjagadandhaṃ vibhāvyate
guruvākyairvinā 'sarvaṃ tathaiva hi tamomayam

tasmād yathā mahādevaṃ [tadvadeva guruṃ sadā | ]"
yaḥ paśyati sa puruṣaḥ sarvadharmānavāpnuyāt

Linked texts (2)