Danasagara 131
Dānasāgara 131
- Language
- Sanskrit
131.1
1athābhayadānāvartaḥ | (60)
viṣṇuḥ :sarvadānādhikamabhayapradānaṃ2 [tatpradānenābhīṣṭaṃ lokamāpnoti]3
131.2
samvarta :bhūtābhayapradānena sarvakāmānavāpnuyāt
dīrghamāyuśca labhate sadā ca susukhī4 bhavet
131.3
5manuḥ (4|232) :6aiśvaryamabhayapradaḥ
131.4
yājñavalkyaḥ (1|211) :gṛhadhānyābhayopānacchattramālyānulepanam
yānaṃ vṛttaṃ priyaṃ śayyāṃ dattvātyantaṃ7 sukhī bhavet
131.5
yamaḥ :dattvā 8pratiśrayaṃ loke tathā dattvaiva cābhayam
tathā dattvā kṣitiṃ 9vipre brahmaloke mahīyate
131.6
mahābhārate :10lobhād vādgayādvāpi yastyajeccharaṇāgatam
brahmahatyāsamaṃ tasya pāpamāhurmanīṣiṇaḥ
131.7
prāṇinaṃ vadhyamānaṃ hi yaḥ śakraḥ samupekṣate11
sa yāti narakaṃ ghoramidamāhurmanīṣiṇaḥ
131.8
catuḥsāgaraparyantāṃ yo dadyāt pṛthivīmimām
sattvebhyo hyabhayaṃ datte12 tayorabhayado'dhikaḥ13
131.6-2
rāmāyaṇe (V. 93. 11 and 13, N. W.) :–
vinaṣṭaḥ1 paśyato yasya rakṣituḥ śaraṇāgataḥ
ādāya sukṛtaṃ tasmāt sarvaṃ gacchatyarakṣitaḥ
131.10
suparyāptavisṛṣṭasya2 nāśvamedhasya tatphalam
yatphalaṃ 3jātasantrāme rakṣite śaraṇāgate
131.11
nandipurāṇe :–
mahatāṃ sūkṣmadehānāṃ tathā ca vyādhitāramanām
[hiṃsrāṇāṃ saumyamūrtīnāṃ] sarvathā hyabhavat phalam
131.12
varamekasya sattvasya jīvitābhayadakṣiṇā
na tu viprasahasrasya gosahasraṃ sadakṣiṇam
131.13
tathā :–
abhayaṃ puruṣo dattvā raktāmanviṣya dehinaḥ
"prayāti śakramālokyaṃ "niścayātmā narottamaḥ
131.14
na dānaṃ tādṛśaṃ loke vidyate hyaparaṃ bhuvi
yādṛśaṃ hyabhayaṃ dānaṃ sarvabhūteṣu gīyate
131.15
na tapobhirmahāghorai-[rna yajñai rbahudakṣiṇaiḥ]11
prāpyante gatayo divyā yathābhayapratavrataiḥ
131.16
tathā :–
ātmānaṃ [duḥkhitaṃ dṛṣṭvā]12 tṛṇamātre calatyapi
mṛtyutaśca bhayaṃ ghoramabhayaṃ dānamāśrayet
131.17
tasmādabhayamevādau dadyād bhūteṣu sarvadā
paralokagatāvāptāmabhayena14 śubhodayaḥ
ihaiva prāpyate sarvamabhayena vipaścitaiḥ
131.18
tathā :yasmādabhyudayāvāptiryasmāddharmasya sādhanam
āśrayet sarvabhūtānāṃ dāna tadbhayasya tu
131.19
samvāhya tu pathi śrāntaṃ bhītaṃ saṃrakṣya mānavam
dharmasya puramāyāti sarvakāmaguṇojjvalam
131.20
narasiṃhapurāṇe :nirmalaṃ svargamāpnoti tathā bhūtahite rataḥ
131.21
varāhapurāṇe (206|13-14ka) :bhūtānukampako hyeṣa kriyatāmasya cārcanam
varṣāṇāmayutaṃ cāṅga divi tiṣṭheta devavat
[jāyate ca tataḥ] paścānmānuṣaḥ sarvapūjitaḥ
131.22
tathā : -
abhayasya pradānena sarvakāmānavāpnuyāt
131.23
viṣṇudharmottare (3|302|6-16, 21-28) :abhayasya pradānena naraḥ syāt sarvakāmadaḥ
aśvamedhaphalaṃ tasya yo rakṣeccharaṇāgatam
131.24
śaraṇāgatantu saṃtyajya nṛśaṃsaḥ puruṣādhamaḥ
bahūnyabdasahasrāṇi narakaṃ pratipadyate
131.25
[narakācca tathā mukta]-stiryagyoniṣu jāyate
tatrāpi ca tathāproti vadha bandhānanekaṇaḥ
131.26
daivānmānuṣyamāsādya caṇḍālatvamavāpnuyāt
vyādhigandhavadhairghoraistatrāpi ca sa yujyate
131.27
paritrāṇantu yaḥ kuryād bhītasya śaraṇaiṣiṇaḥ
sa ekaḥ puruṣo loke sarvadharmabhṛtāṃ varaḥ
131.28
vadhabhītasya yaḥ kuryāt paritrāṇaṃ narottamaḥ
śakralokaḥ smṛtastasya yāvadindrāścaturdaśa
131.26-2
tamaḥpraveśabhītasya paritrāṇena mānavaḥ
brahmalokamavāpnoti nātra kāryā vicāraṇā
131.30
vadhādapi paraṃ pāpaṃ 1cakṣuṣā tu viyojanam
pārthivena na tat kāryaṃ kadācidapi kasyacit2
131.31
tamaḥpraveśanaṃ kṛtvā pareṣāṃ puruṣādhamaḥ
3[andhatvaṃ dhruvamāpnoti kalpaśeṣamiti śrutiḥ]
api kalpasahasrāṇi tamasā na vimujyate4
131.32
aṅgacchedanabhītasya kṛtvā trāṇamaninditāḥ5
rudralokamavāpnoti kalpaśeṣamiti śrutiḥ
6[kalpādisargaṃ bhavati jñānayukto] narantaḥ
131.33
kṛtvā bandhanabhītasya paritrāṇaṃ narottamaḥ
sarvabandhavinirmukto brahmaṇo lokamaśnute
131.34
vivāsanācca bhītasya kṛtvā trāṇaṃ tathā naraḥ
sarvaduḥkhavinirmuktaḥ sādhyānāṃ lokamāpnuyāt
131.35
tāḍanād yastu bhītasya7 paritrāṇaṃ samācaret
8[sarvaduḥkhavinirmuktaḥ sādhyānāṃ lokamāpnuyāt"
131.36
dhanāpahārabhītasya trāṇaṃ kṛtvā narottamaḥ
10dānapuṇyamavāpnoti lokaṃ dhānadameva ca
131.37
avamānācca bhītasya trāṇaṃ kṛtvā narottamaḥ
svargalokamavāpnoti pūjāṃ devagaṇāttathā
131.38
naraḥ kṛtaparitrāṇaḥ puṇyaṃ kiñcid yadācaret | ]
¹bhāgī tasya ²paritrātā naraḥ puṇyasya karmaṇaḥ
131.36-2
paśūnāñca mṛgāṇāñca pakṣiṇāñca tathā dvijāḥ
tṛṇadrumalatānāñca trāṇādbhavati nākabhāk
131.40
badhakasya gataṃ haste [paśuṃ krītvā]³ narottamaḥ
nākalokamavāpnoti sukhī sarvatra jāyate
131.41
yāvanti ⁴paśuromāṇi tāvadvarṣāṇi mānavaḥ
svargalokamavāpnoti yasya trāṇaṃ⁵ karotyasau
131.42
api kīṭapataṅgasya trāṇāt svargamupāśrute⁶
bahūnyabdasahasrāṇi nātra kāryā vicāraṇā
131.43
cauragrastaṃ ⁷[nṛpagrastaṃ ripugrastaṃ] vimokṣayet
⁸vyālagrastaṃ tathā viprāḥ so'śvamedhaphalaṃ labhet
131.44
viṣame tu tathā durge ⁹salile vā hutāśane
nimagnaṃ yaḥ paritrāyet so'śvamedhaphalaṃ labhet
Linked texts (1)
- Indische Sprüche — Otto von Böhtlingk 1863, Sanskrit