Danasagara 139
Dānasāgara 139
- Language
- Sanskrit
Contents
139.1
tathaiva cetyukte ⁷vākyāntaroktaṃ ⁸[mahat puṇyaṃ labheteti phalaṃ ] sambadhyate | ⁹śravaṇāyuktadvādaśyāṃ pūrvavaddīpān saṅkalpābhimatadeśe dadyāt | oṃ adya vṛhatpuṇyaprāptikāmo'haṃ
ghṛtena dīpān¹⁰ dāsye iti saṅkalpya dadyāt | tailena dīpadāne¹¹ tu ghṛtapadasthāne tailapadaniveśo viśeṣaḥ
iti mahārājādhirāja-niḥśaṅka-śaṅkara-śrīmadvallālasenadevaviracite
śrīdānasāgare nakṣatraniyatatithidānāvartaḥ
mahābhārate (anu-64|5) :—
kṛttikāsu mahābhāge pāyasena sasarpiṣā
santarpya brāhmaṇān sādhūn lokānāpnotyanuttamān
139.2
tathā (anu - 64|6) :—
rohiṇyāṃ prathitairmāsai-10 [rmārgeyairttana ] 11 sarpiṣā
payonnapānaṃ 12 dātavyamānṛṇyārtha 13 14 dvijātaye
139.3
tathā (anu - 64|7):dogdhrīṃ dattvā savatsāntu nakṣatre somadaivate
gacchate mānuṣālokāt svargavāsamanuttamam
139.4
tathā(anu-64|8):ārdrāyāṃ kṛśaraṃ dattvā tailamiśramupoṣitaḥ
narastarati durgāṇi duradhārāṃśca parvatān
139.5
tathā(anu-64|6) :¹pūpān punarvasau dattvā tathaivānnāni śobhane
yaśasvī rūpasampanno bahvanne² jāyate kule
139.6
tathā(anu-64|10) :puṣye tu kanakaṃ dattvā ⁶[kṛtaṃ vākṛtameva] ca
anālokyeṣu lokeṣu somavat sa ⁷virājate
139.7
tathā(anu-64|11) :¹³aśleṣāsūttamo rūpyaṃ ¹⁴[vṛṣabhaṃ vā] prayacchati
sa sarvabhayanirmukta- ¹⁵vaibhavānadhitiṣṭhati
139.8
tu vākye rūpyapadasthāne vṛṣabhapadaniveśo viśeṣaḥ [ svastisāvitrīpāṭhānte vṛṣabho'yaṃ viṣṇadaivatamiti pratigrahītṛvākyam | kāmastutyādi pūrvavat |] pucchagrahaṇa' svīkāraḥ'
tathā (anu-64|12) :maghāsu tilapūrṇāni varddhamānāni mānavaḥ
pradāya putra-bahumāniha pretya ca jāyate
139.6-2
varddhamānāni śarāvān | arcittaya brāhmaṇāyārcita tilapūrṇaśarāvatrayam oṃ adyādi
tubhyamantamuktvā dadyāt | bhārabhāratoktatilapūrṇavarddhamānadānaphalaprāptikāmo'ha- metāni tilapūrṇāni varddhamānāni dadāni | svastisāvitrīpāṭhānte varddhamānāni etāni viṣṇudaivatānauti
pratigrahītṛvākyam | kāmastutyādi pūrvavat
tathā (anu-64|13) :phālgunī- 'pūrvasamaye brāhmaṇānāmupoṣitaḥ
[bhakṣyān phāṇita]-saṃyuktān' dattvā saubhāgyamṛcchati'
139.10
" [phāṇitaṃ khaṇḍaśālūka iti prasiddham | ] pūrvaphalgunīyuktadina pūrva- 2taradine pūrvavaddhaviṣyāhārādi kṛtvā sūryādidevatābhya upavāsapūrvaka- [mahābhāratokta-pūrva] 13-phalgunīvihitaphāṇitayukta-bhakṣya - dāna- karma mayā karttavyamiti nivedya saṅkalpaṃ kuryāt | oṃ a upoṣyāparadine bhārabhāratokta-pūrvaphalgunīvihita phāṇitayukta-bhakṣyadānakarmmāhaṃ kariṣye |] tato
niyamena suptvā paradine [upoṣyāparadine brāhmaṇebhyo'rcitān phāṇitayuktān yathālābhaṃ phalamūlāpūpalaḍḍukān ] 17 oṃ adyādi tubhyamantamuktvā dadyāt | saubhāgyaprāptikāmo'hametāni
phāṇitayuktabhakṣyāṇi dadāni | svastisovittopāṭhānte bhakṣyāṇīmāni viṣṇudaivatānoti
pratigrahītṛvākyam | kāmastutyādi pūrvavat
tathā (anu-64|14-15) :ghṛtakṣīrasamāyuktaṃ vidhivat 1ṣaṣṭikaudanam
uttarāvidhaye dattvā svargaloke mahīyate
139.11
yadyat pradīyate dānamuttarāvidhaye naraiḥ
[mahāphalamanantaṃ 2 tadbhavatīti] 3 viniścayaḥ 4
139.12
arccitāya brāhmaṇāyorcitaṃ ghṛtacīrayutaṃ 5ṣaṣṭikaudanam oṃ adyetyādi tubhyamantamuktā
dadyāt | sotkarṣasvargalokaprāptikāmo'hametaddhṛtakṣīrayukta-ṣaṣṭikaudanaṃ dadāni | svastyādisvīkārāntaṃ pūrvavat | svecchayā godāna-[svarṇadānādikaṃ yadatra] vidhīyate tadanantaraphalahetuḥ | yasmāt puṇyatamaiya-muttaraphalgunī, tatra ca deyadravyadevatāsvīkārau ca pratigrahavidhāvanusandheyau
tathā (anu-64|16) :haste hastirathaṃ dadyāccaturyu ṅka- 10 mupoṣitaḥ
prāpnoti paramāllo kān11 puṇyakāmasamanvitān
139.13
12[caturyu ṅka caturbhirrgajairyuktamityarthaḥ | ] 13hastānakṣatrayuktadina pūrvatara 14-dine pūrvavaddhaviṣyāhārādikaṃ kṛtvā sūryādidevatābhya upavāsapūrvaka-mahābhāratokta-hastirathadānaṃ mayā
karttavyamiti nivedya saṅkalpaṃ kuryāt | oṃ śva upoṣyāparadine mahābhāratokta-hasticatuṣṭayayuktarathadānakarmmāhaṃ kariṣye | tato niyamena suptvā aparadine 15 upoṣyāparadine'rcitāya brāhmaṇāyācitaṃ yathoktarathama oṃ adyādi tubhyamantamuktvā dadyāt | mahābhāratokta- 16 caturhastiyuktarathadānaphalaprāptikāmo'hametaṃ ^1hasticatuṣṭayayuktaṃ ^2rathaṃ dadāni | svastisāvitrīpāṭhānte
ratho'yaṃ prajāpatidaivata iti pratigrahītṛvākyam | kāmastutyādi pūrvavat | ^3īśāgrahaṇaṃ
svīkāraḥ
tathā (anu- 64|17) :citrāyāṃ^4 vṛṣabhaṃ dattvā ^5[puṇyān gandhāṃśca] bhārata
caratyapsarasāṃ loke ramate nandane tathā
139.14
tathā (anu - 64|18) :svātyāmatha dhanaṃ dattvā yadiṣṭatamamātmanaḥ
prāpnoti lokān sa śubhāniha caiva mahadyaśaḥ
139.16
tathā (anu- 64|16-21) :viśākhāyāmanaḍvāhaṃ dhenuṃ dattvā ca dugdhadām
^13[saprāsaṅgaṃ ca śakaṭaṃ sadhānyaṃ vastrasaṃyutam ||15||]
saprāsaṅgama ityākarṣayugadvayasahitamityarthaḥ | evaṃ catvāro vṛṣā yojyāḥ
pitṛdevāṃśca prīṇāti pretya cānantyamaśnute
na sa durgaṇyavāpnoti svargalokañca gacchati
139.17
dattvā yathoktaṃ viprebhyo vṛttimiṣṭāṃ sa vindati
narakārdīśca saṃkleśānāpnotīti viniścayaḥ
139.18
tathā (anu-64|22) :anurādhāsu prāvāraṃ vastrāntaramupoṣitaḥ
dattvā yugaśatañcāpi naraḥ svarge mahīyate
139.16-2
tathā (anu-64|23) :kālaśākañca viprebhyo dattvā martyaḥ samūlakam
jyeṣṭhāyāmṛddhimiṣṭāṃ vai gatimiṣṭāñca gacchati
139.20
sāvitrīpāṭhānte kālaśākamidaṃ vanaspatidaivatamiti pratigrahītāro vadeyuḥ | kāmastutyādi
pūrvavat
tathā (anu—64|24) :—
mūle mūlaphalaṃ dattvā brāhmaṇebhyaḥ samāhitaḥ
pitṝn sa saṃprīṇayati gatimiṣṭāñca gacchati
139.21
tathā (anu—64|25ka-26ka) :—
^1atha ^2pūrvāsvāṣāḍhāsu dadhipātrāṇyupoṣitaḥ
kulavṛttopasampanne brāhmaṇe vedapārage
puruṣo jāyate pretya kule sa bahugokule
139.23
tathā (anu—64|26kha-27ka) :—
udasaktuṃ sasarpiṣkaṃ prabhūtamadhuphāṇitam
^3dattvottarāsvāṣāḍhāsu sarvakāmānavāpnuyāt
tathā (anu—64|27kha-ga) :—
dugdhaṃ tvabhijito yoge dattvā madhughṛtaplutam¹
dharmanityo manīṣibhyaḥ svargaloke mahīyate
139.24
tathā (anu—64|28) :—
śravaṇe kambalaṃ dattvā vastrāntaritameva ca
śvetena yāti yānena sarvalokān samāvṛtān
139.25
tathā (anu—64|26) :—
goprayuktaṃ dhaniṣṭhāsu yānaṃ dattvā samāhitaḥ
vastraraśmidharaṃ³ sadyaḥ⁴ pretya rājyaṃ samaśnute
139.26
tathā (anu—64|30) :—
gandhān śatabhiṣāyoge dattvā sāgurucandanān
prāpnotyapsarasāṃ lokān pretya gandhāṃśca śāśvatān
139.27
gandhān kastūrikām | arcitāya brāhmaṇāyārcitāṃ1 yathoktadravyasahitāṃ2 kastūrikām
oṃ adyādi tubhyamantamuktvā dadyāt | mahābhāratokta-śatabhiṣāvihita-gandhadānaphalaprāptikāmo'hametān sāgurucandanān gandhān dadāni | svastisāvitrīpāṭhānte gandhā ete
gandharvadaivatā iti pratigrahītṛvākyam | kāmastutyādi pūrvavat
tathā (anu—64|31) :—
pūrvabhādrapadāyoge rājamāṣān pradāya tu
3sarvabhakṣyaphalopetaḥ sa vai pretya sukhī bhavet
139.28
arcitāya brāhmaṇāyārcitān rājamāṣān oṃ adyādi tubhyamantamuktvā dadyāt | mahābhāratokta-rājamāṣadāmaphalaprāptikāmo'hametān rājamāṣān dadāni | svastisāvitrīpāṭhānte
rājamāṣā ete prajāpatidaivatā iti pratigrahītṛvākyam
tathā (anu—64|32) :—
aurabhramuttarāyoge yastu māṃsaṃ4 prayacchati
sa pitṝn prīṇayati vai pretya cānantyamaśnute
139.26-2
aurabhraṃ meṣabhavam | arcitāya brāhmaṇāyārcitaṃ meṣamāṃsam oṃ adyādi tubhyamantamuktvā
dadyāt | mahābhāratoktaurabhra-māṃsadānaphalaprāptikāmo'hametadaurabhraṃ māṃsaṃ dadāni | svastisāvitrīpāṭhānte māṃsamidaṃ prajāpatidaivatamiti pratigrahītṛvākyam | kāmastutyādi pūrvavat
tathā (anu—64|33) :—
kāṃsyopadohanāṃ dhenuṃ revatyāṃ yaḥ prayacchati
sa pretya kāmānādāya 5dātā samupatiṣṭhati
139.30
arcitāya brāhmaṇāyārcitāṃ dhenuma oṃ adyādi tubhyamantamuktvā dadyāt | mahābhāratoktarevatīvihita-dhenudānaphalaprāptikāmo'hametāṃ kāṃsyopadohanāṃ dhenuṃ dadāni | svastisāvitrīpāṭhānantaraṃ dhenuriyaṃ rudradaivateti pratigrahītṛvākyam | kāmastutyādi pūrvavat | pucchagrahaṇa’
svīkāraḥ
tathā (anu—64|34) :—
rathamaśvasamāyuktaṃ dattvāśvinyāṃ narottamaḥ
hastyaśvarathasampanne varcasvī jāyate kule
139.31
arcitāya brāhmaṇāyocitaṃ ratham oṃ adyādi tubhyamantamuktvā dadyāt | mahābhāratoktāśvarathadānaphalaprāptikāmo'hametamaśvayuktasthaṃ dadāni | khastisāvitropāṭhānte ratho'yaṃ prajāpatidaivata iti pratigrahītṛvākyam | kāmastutyādi pūrvavat | kaśāgrahaṇa' khokāraḥ
tathā (anu - 64|35) :bharaṇīṣu dvijātibhyastiladhenu' pradāya vai
'gāśca prabhūtāḥ prāpnoti naraḥ pretya yaśastathā
139.32
dvijātibhya iti jātyākhyāyāmekasmin bahuvacanam | matasyapurāṇoktāṃ tiladhenumutpādyārcitāmarcitāya brāhmaṇāya dhenudānāvarrtasya 2- matsyapurāṇīyatiladhenudānavidhinā dadyāt
tava kāmanāyāṃ mahābhāratokta-bharaṇīvihita-tiladhenudānaphalaprāptikāmo'hamiti vākye viśeṣaḥ
viṣṇudharmottare (3|317|20-27ka) :kṛttikāsu suvarṇasya dānaṃ bahuphalaṃ smṛtam
raktavastrasya rohiṇyāṃ saumyame lavaṇasya ca
139.33
saumyame mṛgaśirasi
kṛsarasya tathārdrāyāmāditye rajatasya tu
ghṛtasya tu tathā puṣye candanānāñca sarpame
139.34
āditye punarvakhauḥ sarpame aśleṣāyām | candanānāmitiśvetacandanaraktacandanakucandanānām
tilānāñca maghāyoge priyaṅgorbhagadaivate
āryamne cāpyapūpānāṃ sāvitre pāyasasya tu
139.35
bhagadaivate pūrvaphalgunyām āryamne uttaraphalgunyām sāvitre hastāyām
citrāyāṃ cittavastrāṇāṃ sakūnāṃ vāyudaivate
aindrāgne caiva lohānāṃ maitre mālyaphalasya ca
139.36
vāyudaivate svātyām aindrāgne viśākhāyāṃ maitre'nurādhāyām
chattrasya ca tathā śāke mūle mūlaphalasya ca
himasya madhuyuktasya dānamāpye mahāphalam
139.37
viśveśvare'nnadānasya śravaṇe vasanasya ca
dhānyasya vāsave¹ viprā vāruṇe cauṣadhasya ca
139.38
āje purāṇabījānāṃ śasyānāṃ tadanantare
gorasānāṃ tathā pauṣṇe jñānānāmatha cāśvine
tilānāñca tathā dānaṃ bharaṇīṣu mahāphalam
139.36-2.1
dharmottokta-maghāvihita-tiladānaphalaprāptikāmo'hametāni tilānīti viśeṣaḥ| svastisāvitrīpāṭhānte tilā ete prajāpatidevatā iti pratigrahītṛvākyam| kāmastutyādi pūrvavat muṣṭigrahaṇaṃ svīkāraḥ| pūrvaphalgunyāṃ priyaṅgudāne vākye viṣṇudharmottokta-bhagadaivatarcavihitapriyaṅgudānaphalaprāptikāmo'hametāṃ1 priyaṅgumiti viśeṣaḥ| svastisāvitrīpāṭhānte priyaṅguriyaṃ2 prajāpatidaivateti pratigrahītṛvākyam| kāmastutyādi pūrvavat| muṣṭigrahaṇaṃ svīkāraḥ uttaraphalgunyā3-mapūpadāne vākye viṣṇudharmottaroktāyaryamavihitā pūpadānaphala prāptikāmo'hametāna4pūpāniti viśeṣaḥ| svastisāvitrīpāṭhānte apūpā ete prajāpatidevatā iti pratigrahītṛvākyam| kāmastutyādi pūrvavat| hastāyāṃ pāyasadāne tu vākye viṣṇudharmottokta-hastānakṣatravihita-pāyasadānaphalaprāptikāmo'hametaṃ pāyasamiti viśeṣaḥ| svastyādikhīkārāntaṃ prathamadānavat| citrāyāṃ nānāvarṇavastradānavākye viṣṇudharmottoktacitrāvihita-vastradānaphalaprāptikāmo'hametāni citravastrāṇīti viśeṣaḥ| svastisāvitrīpāṭhānte vastrāṇīmānī bṛhaspatidaivatānīti pratigrahītṛvākyam| kāmastutyādi pūrvavat| daśāgrahaṇapūrvakaṃ paridhānaṃ svīkāraḥ khātyāṃ saktudāne vākye viṣṇudharmottokta-svātīnakṣatravihita-saktudānaphala prāptikāmo'hametān saktūniti viśeṣaḥ| svastisāvitrīpāṭhānte saktava ete prajāpatidevatā iti pratigrahītṛvākyam kāmastutyādi pūrvavat| viśākhāyāṃ suvarṇa-rajata-tāmra-kāṃsya-sīsaka-pittala-raṅgakṛṣṇāyāsānāṃ dāne tu vākye viṣṇudharmottokta-viśākhāvihita5-lohadāna phalaprāptikāmo'hametāni lohānīti
139.36-2.2
viśeṣaḥ| svastisāvitrīpāṭhānte lohānyetānyagnidaivatānoti pratigrahītṛvākyam| kāmastutyādi pūrvavat| anurādhāyāṃ phalamālyadāne tu vākye 6viṣṇudharmottoktānurādhāvihitaphalamālyadānaphalaprāptikāmo'metāni phalamālyānīti viśeṣaḥ| svastisāvitrīpāṭhānte phalamālyānyetāni viṣṇuvanaspatidaivatānoti pratigrahotṛvākyam| kāmastutyādi pūrvavat jyeṣṭhāyāṃ chatradānavākye viṣṇudharmottokta-jyeṣṭhā7-vihita-chatradānaphala prāptikāmo'hametacchatramiti viśeṣaḥ| svastisāvitrīpāṭhānte chatramidaṃ prajāpatidaivatamiti pratigrahītṛvākyam| kāmastutyādi pūrvavat| daṇḍagrahaṇaṃ svīkāraḥ| mūle mūlasya phalasya ca dāne vākye viṣṇudharmottarokta-mūlarcavihita-phalamūladānaphalaprāptikāmo'hametatphalamūlamiti viśeṣaḥ| svastisāvitrīpāṭhānte phalamūlamidaṃ vanaspatidaivatamiti pratigrahītṛvākyam| kāmastutyādi pūrvavat pūrvāṣāḍhāyāṃ madhuyukta-śiśirajaladāne vākye viṣṇudharmottarokta-pūrvāṣāḍhāvihita-himadānaphalaprāptikāmo'hametanmadhuyuktatilamiti viśeṣaḥ | svastisāvitrīpāṭhānte himamidaṃ viṣṇudaivatamiti pratigrahītṛvākyam | kāmastutyādi pūrvavat | 1uttarāṣāḍhāyāmannadāne vākye 2viṣṇudharmottarīktottarāṣāḍhā-vihitānnadānaphalaprāptikāmo'hametadannamiti viśeṣaḥ | svastisāvitrīpāṭhānte'nnamidaṃ prajāpatidaivatamiti pratigrahītṛvākyam | kāmastutyādi pūrvavat | śravaṇe vastradānavākye viṣṇudharmottarokta-śravaṇā vihitavastradānaphalaprāptikāmo'hametadvasanamiti viśeṣaḥ | svastisāvitrīpāṭhānte vastramidaṃ bṛhaspatidaivatamiti pratigrahītṛvākyam | kāmastutyādi pūrvavat
139.36-2.3
daśāgrahaṇapūrvakaṃ paridhānaṃ svīkāraḥ | dhaniṣṭhāyāṃ 3dhānyadāne vākye viṣṇudharmottarokta-dhaniṣṭhāvihita-dhānyadānaphalaprāptikāmo'hametaddhānyamiti viśeṣaḥ | svastisāvitrīpāṭhānte dhānyamidaṃ prajāpatidaivatamiti pratigrahītṛvākyam | kāmastutyādi pūrvavat | muṣṭigrahaṇaṃ svīkāraḥ śatabhiṣāyāṃ vanapācitaguggulu-pācitatailānāmoṣadhānāmanyatamasya dāne vākye viṣṇudharmottaroktaśatabhiṣāvihitauṣadha-dānaphalaprāptikāmo'hametadauṣadhamiti viśeṣaḥ | svastisāvitrīpāṭhānte auṣadhamidaṃ viṣṇudaivatamiti pratigrahītṛvākyam | kāmastutyādi pūrvavat | pūrvabhādrapadāyāndhānyādīnāmanyatamasya cirantanaśasyasya dāne vākye viṣṇudharmottarokta-purāṇa bījadānaphalaprāptikāmo'hametāni purāṇabījānīti viśeṣaḥ | svastisāvitrīpāṭhānantaraṃ bījānyetāni prajāpatidaivatānīti pratigrahītṛvākyam | kāmastutyādi pūrvavat | muṣṭigrahaṇaṃ svīkāraḥ | uttarabhādrapadāyāṃ yathālābhaṃ śasyatrayadānavākye viṣṇudharmottarīktottarabhādrapadāvihita-śasyadānaphalaprāptikāmo'hametāni śasyāniti viśeṣaḥ | svastisāvitrīpāṭhānte śasyānyetāni prajāpatidaivatānīti pratigrahītṛvākyam | kāmastutyādi pūrvavat | muṣṭigrahaṇaṃ svīkāraḥ | revatyāṃ dugdhadadhitakaghṛtādīnāṃ dānavākye viṣṇudharmottarokkarevatīvihita-goramadānaphalaprāptikāmo'hametaṃ 4
139.36-2.4
gorasamiti viśeṣaḥ | svastisāvitrīpāṭhānte gorasā ete viṣṇudevatā iti pratigrahītṛvākyam | kāmastutyādi pūrvavat | aśvinyāṃ snānīyasugandhāmalakādidānavākye viṣṇudharmottaroktāśvinīvihita ]5-snānadānaphalaprāptikāmo'hametat snānamiti viśeṣaḥ | svastisāvitrīpāṭhānte snānamidaṃ viṣṇudaivatamiti pratigrahītṛvākyam | kāmastutyādi pūrvavat bharaṇyāṃ tiladānavākye viṣṇudharmottarokta-bharaṇīvihita-tiladānaphalaprāptikāmo'hametāṃstilāniti viśeṣa̍ḥ| svastisāvitrīpāṭhānte tilā ete prajāpatidaivatā iti ²pratigrahītṛvākyam ³[kāmastutyādi pūrvavat |] ⁴muṣṭigrahaṇa˙ svīkāraḥ tathā :— ⁵śravaṇe dīpakaṃ dattvā nadīdvitayasaṅgame ⁶[tejasvī ca yaśasvī ca rūpavānabhijāyate
139.40
śravaṇānakṣatrayuktadine nadīdvitayasaṅgame] dīpadānaṃ⁷ gṛhītajalapūrṇatāmrapātra udaṅmukhaḥ
saṅkalpayet | oṃ viṣṇudharmottarokta-⁸śravaṇarkṣavihita-dīpadānaphalaprāptikāmo'haṃ nadīdvayasaṅgame
dīpaṃ dāsye iti ⁹saṅkalpya dadyāt
tathā (3|306|68) :—
māse māse tu revatyāṃ brāhmaṇān ghṛtapāyasam
sadakṣiṇa˙ bhojayitvā rūpamāpnotyanuttamam
139.40.p1
yathecchaṃ pratimāsaṃ revatyāṃ brāhmaṇebhyo'rcitebhyā ¹⁰ghṛtasahitaṃ pāyasamarcitam oṃ adyādi
tubhyamantamuktvā dadyāt | anuttamarūpaprāptikāmo'hametaṃ ghṛtapāyasaṃ dadāni | ¹¹svastisāvitropāṭhānantaraṃ ghṛtapāyaso'yaṃ ¹²prajāpatidaivata iti pratigrahītṛvākyam | kāmastutyādi
pūrvavat
iti mahārājādhirāja-niḥśaṅka-śaṅkara-śrīmadvallālasenadeva-viracite
śrīdānasāgare nakṣatradānāvarttaḥ
139.40.p2
[ atha nānādaivata-māsavyāpidānāniḥ | ]¹ (67
Linked texts (8)
- Southern recension — Sanskrit
- Śrītattvanidhi — Kṛṣṇarājasārvabhauma, Sanskrit
- Tattvanidhi — Kṛṣṇarāja III, Sanskrit
- Kṛtyamahārṇava — Vācaspatimiśra, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Caturvargacintāmaṇi — Hemādri, Sanskrit
- Dānakalpataru — Lakṣmīdhara, Sanskrit
- Dānakhaṇḍa — Hemādri, Sanskrit