Danasagara 125
Dānasāgara 125
- Language
- Sanskrit
Contents
- 125.16-2 — 2 parts
125.1
arcitāya brāhmaṇāyārcitaṃ chattram oṃ adyādi tubhyamantamuktvā dadyāt | sarvapāpapramoktṛtva2-prāptikāmo'hametacchattraṃ dadāni | svastyādisvīkārāntaṃ pūrvavat
iti mahārājādhirāja-niḥśaṅka-śaṅkara-śrīmadvallālasenadevaviracite
śrīdānasāgare chattradānāvarttaḥ
athottānāṅgirodaivatopānaddānāvartaḥ | (54)
yājñavalkyaḥ (1|211) :'gṛhadhānyābhayo-2pānacchattramālyānulepanam
yānaṃ vṛttaṃ śriyaṃ śayyāṃ dattvātyantaṃ sukhī bhavet
125.2
atra yajamāno'rcitāya brāhmaṇāyārci taupānahau dadyāt | oṃ 3adyāmukasagotrāyāmukavedā' mukaśākhādhyāyine'mukadevaśarmaṇe tubhyamatyantaṃ-sukhaprāptikāmo'hamete upānahau dadāni
pratigrahītā svastotyuktvā sāvitrīṃ paṭhitvā upānahāvete uttānāṅgirodaivate ityuktvā yathāśākhaṃ
kāmastutiṃ paṭhet | oṃ adya kṛtaitaddānapratiṣṭhārthaṃ tubhyamahaṃ dakṣiṇāmidaṃ kāñcanaṃ dadāni
pratigrahītā svastītyuktvā upānahāvāroheta
viṣṇuḥ :upānatpradānenāśvatarīyuta-ratham
125.3
prāpnotīti śeṣaḥ | arcitāya brāhmaṇāyārci taupānahaṃ oṃ adyādi tubhyamantamuktvā dadyāt | aśvataroyutarathaprāptikāmo'hameta upānahau dadāni | svastyādisvīkārāntaṃ
pūrvavat
bṛhaspatiḥ -
asipatravanaṃ māgaṃ kṣuradhārā-samanvitam
tīkṣṇātapañca tarati chatropānatprado naraḥ
125.4
chatropānatprada ityatra dvandvanirdeśo yadyapyubhayoḥ kriyāsambandhamātreṇaivāpapadyate, tathāpi
caṇḍā tapajanyakleśasya 12chatropānadyugmābhyāmeva vārayituṃ śakyatvāt sahitayoreva dānam
arcitāya brāhmaṇāyārci taṃ chatramupānadyugmañca oṃ adyādi tubhyamantamuktvā dadyāt | bṛhaspatyuktachatropānahānaphalaprāptikāmo'hametacchatropānahau dadāni | pratigrahītā svastītyuktvā sāvitrīṃ
paṭhitvā chatropānahāvete prajāpatyuttānāṅgirodaivate ityuktvā yathāśākhaṃ kāmastutiṃ paṭhet | chatrasya
daṇḍagrahaṇamupānahāropaṇañca svīkāraḥ¹
mahābhārate (anu-66|20-21) :―
dahyamānāya viprāya yaḥ prayacchatyupānahau
snātakāya mahābāho saṃśritāya dvijātaye
125.5
snātakāya gurukulānnivṛttāya | saṃśritāyopasthitāya
so'pi lokānavāpnoti daivatairapi pūjitān
goloke ca mudā yukto vasati pretya mānav
125.6
arcitāya yathoktarūpāya brāhmaṇāyārcitamupānadyugam oṃ adyādi tubhyamantamuktvā dadyāt
mahābhāratokta-dahyamāna-sampradānakopānaddāna-phalaprāptikāmo'hamete upānahau dadāni | svastyādisvīkārāntaṃ pūrvavat
tathā (Cf. anu-66|3kha) :―
yānaṃ ²rathopānah-sampradānāt
125.7
prāpnotīti śeṣaḥ | arcitāya brāhmaṇāyārcitamupānadyugam oṃ adyādi tubhyamantamuktvā
dadyāt | yānaprāptikāmo'hamete upānahau dadāni | svastyādisvīkārāntaṃ pūrvavat
narasiṃhapurāṇe :―
chatropānahadātā(?) ca svargaṃ yātyupaśobhanam
125.8
arcitāya brāhmaṇāyārcitaṃ chatramupānadyugañca oṃ adyādi tubhyamantamuktvā dadyāt
upaśobhanākhyasvargaprāptikāmo'hametacchatropānahau dadāni | pratigrahītā svastītyuktvā sāvitrīṃ
paṭhitvā chatropānahāvete prajāpatyuttānāṅgirodaivate ityuktvā yathāśākhaṃ kāmastutiṃ paṭhet | dakṣiṇā
pūrvavat | chatrasya daṇḍagrahaṇamupānahorārohaṇañca svīkāraḥ³
varāhapurāṇe (206|14kha-15ka) citraguptavākye :―
upānahau mahacchatraṃ⁴ jalabhājanameva⁵ ca
asakṛd yena dattāni tasmai⁶ pūjāṃ prayacchatha
125.6-2
arccitāya brāhmaṇāyārcitamupānadyugalam oṃ adyādi tubhyamantamuktvā dadyāt | varāhapurāṇoktopānaddānaphalaprāptikāmo'hamete upānahau dadāni | svastyādisvīkārāntaṃ pūrvvavat
asakṛditi padaśravaṇā- 'detaddānamāvṛttyā deyam
upānadyugalaṃ chatraṃ śayyāsanamathāpi vā
ye prayacchanti vastrāṇi tathaivābharaṇāni ca
125.10
te yāntyaśvai rathaiścaiva kuñjaraiścābhyalaṅkṛtāḥ
dharmarājapuraṃ divyaṃ chatraiḥ sauvarṇarājataiḥ
125.11
kāṣṭhapādukā-yānāni pīṭhakā-nyāsanāni ca
yerdattāni dvijātibhyaste'dhvānaṃ yānti vai sukham
125.12
suvarṇamaṇipīṭheṣu pādau kṛtvottameṣu ca
te prayānti vimānaistu apsarogaṇamaṇḍitaiḥ
125.13
dahyamānāya viprāya yaḥ prayacchatyupānahau
na tasya 10manaso dāhaḥ kadācidapi jāyate
125.14
'rathañcāśvatarīyuktaṃ tasya hemamayaṃ śubham
upattiṣṭhati 'viprarṣe sarvaratnavibhūṣitam
125.16
ādityapurāṇeḥaśva vā yadi vā yugmaṃ śobhane vātha pāduke
dadate yācamānebhyo brāhmaṇebhyaḥ susaṃyutāḥ
125.17
teṣāṃ divyāni yānāni rathā dhvajapatākinaḥ
duṣṭaḥ panthā na caiveha bhaviṣyati kathañcana
125.18
upānahau ca yo dadyācchraddadhe 12 13 snehasamanvite
goloke sa mudā yukto vasati pretya mānavaḥ 14
125.16-2
arcitaya brāhmaṇāyarcitaṃ tailābhiṣiktaṃ ślakṣṇamupānadyugalam oṃ adyādi tubhyamantamuktvā dadyāt | "śāmbapurāṇoktopānaddānaphalaprāptikāmo'hamete upānahau dadāni
svastyādistrīkārāntaṃ pūrvavat
viṣṇudharmottare (3|311|6kha-7) :upānahau tathā dattvā ślakṣṇe snehasamanvite
rathamaśvatarīyuktaṃ tridive pratipadyate
sarvapāpavinirmukto yāmyaṃ mārgaṃ sukhaṃ vrajeta
125.16-2.p1
arcitaya brāhmaṇāyarcitaṃ sukumāraṃ ghṛtanavanītādyanuliptaṃ 'carmapādukāyugalam oṃ adyādi
tubhyamantamuktvā dadyāt | viṣṇudharmottarokta-sanne hopānaddāna-phalaprāptikāmo'hamete upānahau
dadāni | svastyādisvīkārāntaṃ pūrvavat
iti mahārājādhirāja-niḥśaṅka-śaṅkara-śrīmadvallālasenadevaviracite
125.16-2.p2
[środānasāgare upānaddānāvartaḥ]
Linked texts (3)
- Mahāsubhāṣitasaṃgraha — Sanskrit
- Itihāsasamuccaya — Sanskrit
- Dānavākyāvali (Vidyāpati) — Vidyāpati, Sanskrit